Қазақша рефераттар

Бағалау парағын таныстыру

Сабақтың мақсаты

Оқушылардың модельдерді формальдау барысында зерттеушілік құзыреттілігін дамыту, логикалық ойлауын жетілдіру және ой-өрісін кеңейту.

Біледі

Модель ұғымын және оның оқу үдерісіндегі маңызын.

Үйренеді

Модельдерді зерттеу тәсілдерін және оларды сипаттауды.

Қолданады

Практикада модельмен жұмыс істеуді және мысалдарды топтастыруды.

Әдіс-тәсілдер

Мозайка әдісі

Ақпаратты бөліктерге бөліп, біріктіре отырып ортақ қорытындыға келу.

«Мен – саған, сен – маған»

Жұптық алмасу арқылы түсіндіру және нақтылау.

Болжау әдісі

Нәтижені алдын ала болжау арқылы ойлау әрекетін күшейту.

Диалогтық оқыту

Сұрақ-жауап арқылы түсінуді тереңдету және дәлелдеу мәдениетін қалыптастыру.

Сабақ барысы

1) Ұйымдастыру кезеңі

  • Сәлемдесу және сыныпты ұйымдастыру.
  • Топқа бөлу: автокөлік және киіз үй суреттерінің қиындысы арқылы 2 топ құру.
  • Сабақ жоспары мен бағалау парағын таныстыру, әр оқушыға бағалау парағын тарату.

2) «Білу»: үй тапсырмасын тексеру

5 минут

Өткен тақырып: компьютерлік графика. Тексеру форматы — сұрақ-жауап (түрткі болу, сынақтан өткізу және қайта бағыттау тәсілдері).

3) «Түсіну»: қызығушылықты ояту

2 минут

Модельдеу туралы қысқа бейнеролик көрсету арқылы тақырыпқа кіріспе жасау.

4) Мағынаны тану

1 минут

Мұғалім практикалық бөлімде орындалатын тапсырмаларды хабарлап, сабақтың мақсаты мен міндеттерін нақтылайды.

5) «Қолдану»: негізгі бөлім

5 минут

Тапсырма 1 (1-топ)

Модельдерді пәндік салаға қарай топтастырыңыздар.

Тапсырма 2 (2-топ)

Берілген модельдерді материалдық және ақпараттық бағытқа бөліп топтастырыңыздар.

Тапсырмаға берілген нысандар тізімі

  1. 1.Глобус
  2. 2.Театр қойылымының декорациялық безендіру макеті
  3. 3.Театр спектаклінің костюмдер эскизі
  4. 4.Адам қаңқасының макеті
  5. 5.Химиялық реакциялардың теңдеуі
  6. 6.Абай Құнанбаев әулеті ұрпақтарының сызба түріндегі моделі
  7. 7.Қуыршақ
  8. 8.Су молекуласы құрылымының моделі (макеті)
  9. 9.Пойыздар қозғалысының кестесі
  10. 10.Паровоз ойыншығы
  11. 11.Метроның сызбасы
  12. 12.Шаршының ауданын табу формуласы
  13. 13.Чарльз Бэббидждің суреті

Бағалау

Әр оқушы бағалау парағы арқылы топтық және жеке жұмыстың орындалуын белгілейді. Мұғалім кері байланыс беріп, нәтижені қорытындылайды.

Қорытынды нәтиже

  • Оқушылар модель ұғымын меңгереді.
  • Модельдерді зерттеу және жіктеу дағдыларын қалыптастырады.
  • Практикада модельдермен жұмыс істей алады.

Материал: «Модельдерді зерттеу» (жүктеу).