Қазақша рефераттар

Оқушыларға Windows операциялық жүйесінің стандартты бағдарламалары

Информатика пәнінен ашық сабақ

Тақырып: Windows операциялық жүйесінің стандартты бағдарламалары

Сабақ сипаттамасы

Сабақ түрі
Практикалық шеберліктерді дамыту
Сабақ типі
Аралас
Пән аралық байланыс
Сызу, математика

Көрнекіліктер

  • «Windows операциялық жүйесінің стандартты бағдарламалары» плакаты
  • Буклеттер
  • Ребус

Құрал-жабдықтар

  • Дербес компьютерлер
  • Проекциялық аппарат
  • Жекелеген тапсырмалар

Сабақ мақсаты

Білімділік

Оқушыларға Windows операциялық жүйесінің стандартты бағдарламалары туралы түсінік беру: WordPad, Paint, Қойын дәптер, Күнтізбе, Калькулятор, Сағат, Дыбыс жазу, Медиаплеер, Терминал. Олардың кеңейтілімдері, ерекшеліктері, артықшылықтары мен кемшіліктерін түсіндіру.

Дамытушылық

І курс бойынша информатикадан алған білімдерін қолдана отырып, стандартты бағдарламалармен тәжірибе жүзінде жұмыс істеу дағдыларын дамыту; практикалық шеберлікті арттыру; шығармашылық қабілет пен қызығушылықты күшейту.

Тәрбиелік

Оқушылардың шапшаңдыққа, ізденімпаздыққа, логикалық ойлауға бейімін дамыту; өз ойын нақты әрі сауатты жеткізуіне жағдай жасау.

Сабақ жоспары

Кезең Мазмұны Уақыты
I Ұйымдастыру кезеңі 2–3 минут
II Өткен тақырып бойынша қайталау 15–17 минут
III Жаңа тақырыпты түсіндіру 25 минут
IV Практикалық жұмыс: жаңа білімді қолдану және шеберлікті дамыту 30 минут
V Білімді жинақтау және бекіту 10 минут
VI Үй тапсырмасы 1–2 минут
VII Бағалау және қорытынды 3–4 минут

Ойын элементі

Топтағы оқушылар бірнеше топқа бөлініп отырады. Сабаққа белсенді қатысып, берілген тапсырмалар бойынша фигураларды көбірек жинаған топ жеңімпаз атанады.

Сабақ барысы

I. Ұйымдастыру кезеңі

  • Оқушыларды түгендеу.
  • Сабаққа дайындығын тексеру.
  • Дербес компьютермен жұмыс кезіндегі техникалық қауіпсіздік ережелерін еске салу.

II. Өткен тақырып бойынша қайталау

Оқушыларға жекелеген парақшалар таратылады. Парақшада өткен тақырыптарды қамтитын 5 сұрақ және 3 нұсқа бойынша тапсырмалар беріледі. Оқушылар тапсырмаларды орындау арқылы білімдерін көрсетеді.

Қысқаша қайталау жұмысы (үлгі)

Оқушы деректері

Оқушының аты-жөні
___________________________________________
Тобы
__________
Нұсқасы
I

Тапсырмалар

  1. 1) Өз сөзіңмен жауап жаз:
    Ақпараттың сипаты, қасиеттері және алыну әдістеріне сипаттама бер.
  2. 2) Берілген сөздерден ақпараттың өңделу түрін анықта.
    а) Әріптердің орнын ауыстыру

    қамал – қалам, қыран – нарық, кене – неке, қарта – тарақ, қасық – қысқа

    ә) Алғашқы үш әріпті алу

    балық – бал, торғай – тор, қара – қар, жолбарыс – жол, басқыш – бас

  3. 3) Көп нүктенің орнына қажетті сөздерді қойып жаз.

    ______________ ғылымында ақпаратты өлшеудің өз өлшем бірліктері бар.

    Ең кіші өлшем бірлігі — _____.

    1 ______ — сұраққа бір мағыналы, ешқандай түсіндірмені қажет етпейтін жауап беру (иә немесе жоқ) арқылы алынатын ақпарат.

    Компьютерде ақпарат ____________ санау жүйесінде кодталады; ыңғайлы болу үшін 0 және 1 екілік цифрларымен белгіленеді.

    ________________ өлшеудің негізгі бірлігі — байт; 1 байт = 8 бит.

  4. 4) Кестені толтыр: ДК-дің буындары бойынша кестені толықтыр.
    (Оқушы кестені осы жерге толтырады)
  5. 5) Схеманы толтыр.
    (Оқушы схеманы осы жерге толтырады)
Бағасы
______________