Қазақша рефераттар

Ауызекі сөйлеу стиль туралы айтып бер

Қазақ тілі • 9-сынып
Дәстүрлі сабақ
Әдіс: сұрақ-жауап, шығармашылық ізденіс

Сабақтың тақырыбы

Өтініш және сенімхат.

Сабақтың мақсаты

  • Білімдік: өтініш пен сенімхат туралы түсінік беру, жазылу тәртібін меңгерту, стиль түрлерін ажырата білуге үйрету.

  • Дамытушылық: өзіндік практикалық әрекет дағдысын қалыптастыру, сауатты әрі көркем жазуға баулу, ойлау мен есте сақтау қабілеттерін дамыту.

  • Тәрбиелік: оқушыларды отансүйгіштікке, жігерлілікке, жаңашылдыққа және ізденімпаздыққа тәрбиелеу.

Көрнекіліктер

Кеспе қағаздар, қосымша материалдар және т.б.

Пәнаралық байланыс

Әдебиет, тарих.

Сабақтың барысы

Ұйымдастыру кезеңі

  • Оқушылармен амандасу, түгелдеу.

  • Оқу құралдарын тексеру, сыныптың тазалығына назар аудару.

  • Оқушылардың зейінін сабаққа шоғырландыру.

Үй тапсырмасын пысықтау

Үйге берілген тапсырма сұралады. Өткен тақырып бойынша төмендегі сұрақтар қойылады:

  1. 1

    Қазақ тіліндегі стиль түрлерін атаңдар.

  2. 2

    Ауызекі сөйлеу стилі туралы айтып беріңдер.

  3. 3

    Көркем әдебиет стилі туралы не айта аласыңдар?

Жаңа сабақты түсіндіру

Бұл сабақта ресми іс-қағаздар стиліне жататын екі құжат түрі қарастырылады: өтініш және сенімхат.

Өтініш

Өтініш — азаматтардың заңмен бекітілген жеке құқықтары мен мүдделерін жүзеге асыруға байланысты өтіну, сұрау мазмұны жазбаша түрде баяндалатын ресми құжат.

Өтініш жиі жазылатын жағдайлар:

  • Жұмысқа қабылдау.

  • Жұмыстан босату.

  • Басқа жұмысқа ауыстыру.

  • Кезекті немесе кезектен тыс демалыс сұрау.

  • Материалдық көмек сұрау (мысалы, тұрғын үй, балабақшаға орын бөлу) және т.б.

  • Жалақыны көтеру туралы өтіну және т.б.

Сенімхат

Сенімхат — сенім білдіруші тұлғаның (кәсіпорын немесе азамат) атынан белгілі бір іс-әрекетті жүзеге асыруға өкілеттік беретін, тараптардың өзара келісімін куәландыратын құжат.

Негізгі ережелер:

  • Сенімхат мекеме атынан да, жеке адам атынан да беріледі.

  • Мәміле жасауға, материалдық құндылықтар мен ақша алуға, басқа да әрекеттерді орындауға құқық береді.

  • Ресми сенімхаттар әдетте мекеме бланкісінде рәсімделіп, басшының қолы мен мөрі қойылады.

  • Жеке адам берген сенімхатта жеке деректер көрсетіліп, қол қойылады; қолдың дұрыстығын мекеме басшысы немесе нотариус растайды.

Сенімхат үлгісі

Мәтін (үлгі)

СЕНІМХАТ 2003 жыл, 1 желтоқсан, Алматы қаласы Мен, Серік Жәнібекұлы Мәметов, куәлік №80265498 (ҚР ІІМ берген), мекенжайым: Алматы қаласы, Сейфуллин көшесі, 456-үй, 3-пәтер. Осы сенімхат арқылы азамат Есенгелдин Жомартқа (сенім білдірілген тұлғаға) менің туған атам — Мейлібаев Маметтің қайтыс болуына байланысты қалған мүлік бойынша мұрагерлік құқығымды рәсімдеуге сенім білдіремін. Осыған байланысты Есенгелдин Жомартқа төмендегі әрекеттерді орындауға өкілеттік беремін: — менің атымнан өтініш жазуға; — анықтамалар мен құжаттарды алуға; — менің орныма қол қоюға; — мұрагерлікке құқық беру туралы куәлікті алуға. Сенімхат 2004 жылдың 1 желтоқсанына дейін жарамды және 1 жыл мерзімге беріледі. 01.12.2003 С. Мәметов С. Мәметовтің қолын растаймын.

Тапсырмалар

Жаттығу жұмысы

  • Төмендегі мәтіннің стилін анықтаңдар.

  • Қарамен берілген сөздерге синтаксистік талдау жасаңдар.

Шығармашылық жұмыс

«Ел рәміздері — елдігіміздің басты нышандары» тақырыбына эссе жазыңдар.

Білімді бекіту

Өткен тақырыптар бойынша сұрақтар қойылып, түсінбеген тұстарға түсіндіру жұмысы жүргізіледі:

  1. 1

    Стильдер нешеге бөлінеді?

  2. 2

    Ауызекі сөйлеу стилі дегеніміз не?

  3. 3

    Ресми іс-қағаздар стилі дегеніміз не?

Бағалау

Оқушылардың білімі мен белсенділігі сабаққа қатысуына және тапсырмаларды орындауына қарай бағаланады.

Үй тапсырмасы

Тапсырма: өтініш және сенімхат жазып келу.