Мысалдардан қандай ғибрат алатынымызды көрсету
Сабақтың тақырыбы
«Шегіртке мен құмырсқа»
Сабақтың мақсаты
1) Білімдік бағыт
- А. Құнанбаев пен И. В. Крылов туралы қысқаша мәлімет беру.
- Крыловтың Абай аударған мысалдарын еске түсіру.
- Мысалдардан қандай ғибрат алатынымызды анықтау.
- «Шегіртке мен құмырсқа» мысалының тәрбиелік мәнін ашып, мазмұнын талдау.
- Мәнерлеп оқуға жаттықтыру.
- Мысалдағы жәндіктердің мінез-құлқы арқылы адам бойындағы жақсы және жағымсыз қасиеттерді танып, баға беруге үйрету.
2) Дамытушылық бағыт
- Түрлі әдіс-тәсілдер арқылы оқушылардың ой-өрісін кеңейту, дүниетанымын дамыту.
- АКТ мүмкіндіктерін пайдаланып, шығармашылық қабілеттерін жетілдіру.
- Өлеңді дұрыс, түсініп оқуға машықтандыру және сөздік қорын байыту.
3) Тәрбиелік бағыт
- Еңбекқорлыққа баулу.
- Жалқаулық пен еріншектіктен аулақ болуға тәрбиелеу.
Әдіс-тәсілдер және ресурстар
Сабақтың әдіс-тәсілдері
Пәнаралық байланыс
Орыс әдебиеті.
Көрнекіліктер
- А. Құнанбаев және И. В. Крыловтың суреттері.
- Флипчарт, интерактивті тақта.
- Өлең мәтіні (екі тілде) басылған қағаз нұсқасы.
- Ақындар туралы қысқаша мәліметтер, карточкалар.
Сабақтың барысы
I. Ұйымдастыру
Оқушылардың назарын сабаққа аудару. Мұғалім оқушылармен және қонақтармен сәлемдесіп, сабақтың сәтті өтуіне тілек білдіреді.
Хормен айтылатын шумақ
Қайырлы күн, қонақтар!
Қайырлы күн, достым!
Ашық аспан болсын!
Бейсенбінің күні сәттілікке толсын!
Біздің алар бағамыз — кілең бестік болсын!
Оқушылар екі топқа бөлінеді.
II. Үй тапсырмасын тексеру
Оқушыларға А. Құнанбаев пен И. В. Крыловтың өмірбаянын оқып келу тапсырылған. Тексеру барысында мұғалім екі әдісті қолданады: «Картография» және «Пирамида» тірек-сызбасы.
- Оқушыларға мәтіндер таратылады; олар қажетті мәліметтерді іріктеп алып, сызбаларды толықтырады.
- Әр топ өз жұмысын қорғап шығады. Сызбалар A3 форматында дайындалады.
1-топ
А. Құнанбаев туралы «Картография» жұмысын орындайды.
2-топ
И. В. Крылов туралы «Пирамида» тірек-сызбасын толықтырады (презентацияда көрсетіледі).
III. Жаңа сабақ
Мұғалімнің сұрағы
Сонымен, айтыңдаршы: екі ақынды әдебиеттің қай жанры байланыстырады?
Дұрыс жауап: мысал жанры.
Өлең мазмұнымен таныспас бұрын мұғалім оқушыларға бірнеше бағыттаушы сұрақ қояды.
I топқа
Мысал туралы не білесіңдер?
II топқа
Абайдың Крыловтан аударған қандай мысалдарын білесіңдер?
Негізгі шығарма: «Шегіртке мен құмырсқа».