Мектепалды даярлық топ бүлдіршіндері мен аналар сайысы
Мектепалды даярлық топтағы «Ана — бақыт, қыз — гүл» сайысы
Бұл шара мектепалды даярлық тобының бүлдіршіндері мен аналарға арналған мерекелік сайыс ретінде ұйымдастырылады. Бағдарлама жылы лебізге, ұлттық тәрбиелік құндылықтарға және шығармашылық тапсырмаларға негізделген.
Қатысушылар
- Сидалы Назерке — анасы Гүлбанумен бірге
- Бағдат Арайлым — анасы Нұргүлмен бірге
- Жиеналина Армангүл — анасы Алтынгүлмен бірге
Сайыстың мақсаты
Тәрбиелік бағыт
- Балаларды мейірімділікке, сүйіспеншілікті арттыруға баулу.
- Аналардың өлшеусіз еңбегін қадірлеуді үйрету.
- Үлкенге ізет, кішіге үлгі болу мәдениетін қалыптастыру.
Ұлттық құндылық
- Бала бойына ізгілік, инабаттылық, биязылық сияқты жақсы қасиеттерді сіңіру.
- Қазақ қызына, келініне тән әдеп пен көркем мінезді дәріптеу.
Жүргізушінің құттықтауы
Өлең жолдары
Ана дейміз бәріміз де аңқылдап,
Ана дейді жас сәби де жарқылдап.
Ана деген — бәйтерегі өмірдің,
Ана деген — алтын қазық, алтын бақ!
Дәйексөз
Елбасы Н. Ә. Назарбаев: «Шығыс халықтарының арасында, жалпы мұсылман әлемінде әйел затын ерекше бағалайтын, қарындасты қатты тәрбиелейтін халықтың бірі де, бірегейі де — біздің қазақ», — деп, аналарға деген құрметін білдірген.
Мерекелік тілек
Бүгін айтылатын ақ тілек, жылы сөз, әсем би мен шырқалар ән — сіздерге арналады. Аналар, әжелер, қадірлі қонақтар, қыз балалар және ұстаздар, баршаңызды Халықаралық әйелдер күнімен құттықтаймыз!
Отбасыларыңызға бақыт, дендеріңізге саулық, жүздеріңізге шаттық пен қуаныш тілейміз. «Ана — бақыт, қыз — гүл» атты сайысымызды тамашалауға шақырамыз.
Сайыс барысы
Бастау сөзі
Уа, халайық, халайық,
Мұнда назар салайық.
Мерекесі халықтың —
Ана тойын бастайық!
Осы тойға арналған
«Ана — бақыт, қыз — гүл» сайысын бастайық.
Аналар мен әсем бүлдіршіндерді ортаға шақырамыз. Сонымен қатар сайыстың әділқазылар алқасы таныстырылады.
Сайыс ережесі
Сайыс бірнеше кезеңнен тұрады. Әр кезеңде қатысушылардың өнері, шеберлігі, ұқыптылығы мен білім-білігі бағаланады.
-
Таныстыру
I кезең: Өзін-өзі таныстыру
Қатысушылар өздерін және аналарын таныстырады.
-
Шеберлік
II кезең: «Шебер қолдар» сайысы
Анасы ою-өрнек салып, қиып береді. Дайын қиылған ою үлгілерін балалар ақ параққа жапсырады. Негізгі өлшемдер: шапшаңдық, әдемілік, ұқыптылық.
-
Өнер
III кезең: Өнер сайысы
Анасы қызымен бірге немесе жеке өнер көрсетеді: көркем сөз оқу, би, ән, өлең және т.б.
-
Білім
IV кезең: «Тапқыр, білгір, білімділер»
Мақал-мәтел айту, жұмбақ шешу, сұрақтарға жауап беру арқылы білімдері сыналады.
-
Дәстүр
V кезең: «Қонақжайлық — ата дәстүріміз»
Аналар мен бүлдіршіндер мерекелік дастарханға салат дайындайды. Салатқа атау беріп, дайындалу тәсілі туралы қысқаша түсінік ұсынады.
Реттік нөмір анықтау
Әсем бүлдіршіндер сандықшадан реттік нөмірлерін алып, сайыс тәртібі белгіленеді.
Қатысушыларды қарсы алу
Жаны сырлы, жанары — таң ару қыздар,
Сенімі асқар, күндей сұлу ару қыздар,
Сәуле шашқан өмірге нұр ару,
Көрік болған көгімде жұлдыздар-ай.
Бай болсын қыздарым ізгілікке —
Қол соғып, қошеметпен қарсы аламыз!
Кезеңдерге жол ашу
I кезең
«Өзін-өзі таныстыру» кезеңіне кезек береміз.
II кезең
Қазақтың қолөнеріне тән ою-өрнек жасап көрсету тапсырмасы ұсынылады.
«Жетелi өнер сүйіп еңбектенер,
Өмір жолы өшпестей өрнектелер».
Ал, кәне, арулар мен аналар — іске сәт!
III кезең: Өнер сайысы
Ал кімнің өнері бар, қаншалықты —
Бірі билеп, ал біреуі ән салыпты.
Бүгінгі мерекелік сайыста
Өнерін көрсетіп, жан салыпты!
Ендеше, аналар мен әсем бүлдіршіндердің өнерін тамашалайық.