Ойын Кім жылдам

Математика
Тақырыбы: 1 саны мен цифры
Мақсаты: а) білімділік: балаларды 1 санымен таныстыру, жазылу цифрын үйрету, мағынасын ұғындыру.
ә) дамытушылық: ойлау, шығармашылық қабілеттерін және тілдерін дамыту.
б) тәрбиелік: ұйымшылдыққа, ұқыптылыққа, жинақылыққа тәрбиелеу.

Көрнекіліктер: 1 саны баспаша, жазбаша, жүрек, нан, Елбасы, ай, күн суреттері
Әдіс - тәсілдер: көрнекілік, ойын, сұрақ - жауап

Сабақ барысы
1. Ұйымдастыру

а) Сәлемдесу, зейіндерін сабаққа аудару
ә) үш топқа бөлу: үшбұрыш, төртбұрыш, дөңгелек
б) "Жылы лебіз"

Төртбұрыш: Күннің көзі ашылып
Көкке шашу шашылып
Қарсыластар сендерге
Тілейтінім сәттілік.

Үшбұрыш: Біз ерекше баламыз
Айтқан тілді аламыз
Ал ендеше достарым
Сабаққа ынта саламыз.

Дөңгелек: Достарым менің жол болсын
Дендеріңіз сау болсын
Жақсы оқып сабақты
Бестіктерің мол болсын.

2. Жаңа сабақ
- Өте тамаша балалар. Біз ешкімнен қысылмай тақпақтар айтып, ашық сабақ өткізіп жатырмыз. Ешкімнен қысылмау үшін адамда не болуы керек?
- Мықты жүрек
- Адамда неше жүрек бар?
- 1
- Жүрек жақсы жұмыс істеп, деніміз сау болуы үшін не істеуіміз керек?
- Спортпен шұғылдану, дұрыс тамақтану
- Дұрыс тамақтану үшін дастарханға ең бірінші нені қоямыз?
- Нан
- Біз кеше ғана 1 желтоқсан қандай мерекені атап өттік?
- Президент күні
- Қазақстан республикасының ең бірінші президенті кім?
- Нұрсұлтан Әбішұлы Назарбаев
- Дұрыс айтасыңдар, балалар, біз бағанадан бері қай сан жайлы айтып жатырмыз?
- 1 саны
- Ендеше бүгінгі біздің сабағымыз 1 саны жайлы болмақшы
(тук - тук, есік қағылады)
- Ой, балалар біреу есік қағып тұрған сияқты, ашайық(1 санының макеті кіреді)
1 саны: Сәлем балақайлар. Мен сендерге математика патшалығынан келіп тұрмын. Сендерде ашық саба болады деп естідім. Мен нөлден кейін бүкіл сандарды бастап тұратын бірінші санмын.
Мысалы аспанда күн мен ай біреу, адамның басы біреу. Мен сендерге бірнеше тапсырмалар алып келдім.
Жақсы орындасаңдар сыйлық беремін.
- Балалар орындаймыз ба?
- Орындаймыз

1 - тапсырма:
- Балалар 1 санына назар аударайық. Ол бір қысқа және бір ұзын таяқшадан тұрады.
Қанекей ауада жазып көрейік.

2 - тапсырма: "Бірді жаз"
1 санын әртүрлі тәсілмен жазу
1 топ: Сіріңкемен 1 санын жазу
2 топ: Түсті қағаздан 1 санын жазу
3 топ: Ермексаздан 1 санын жазу

3 - тапсырма: "Орнын тап"
1. Құстардың ішінен үй құсын тап
2. Әріптердің арасынан дауысты дыбысты тап
3. Жануарлар арасынан үй жануарын тап

4 - тапсырма:
1 санын дәптерге әдемілеп жазу
5 тапсырма: Сергіту жаттығуы
"Санамақ" әнін орындау

3 Қорытындылау
1) - Біз қандай санмен таныстық?
Ойын "Кім жылдам?" Бір орындық қойылады. әр топтан бір оқушыдан шығып, музыкамен билейді.
Музыка өшкенде орындыққа кім жылдам бірінші отырады.
2) - Кім өз денесімен 1 санын көрсете алады?
- Балалар 1 саны сендерге өте разы болып тұр. Сендерге мына сыйлықтарды беруімді өтінді.
Мадақтау