Армысыз қонақтар
Қостанай облысы, Қостанай ауданы • «Затобол мектеп-гимназиясы» ММ
Қазақ тілі мен әдебиеті пәні мұғалімі: Көпеева Әлия Аманжолқызы
Сабақ тақырыбы
«Жемістер мен көкөністер әлемінде»
Мақсаты
- Білімділік: жемістер мен көкөністер туралы мағлұмат беру, түсінік қалыптастыру.
- Дамытушылық: тақпақ айту арқылы ой-қиялын дамыту.
- Тәрбиелік: оқушыларды қазақ тілінде еркін сөйлеуге үйрету.
Ұйымдастыру
- Көрнекіліктер: жемістер мен көкөністер (суреттер, плакат).
- Сабақ түрі: жаңа сабақ.
- Формат: видео, ойын, шығармашылық жұмыс, шағын концерт.
Сабақ барысы
1) Амандасу
Сабақтың басында оқушылармен жылы амандасу, көңіл күйді реттеу.
2) «Шаттық шеңбері»
3) Презентация (видео) көру
Оқушылармен бірге жемістер мен көкөністер туралы бейнематериал тамашалау.
4) Дыбыстық жаттығу
Айтылымды дамытуға арналған дыбыстық қайталау:
- қи, қи, қи — қияр
- қар, қар, қар — қарбыз
- зім, зім, зім — жүзім
5) «Бау-бақшаға саяхат»
Балалармен бірге бау-бақша тақырыбын қайталау: жемістер мен көкөністерді ажырату, атауларын дұрыс айту.
Плакат жасау
Тақтаға бау-бақшаның суреті ілініп, оған жемістер мен көкөністердің суреттері ретімен орналастырылады.
«Қоржын» тапсырмасы
Оқушылар плакаттан суреттерді алып, атауын атап, «қоржынға» салады.
Тақпақтар (суреттермен бірге)
1) Шие
Мен шиемін, шиемін,
Күннің көзін сүйемін!
2) Жүзім
Мен жүзіммін, жүзіммін,
Моншақ болып тізілдім.
3) Қияр
Мен қиярмын, қиярмын,
Жасыл болып өсемін.
4) Өрік
Мен өрікпін, өрікпін,
Табиғатқа көрікпін.
5) Қарбыз
Қарбыз, қарбыз, қарбыздар,
Балдай тәтті қарбыз бар.
Балалар тақпақтарды хормен айтып, сәйкес суреттерді қоржынға салады.
6) Санау
Қоржындағы жемістер мен көкөністерді бірге алып, санаймыз.
7) Түстерді қайталау (видео)
Түстерді бекітуге арналған бейнематериал арқылы қайталау.
8) Сергіту сәті
Қысқа қимыл-қозғалыс жаттығулары арқылы оқушылардың назарын жаңғырту.
9) Шығармашылық жұмыс: жемістерді бояу
Оқушылар жемістерді бояп, әр жемістің атауын және түсін атайды.
Сұрақ үлгісі
Бұл қандай жеміс?
Сұрақ үлгісі
Түсі қандай?
Нәтиже
Атау + түс тіркесін құрау
10) «Не жоқ?» ойыны
Оқушылардың зейінін дамыту үшін суреттердің ішінен қандай жеміс немесе көкөніс жоқ екенін анықтату.
11) Қонақтарға арналған құттықтау және шағын концерт
Құрметті қонақтар, сіздерді келе жатқан көктем мерекелерімен құттықтаймын. Сіздерге зор денсаулық, жұмыстарыңызға табыс тілеймін. Кішкентай бөбектеріміз дайындаған шағын концертімізді қабыл алыңыздар.
Би
Финк Ульяна және Городовая Полина.
Тақпақтар
Аружан
Әр сөзімді жаттаған,
Жүрегімде сақтаған,
Анашым деп мақтанам,
Айналайын ақ анам!
Заур
Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
Глеб
Ана — біздің күніміз,
Ана — біздің гүліміз.
Құттықтаймыз сіздерді
Аналардың күнімен!
Мәди
Біз доспыз гүлдермен,
Текке оны жұлмаймыз.
Той күні бір-бірден,
Аналарға сыйлаймыз.
12) Сыйлық табыстау және қорытынды
Кішкентай бөбектеріміз дайындаған сыйлықтарын табыс етеміз. Қабыл алыңыздар!
Сабақты аяқтау сөзі
Осымен бүгінгі сабағымызды аяқтаймыз. Келгендеріңізге көп рақмет. Сау болыңыздар!
Ескерту: «Толық нұсқасын жүктеу» жолы бастапқы мәтінде көрсетілген, алайда жүктеу сілтемесі берілмеген.