Қазақша рефераттар

Оқушылардың компьютерге деген қызығушылығын арттыру

Сыныбы

8

Тақырыбы

Microsoft Word мәтіндік редакторын қорытындылау

Сабақ типі: бекіту Әдістері: сұрақ-жауап, практикалық жұмыс Пәнаралық байланыс: қазақ тілі, математика

Сабақтың мақсаттары

Білімділік

MS Word редакторында құжат құру, мәтінді форматтау, кесте жасау, сондай-ақ мәтіндік құжатқа графикалық кескіндерді кірістіру дағдылары бойынша оқушылардың білімін тексеру.

Дамытушылық

Компьютерге қызығушылықты арттыру, ойлау қабілеті мен танымдық белсенділікті дамыту, компьютермен жұмыс істеу шеберлігін жетілдіру және алған білімді қолдана білуге ықпал ету.

Тәрбиелік

MS Word-та мәтінді сауатты теруге дағдыландыру. Жүйелілікке, еңбекқорлыққа, іскерлікке, ұқыптылық пен жылдамдыққа тәрбиелеу.

Оқыту құралдары

  • Оқулық және дәптер
  • Компьютер
  • Интерактивті тақта
  • Электронды оқулық
  • Плакаттар

Сабақтың барысы

I

Ұйымдастыру кезеңі

  • Оқушылармен амандасу.
  • Оқушыларды түгендеу.
  • Тыныштандырып, назарын сабаққа аудару.
II

Үй тапсырмасын тексеру

1-кезең: «Миға шабуыл» (сұрақ-жауап)

Өткен тақырыптар бойынша негізгі ұғымдарды қайталау:

Стиль Қаріп (шрифт) Қаріп өлшемі Жартылай қалың (Bold) Курсив (Italic) Асты сызу (Underline) Ортаға туралау Оң жаққа туралау Ені бойынша туралау Нөмірлеу Маркер қою Мәтінді бояу Қаріп түсі

Жылдам форматтау батырмалары

  • Жартылай қалыңдатылған (полужирный)
  • Курсив
  • Асты сызылған (подчеркнутый)

2-кезең: Практикалық жұмыс

Оқушылар үш топқа бөлініп, әр топқа бөлек тапсырма беріледі. Орындау уақыты: 15 минут.

1-топ

  • Мектеп сыныптарындағы оқушы саны туралы мәлімет.
  • «Рахат» кондитерлік цехының өндіретін өнім түрлері туралы мәлімет.
  • Мектеп кітапханасындағы кітап саны мен сапасы туралы мәлімет.
  • Оқушылардың ҰБТ-дан алған балдары туралы мәлімет.

2-топ

Грамота, алғыс хат, сертификат және құттықтау қағаздарын дайындау.

Назар аударатын тұстар

  • Мәтін құрылымы мен тақырыпшалар.
  • Қаріп үйлесімі және туралау.
  • Безендіру элементтері (шекара, пішіндер, суреттер).

3-топ

Геометриялық фигураларды пайдаланып, суреттер салу.

Тапсырма мақсаты

Пішіндермен жұмыс істеу, қабаттау, топтау, түстерді үйлестіру және композиция құру дағдыларын көрсету.

Сергіту сәті

Қол саусақтарына арналған жаттығулар

  • Алақанды уқалау.
  • Қолды қысу.
  • Білезікті айналдыру.

Көзге арналған жаттығулар

  • Көзді бірнеше рет жыпылықтату.
  • Көзбен ақырын оң жаққа қарай 3–4 рет айналым жасау.
  • Сол жаққа қарай да дәл сондай айналым жасау.
III

Қорытынды және бағалау

3-кезең: «Сиқырлы шарлар» және «Тәтті алмалар»

Сабақ соңында оқушылардың жұмысы қорытындыланып, белсенділік пен нәтижеге қарай кері байланыс беріледі.

Бағалау

Бағалау оқушылардың теориялық жауаптары мен практикалық тапсырмаларды орындау сапасына қарай жүргізіледі: дәлдік, сауаттылық, безендіру мәдениеті және уақытты тиімді пайдалану.