Ұсынылған дидактикалық тапсырмалар жинағының мақсаты
Түсініктеме хат
Мемлекеттік тілдің іргетасын қалау бастауыш мектептен басталуы — әбден заңды. Өйткені орыс мектептерінде қазақ тілін оқыту бастауыш сыныптан бастап оқушылардың халқымыздың мәдениетін тануына, тілді меңгеруіне және қызығушылығын қалыптастыруға бағытталады.
Оқу материалын жан-жақты әрі терең ұғындыру үшін түрлі әдістерді тиімді пайдалану қажет. Дұрыс қолданылған әдіс оқушылардың назарын аударып қана қоймай, қызығушылығы мен ынтасын да арттырады.
Жинақтың мақсаты
Ұсынылған дидактикалық тапсырмалар жинағы оқушының тілдік дағдыларын жүйелі дамытуға бағытталған.
-
Тапсырмаларды орындау барысында қазақша сөздерді үйрену.
-
Есте сақтау қабілеті мен ой-өрісті дамыту.
-
Ұйымшылдыққа тәрбиелеу.
-
Сөздік қорды молайтып, сөзді еркін әрі мағынасына сай қолдануға, дұрыс сөйлеуге жаттықтыру.
Жинақтың міндеттері
Тапсырмалар оқыту мен тәрбиелеу үдерісін қатар қолдап, оқушының дербес жұмысын күшейтеді.
-
Сабақтағы материалды меңгертуді қамтамасыз ету және тәрбиелік жұмысты іске асыру.
-
Қазақ тілі бойынша материалды толық әрі жүйелі меңгерту.
-
Өз бетінше жұмыс істей білуге дағдыландыру.
-
Ойланғыштық пен ізденімпаздық қабілеттерін арттырып, сөздік қорды молайтуға көмектесу.
Практикалық тапсырма
«Бәрін білгім келеді…» бөліміне арналған қысқа тапсырма.
Тақырып: Ойыншықтар
Үлкен допты қызыл түспен, ал кішкентай допты көк түспен боя.