Санды және әріпті өрнектер

Сабақ туралы

Пән

Математика (4-сынып)

Сабақ тақырыбы

Сабақ түрі

Білімін жетілдіру сабағы

Әдістер

Сұрақ-жауап, талдау, іздену, салыстыру

Көрнекіліктер

Слайдтар, суреттер, сызбалар, геометриялық фигуралар

Сабақтың мақсаты

Санды және әріпті өрнектерді құру, оқу, жазу, салыстыру және олардың мәндерін табу біліктілігін қалыптастыру.
Көбейту мен бөлу амалдарына байланысты есеп шығаруды жетілдіру.
Талдау және салыстыру арқылы ойлау қабілетін дамыту.

Сабақтың барысы

I. Ұйымдастыру кезеңі

Оқушыларды топқа бөлу, оқушы зейінін сабаққа аудару және жұмысқа бағыттау.

II. Үй тапсырмасын тексеру

№7 тапсырма: «Өзіңді өзің тексер». Нәтижелер интербелсенді тақта арқылы көрсетіледі.

III. Жаңа білімге дайындық

Балалар, сендер 1-сыныптан бері «өрнек» ұғымын меңгеріп келесіңдер және оның ішінде санды және әріпті өрнектерді ажырата аласыңдар. Ендеше, ережені еске түсірейік.

Анықтама: Әріптер мен сандар амал таңбалары арқылы байланысып тұрған жазу әріпті өрнек деп аталады. Әріптің орнына сан қойсақ, әртүрлі санды өрнектер аламыз.

IV. Оқулықпен жұмыс (қызығушылықты ояту)

№1 тапсырма: ұжымдық жұмыс. Семантикалық кесте құру (ауызша), кейін тексеру. Бұл бөлімде өрнектердің ұқсастықтары мен айырмашылықтары нақтылап айтылады: санды өрнектің мәні бірден табылады, ал әріпті өрнектің мәнін табу үшін әріпке сан мәнін беру керек.

Талдауға берілген жазулар

a + 5

(34 + 10) − 2

23 · 4 + 9

x + 9 = 17 · 6

72 : x = 24 : 3

(45 + 25) : 5

90 − 10 · 5

x − 3

b · 6

72 : 9 + 20

12 : x + 24 : 8

(x + 2) + 16 · 4

34 − 8 = 13 · 2

Тапсырма 1

Жазулардың ішінен санды өрнектерді теріп жаз және оқы.

Тапсырма 2

Әріпті өрнектерді теріп жаз және оқы.

Тапсырма 3

Қай жазуларды санды немесе әріпті өрнек деп айтуға болмайды? Неліктен?