Қазақша рефераттар

Жаңа технология элементтерін пайдалана отырып өздігінен меңгеру

Сабақтың тақырыбы

Мағжан Жұмабаевтың «Батыр Баян» поэмасы.

Сабақтың мақсаттары

Білімділік

  • Мәтіннен негізгі ойды айқындау.
  • Поэма кейіпкерлерін дәл анықтап, талдай білуге үйрету.
  • Ақынның сөз қолданысын өздігінен түсіндіріп, тілдік ерекшелігін тануға бағыттау.
  • Мәнерлеп, сауатты оқуға дағдыландыру.
  • Ақынның тіл шеберлігін талдау жұмыстары арқылы таныту.

Дамытушылық

  • Оқушылардың танымдық деңгейін көтеру.
  • Ойлау қабілетін белсендіру, ой-өрісін кеңейту.
  • Тіл байлығын арттыру, сөздік қорын молайту.
  • Мәтінді түсініп, оны өз сөзімен мазмұнды түрде жеткізе білуге машықтандыру.

Тәрбиелік

  • Ел мен жерді қорғауға, адал қызмет етуге баулу.
  • Елжандылық пен ұлттық сана-сезімді ояту.
  • Әсемдікке қызығушылық тудыру, табиғатты, жерді, халықты сүюге тәрбиелеу.
  • Жырда көтерілген проблемалардың бүгінгі күндегі маңызын аша отырып, мәдени қарым-қатынасқа баулу.

Сабақтың барысы

I кезең: Ұйымдастыру

  • Амандасу, оқушыларды түгендеу.
  • Назарды сабаққа аудару.
  • Сыныптың дайындығын қадағалау.

II кезең: Үй тапсырмасын тексеру

Үйге «Батыр Баян» поэмасын оқып, мазмұнын айту тапсырылған болатын.

  • Поэманы толық оқып келу.
  • Өз бетімен ұнаған үзіндіні жаттау.
  • Мәнерлеп үзінді оқу.

Өздігінен меңгертуге арналған жұмыстар

Поэманы қаншалықты меңгергендеріңді анықтау үшін төмендегі тапсырмалар орындалады.

1-тапсырма: Топтық жұмыс

  • I топ: шығарманың композициялық құрылысына талдау.
  • II топ: мазмұнын модульге түсіру.
  • III топ: логикалық модельдеу.

2-тапсырма: Сурет бойынша жұмыс (үзіндімен дәлелдеу)

  • I топ: қалмақ қызы бейнесі.
  • II топ: Баян мен Ноян.
  • III топ: батырлардың бас қосуы.

3-тапсырма: Шығарма кестесін толтыру (жеке жұмыс)

Әр оқушы поэманың негізгі оқиғалары мен кейіпкерлеріне қатысты кесте-сызбаны толтырады.

4-тапсырма: Өлең құрылысына талдау (топтық)

  • Шумақ, тармақ, бунақ, буын.
  • Ұйқас түрлері.
  • Троп түрлері.

5-тапсырма: Проблемалық сұрақ (ұжымдық талқы)

  1. Баянның Ноянды өлтіруіне түрткі болған себеп қандай?
  2. Егер сен Баянның орнында болсаң, қандай шешім қабылдар едің?

6-тапсырма: Кинонұсқамен салыстыру

Поэма мазмұнын фильмдегі көріністермен салыстырып, ұқсастықтары мен айырмашылықтарын анықтау.