Сәлемдемелік хат жаттығуы
Тренинг туралы
- Тренинг тақырыбы
- Ұлттық бірыңғай тест — білім сапасының негізі
- Тақырыптық фокус
- Емтихан кезіндегі көңіл-күй, өз-өзіне сенім, қысымды басқару
- Тренинг мақсаты
- Мектеп түлектерінің ҰБТ-ға дайындығын бағалай отырып, қорқыныш пен ішкі қысымнан арылуға психологиялық қолдау көрсету; адалдық пен өзіне сенімділікті күшейту.
- Қажетті материалдар
- Магнитофон, ватман, А4 парақтары, тесттер мен әдістемелерге арналған бланкілер, қалам, түрлі-түсті қарындаштар.
Шағын топтардағы дискуссия
Мақсаты: қатысушыларға өздерін жақсырақ түсінуге көмектесу, сезімдер мен көзқарастарды талқылау.
Уақыты: 25 минут
Құрылымы
- Қатысушылар 4 шағын топқа бөлінеді.
- Топтарға шартты атаулар беріледі: теңіз, өзен, көл (қажет болса, төртінші атауды өздеріңіз таңдаңыздар).
- Әр топ таймер, хатшы және спикер таңдайды.
- Тапсырмалар таратылады. Дайындыққа 2 минут беріледі.
Талқылау ережесі
- Нақты мысал келтіріп сөйлеу.
- Бір-бірінің пікірін бөлмей тыңдау.
- Сын емес, қолдау және ұсыныс форматын ұстану.
- Соңында спикер топтың ортақ идеяларын қысқа әрі түсінікті түрде ұсынады.
Топтық тапсырмалар
1-топ
Өзіне және өз күшіне сенетін адамның бейнесін салыңыз.
2-топ
Көңіл-күйді көтерудің тиімді жолдарын ұсыныңыз.
3-топ
Емтихан кезінде пайда болатын қысымнан қалай арылуға болады?
4-топ
Сыныпқа кірерде, дайындық кезінде және жауап берер алдында қобалжуды қалай азайтуға болады?
Қорытынды: спикерлер талқылау нәтижесінде топтың ортақ идеяларын таныстырады. Негізгі тақырып — емтихан уақытындағы көңіл-күй.
Жаттығулар
1) «Сәлемдемелік хат» жаттығуы
Мақсаты: эмпатияны дамыту, топтың бірлігін күшейту.
Өткізу тәртібі
- Өзіңізге арнап шағын «сәлемдеме хат» жазыңыз.
- Хатты арнайы қорапшаға (ларецке) салыңыз.
- Жүргізуші хаттарды араластырады.
- Әр қатысушы кездейсоқ бір хатты алып, топқа дауыстап оқиды.
- Хатты бүгінгі кездесуден естелік ретінде өзіңізде қалдырасыз.
Талқылау сұрақтары (анализ)
- 1. Сізге сәлемдеме жазу қиын болды ма?
- 2. Хатыңыз оқылған сәтте өзіңізді қалай сезіндіңіз?
- 3. Тренингтің келесі тапсырмаларын жалғастыруға дайынсыз ба?
2) «Өз жұлдызыңды тап» (арт-терапиялық жаттығу)
Мақсаты: тыныштану, ішкі ресурсты сезіну, өз мақсатын бейнелеу арқылы сенімділікті нығайту.
Нұсқау
- Шеңбер бойымен отырыңыз да, көзіңізді жұмыңыз.
- Үш рет терең дем алып, үш рет баяу дем шығарыңыз.
- Көзіңіздің алдына жұлдызды түнгі аспанды елестетіңіз.
- Жұлдыздардың арасынан сізге ең жақынын таңдаңыз: ол сізге қарап тұрғандай сезілсін.
- Сол жұлдыз сіздің арманыңызға ұқсайтындай елестетіп, қолыңызды созып «ұстап алыңыз».
- Жұлдызды алдыңызға қойып, оның жарықтығын, пішінін, әсерін есте сақтаңыз.
- Ерікті түрде төмен еңкейіп тізеңізді ұстаңыз, кейін шалқайып отырып көзіңізді ашыңыз.
Шығармашылық бөлік
Түрлі-түсті қарындаштар мен қағаз алып, таңдаған жұлдызыңыздың суретін салыңыз. Бұл жұлдыздар тренинг бойы өз шуағын шашып, достығымызды нығайтып тұрады. Тренингтен кейін суретті өзіңізбен бірге алып кетесіз — ол білім жолында, емтихандарда және өмірде сізге демеу болады.
Жұлдыздарға мұқият қараңыз: олардың әрқайсысы әр түрлі, сіздер мен біздер сияқты бір-біріне ұқсамайды. Бес тармақты жұлдыз секілді, ҰБТ-ның бес пәнінен де «5» алып шығуларыңызға тілектеспін.