Қазақша рефераттар

Кестені баспаға шығару жолдарын ата

Сабақ туралы мәлімет

Өңірі
ШҚО, Үржар ауданы, Үржар ауылы
Білім беру ұйымы
Б. Тұрлыханов атындағы орта мектебі-бақшасы КММ
Пән
Информатика
Мұғалім
Масылбекова Гүлмира Болатовна
Сынып
8-сынып
Сабақтың тақырыбы
Диаграммаларды құру, редакциялау және форматтау

Сабақтың мақсаты

Білімділік

Excel бағдарламасының графикалық мүмкіндіктері, диаграммамен жұмыс істеу және графикалық объектілерді біріктіру туралы білім қалыптастыру.

Тәрбиелілік

Жан-жақты болуға, өз бетінше жұмыс істеуге тәрбиелеу.

Дамытушылық

Диаграмма шеберімен жұмыс дағдыларын дамыта оқыту арқылы жетілдіру.

Сабақтың форматы мен құралдары

Сабақтың түрі

Практикум элементтерімен демонстрациялау, баяндау арқылы түсіндіру.

Көрнекі құралдар

  • Компьютер
  • Оқулық
  • Интерактивті тақта

Сабақтың өту барысы

I. Ұйымдастыру кезеңі

Оқушылармен амандасу, қатысымды тексеру, сабақтың мақсаты мен күтілетін нәтижелерін қысқаша таныстыру.

II. Үй тапсырмасын тексеру (сұрақ-жауап)

Сұрақ Жауап
1) Ұяшықтарға енгізілген деректерді тігінен орналастыру үшін не істейміз? Деректерді белгілеп, Ұяшықтар форматы → Туралау бөлімінен тік туралауды таңдаймыз.
2) Деректерді сақтау үшін қандай амалдар орындаймыз? Файл → Сақтау ретінде (Save As) командасын орындаймыз.
3) Формула қандай символмен басталады? = белгісінен басталады.
4) Жұмыс кестесін автоматты түрде форматтау үшін қандай команда қолданамыз? Аумақты белгілеп, Пішім (Format) → Автопішім (AutoFormat) командасын қолданамыз.
5) Кесте шекараларын жиектеу үшін қай мәзірді қолданамыз? Ұяшықтарды пішімдеу (Format Cells) → Шекара (Border) бөлімінен қажетті жиектеуді таңдаймыз.
6) Кестені баспаға шығару жолдарын атаңыз. Файл → Басып шығару (Print) немесе құралдар панеліндегі Print батырмасы.
7) Сандардың қосындысын есептейтін формуланы атаңыз. SUM (СУММ) функциясы.

III. Жаңа тақырыпты түсіндіру

Кестелік мәліметті кейде нақты әрі көрнекі түрде ұсыну қажет болады. Бұл жағдайда Excel бағдарламасының арнайы мүмкіндігі — Диаграмма шеберін (Chart Wizard) пайдаланамыз.

Диаграмма сандық мәліметтердің өзгерісін айқындап көрсетуге мүмкіндік береді және талдау мен салыстыруды жеңілдетеді.

Excel диаграммаларды гистограмма, баған, пирамида, конус және басқа да түрлерде құруға мүмкіндік береді. Диаграммаға тақырып, түсіндірме мәтін (легенда) және басқа элементтер қосуға болады.

Диаграмма деген не?

Диаграмма — кестедегі мәліметтердің көрнекі графиктік түрде берілуі. Дерек түріне сай дұрыс диаграмма таңдау нәтижені түсінікті етеді.

Диаграмма түрлері

  • Бағаналық
  • Сызықтық
  • Дөңгелек
  • Нүктелік
  • Сақиналық
  • Көпіршікті
  • Жапырақшалық
  • Цилиндрлік
  • Конустық
  • Пирамидалық

Excel-де диаграмма құру қадамдары

  1. 1

    Диаграмма құратын мәліметтерді енгізіңіз.

  2. 2

    Жұмыс парағында қажетті аумақты белгілеңіз.

  3. 3

    Қою (Insert) → Диаграмма (Chart) командасын таңдаңыз немесе стандарт құралдар тақтасындағы диаграмма батырмасын басыңыз.

  4. 4

    Диаграмма шебері терезесінде диаграмма түрін таңдаңыз.

  5. 5

    Келесі қадамға өту үшін Далее (Жалғастыру) батырмасын қолданыңыз.

  6. 6

    Құруды кез келген сәтте аяқтау үшін Дайын (Готово) батырмасын басыңыз.

  7. 7

    Соңғы терезеде Дайын батырмасын шертіп, нәтижені алыңыз.

IV. Практикалық кезең

  • 8.5-тақырыпқа арналған 8.5-тапсырма практикумын компьютерде орындау.
  • Берілген кесте бойынша диаграмма құру.

V. Жаңа сабақты бекіту сұрақтары

  1. 1) Диаграмма деп нені атайды?
  2. 2) Диаграмманың қандай түрлері бар?
  3. 3) Excel диаграммасының негізгі түрлерін атаңыз.
  4. 4) Excel диаграммасының құрылу ретін жазыңыз.

VI. Бағалау

Практикалық жұмыстың орындалуына, дәлдігіне және түсіндіруіне қарай қалыптастырушы бағалау жүргізіледі.

VII. Үй тапсырмасы

“Диаграммаларды құру, редакциялау және форматтау” тақырыбы бойынша слайдты жүктеп, материалды қайталау.