Менің әуес ісім - спортпен шұғылдану
І. Сабақтың тақырыбы
Менің әуес ісім — спортпен шұғылдану.
ІІ. Сабақтың мақсаты
а) Білімділік
- Оқушыларға тақырып бойынша мәлімет беру және білімдерін жүйелеу.
- Грамматикалық ұғымдарды сауатты әрі дұрыс қолдану дағдыларын қалыптастыру.
- Пәнге қызығушылығын арттыру.
ә) Дамытушылық
- Ойлау, есте сақтау, көру және басқа да қабілеттерін дамыту.
- Ой түйіндеуге, шығармашылықпен жұмыс істеуге жұмылдыру.
- Мәтінді қазақ тілінде әңгімелеуге, ауызекі сөйлеуге дағдыландыру, ой-өрісін кеңейту.
б) Тәрбиелік
- Спортпен шұғылдануға баулу.
- Салауатты өмір салтын ұстануға тәрбиелеу.
ІІІ. Сабақтың түрі
Аралас сабақ.
ІҮ. Сабақтың әдістері
- Сұрақ-жауап
- Диалог
- Сөзжұмбақ
- Рөлге бөліп оқу
- Топтастыру
Ү. Көрнекілігі
Суреттер, слайдтар.
ҮІ. Пәнаралық байланыс
Орыс тілі, дене тәрбиесі.
ҮІІ. Сабақтың барысы
Төменде сабақтың кезеңдері мен тапсырмалары құрылымды түрде берілді.
І. Ұйымдастыру
- Сабаққа дайындық.
- Оқушылардың зейінін сабаққа шоғырландыру.
ІІ. Үй жұмысын сұрау
7-тапсырма, 152-бет.
ІІІ. Жаңа сабақ
1) Таныстыру
Сабақтың тақырыбы, мақсаты және барысымен таныстыру.
2) Спорт түрлерін топтастыру
Спорт түрлерін атау және оларды топтарға бөлу.
3) 1-тапсырма: Сөйлемдерді аяқтаңдар
- Менің әуес ісім — ... шұғылдану.
- Спорттың ... көп.
- Мен аптасына екі рет футболға ... .
- Біз баскетболдан ... орын алдық.
- Спорттың қай-қайсысы да денсаулыққа ... .
4) 2-тапсырма: Фонетикалық талдау
Төмендегі сөздерге фонетикалық талдау жасаңдар:
5) 3-тапсырма: Өлеңмен жұмыс
Берілген өлеңді оқып, Қанаттың мінезіне сипаттама беріңдер.
Футбол түгіл, хоккейді Біледі ғой көп адам. Допты қыздар теппейді, Ал мен болсам, тебе алам! — Дейді Қанат мақтанып. Білгіш-ақ, мынаның! Жылауға да шақ қалып, Мен ренжіп тұрамын. Менде оның ісі жоқ, Оған мақтау керегі. Көп білетін кісі боп Көрінгісі келеді.
6) Суретті диктант
Тақырыбы: «Спорт».
7) 5-тапсырма: Диалогпен жұмыс
Берілген диалогты оқып, Гүлнәрдің шахматқа әуестігі туралы түсінгендеріңді айтыңдар.
Шахматшы: Фәния апай, сәлеметсіз бе? Гүлнәр үйде болса, телефонға шақырып жіберіңізші.
Фәния апай: Есен-саусыз ба? Таң атпай жатып телефон шалып тұрған кім еді?
Аида: Мен ғой, апай! Аида Мүсілімқызымын.
Фәния апай: Ә, Аида апайың екенсің ғой, қазір шақырайын.
Фәния апай: Гүлнәр! Аида апайың сені телефонда тосып тұр.
Аида: Гүлнәр, сүйінші! Киев қаласында өтетін чемпионатқа сен баратын болдың. Шахмат федерациясынан жеделхат маған келіпті.
Гүлнәр: Менімен бірге сіз де барасыз ба?
Аида: Ол жағын білмеймін, оны республикалық спорт комитеті шешеді. Кіммен барсаң да, әйтеуір, үлкен шахматқа жолың енді ашылды. Қазір уақыт тығыз, комитетке тез кел.
Гүлнәр: Қазір жетемін, апай!
8) Сергіту сәті
Берілген спортшыларды спорт түрлерімен сәйкестендіріңдер.
9) 6-тапсырма: Сөйлемдерді мағынасына қарай құраңдар
Берілген бөліктерді сәйкестендіріп, толық сөйлем құраңдар:
Басталуы
- Шахмат V ғасырда ...
- Шахматтан тұңғыш рет дүниежүзілік біріншілік ...
- Шахматтан дүние жүзінің тұңғыш чемпионы ...
- Лондонда әйелдер арасында ...
Жалғасы
- Индияда пайда болған.
- АҚШ-та өтті.
- Вильгельм Стейниц болды.
- Дүниежүзілік біріншілік өтті.
ІІІ. Қорытындылау
Оқушылардың тақырыпты меңгеру деңгейін қорытынды сұрақтар арқылы анықтау.
ІҮ. Үйге тапсырма
4-тапсырма, 152-бет.
Ү. Бағалау
Сабаққа қатысуы, тапсырмаларды орындауы және белсенділігі бойынша бағалау.
Негізгі ой
Спорт — денсаулықтың тірегі. Ол оқушының тәртібін нығайтып, ой-өрісін кеңейтеді және салауатты өмір салтын қалыптастырады.