Сәлем достар
Тіл дамыту сабағы
Тақырыбы
Ғарыш
Мақсаты
- Ғарыш әлемі туралы түсініктерін жетілдіру.
- Ғарыш әлемі және оның құпия сырларына деген қызығушылықтарын арттыру.
- Ғарышкерлерге деген қызығушылықтарын қалыптастыру.
Қажетті құралдар
Өту барысы
1) Жылулық шеңбер
– Сәлем, саған күн!
– Сәлем, саған күн шуағы!
– Сәлем, достар!
– Сәлем, достар!
2) Ұйымдастыру кезеңі
Балалар тәрбиешінің қасына жартылай шеңбер жасап тұрады. Тәрбиеші балаларға хат келгенін айтады: ғарыш тұрғындары бізден көмек сұрайды. Ғарышқа ұшу үшін алдымен жұмбақты шешу керек.
Жұмбақ
Ұшады қанатсыз,
Зырлайды аяқсыз.
Жауабы: Зымыран
3) Ұшу ережесі
Балаларға белгілер таратылады: қызыл белгісі бар балалар қызыл зымыранға, көк белгісі бар балалар көк зымыранға отырады.
Қызыл зымыран
Марсқа қонады
Көк зымыран
Юпитерге қонады
Көзімізді жұмып, 5-тен 1-ге дейін санаймыз: 5, 4, 3, 2, 1 — ұштық!
4) Планеталарға қону және тапсырмалар
Марс
Зымыран жасау
Марс тұрғындарының көлігі істен шыққан. Біз оларға зымыран жасауды үйретеміз: үлгілерге қарап, зымыран құрастырамыз.
Назар аудару:
Пішіндерді дәл орналастырып, желімді ұқыпты жағамыз.
Юпитер
Сұрақтарға жауап беру
Юпитерде зұлымдар тұрғындарды мұзға айналдырып жіберген. Көмек беру үшін тапсырмалар орындаймыз.
Сұрақтар
-
1
Зымыранды көрдіңдер ме?
-
2
Зымыран қайда ұшады?
Жауап: ғарышқа.
-
3
Зымыранмен ұшатын адам қалай аталады?
Жауап: ғарышкер.
-
4
Ғарышқа кез келген адам ұша ала ма? Неліктен?
Жауап: жоқ. Ол үшін денсаулығы мықты, ақылды, арнайы білімі бар адам болуы керек.
-
5
Ғарышкерлер киетін арнайы киім қалай аталады?
Жауап: скафандр.
-
6
Скафандр не үшін қажет?
Жауап: ғарышта тыныс алатын ауа жоқ; температура құбылып тұрады (көлеңкеде суық, күн түскен жерде өте ыстық). Сондықтан скафандр ғарышкерді қорғайды.
Таңдау тапсырмасы
Қазақстанның тұңғыш ғарышкері кім?
Юрий Гагарин
Тоқтар Әубәкіров
Талғат Мұсабаев
Әңгімелеу
Тоқтар Әубәкіров туралы не білесің?
Балалар қысқаша мәлімет айтып береді: ол — Қазақстанның тұңғыш ғарышкері, батыл әрі білімді тұлға.
Шығармашылық тапсырма
Ғарышкердің арнайы киімін боя
Скафандрдың бөліктерін мұқият бояп, түстерді үйлестіріп көр.
5) Сергіту сәті
Музыка әуенімен қимылдар жасаймыз: балалар ғарышта «кездесіп», роботпен бірге қимыл-қозғалыс орындайды.
6) Топтардың ауысуы
Қызыл зымыран
Юпитерге ұшып барады.
Көк зымыран
Марсқа көмекке ұшады.
7) Қорытынды
Планета тұрғындары балаларға алғыс айтады. Балаларға арнайы сыйлықтар ұсынылады.
Зымырандарға қайта отырамыз да кері санау жасаймыз: 5, 4, 3, 2, 1.