Отанын туған елін қорғай білуге тәрбиелеу
Сахналық композиция: бейбіт күннен майданға дейін
Бұл мәтін — Ұлы Жеңісті ұлықтайтын, жас ұрпақтың жүрегіне Отанға сүйіспеншілік пен азаматтық парызды дарытатын әдеби-сахналық қойылымның өзегі. Композицияда бейбіт өмірдің әуені, соғыстың суық хабарымен үзіліп, қоштасу сәтіне ұласады; ал өлеңдер жаралы жүректердің үнін жеткізеді.
I жүргізуші — Аружан
Сахналық ремарка
«Күлкі вальсі» әуені ойнайды.
Ғажайып дүние сан ғасырлар кешірген,
Төскейде малы, кең шалғы жайлы көсілген.
Береке, бірлік жарастығы бар жерімде
Бейбіт өмір баянды бастан кешірген.
Жігіті жайсаң, қызғалдақ қыз құлпырған,
Албырт жастық жүректерде жыр тұнған.
Біз 17, біз 18 жаста едік,
Би билеуден бір кезіміз жоқ тынған.
Соғыстың суық хабары
Ернұр
— Жігіттер, жігіттер, соғыс басталды!
Сахнада: «Говорит Москва…» радиохабары естіледі.
I жүргізуші — Аружан
Дала бүгін зұлымдыққа кенелді,
Соғыс өрті жаулап алды әлемді.
Отан-ана қорғау үшін өзіңді,
Азаматтар қан майданға жөнелді.
Соғысқа аттанатын азаматтардың аты-жөні оқылады. Қоштасуға 1 минут уақыт беріледі.
Ақ батамен аттану
Қарт кісі — Сұлтан
— О, азаматтар! Ел басына күн туды. Жауды жеңіп, елге жеңіспен оралыңдар. Әмин!
Сахналық ремарка: Барлығы залдан шығып кетеді.
Өлеңдер: майданның ізі, жүректің зары
Ернұр
Бұлт түнеріп аспаннан,
Талай көзден жас тамған.
Тұтқиылдан жау кіріп,
Қырғын соғыс басталған.
Гүлнұр
Соғыс жалмап аға-іні, бауырды,
Зар жылатты тыныш жатқан ауылды.
Жалғызынан айырды ананы,
Әкесінен айырды баланы.
Бағдат
Сенсің, Отан, қан майданда
Сыйынарым, ұраным.
Күні-түні, әрқайда да
Сені көріп тұрамын.
Ш. Аружан
Дүр сілкінді сол жылдары қоңыр аймақ,
Өшпес тілім қайтіп қанат жаймақ?
Ұран жазып, қып-қызыл ту көтеріп,
Жастар кетті соғысқа «Елім-ай!»лап.
Нұрлыжан
Болмасын соғыс — қанды апат,
Түспесін басқа ауыр күй.
Қалмасын жесір махаббат,
Қалмасын жетім жас сәби.
С. Аружан
Сан жүректер осылайша жараланды,
Жараланды — солып бір дала қалды.
Түйін
Қойылымның өзегі — бейбіт өмірдің қадірін ұғындыру, ерлікті құрметтеу және соғыстың адам жүрегіне салған жарасын ұмытпау. Жеңіс — тарих, ал оны қастерлеу — бүгінгі ұрпақтың аманаты.