Қазақша рефераттар

Анықталған интеграл

Қазіргі ғылым мен техниканың даму деңгейі әрбір оқушыдан терең білім мен іскерлікті талап етеді. Сондықтан оқушылардың теориялық білімін практикада қолдана білуі және білім-білік дағдыларын жүйелі қалыптастыруы аса маңызды. Сапалы, тиімді, нәтижелі өткен сабақ — ұстаздың тынымсыз еңбегінің айғағы.

Төменде оқушылардың теориялық білімдерін күнделікті сабақта қолдана білуіне бағытталған сабағымның жоспары ұсынылады.

Сабақ туралы мәлімет

Сабақтың тақырыбы
Анықталған интеграл. Ньютон–Лейбниц формуласы
Сабақтың түрі
Сын тұрғысынан ойлауды дамыту
Сабақтың көрнекілігі
Интерактивті тақта, дидактикалық материалдар, деңгейлік тапсырмалар, тест тапсырмалары

Мақсаты

  • 1

    Оқушыларға анықталған интеграл ұғымын кеңінен түсіндіріп, оны есептеуде қолданылатын Ньютон–Лейбниц формуласын пайдалану арқылы деңгейлік тапсырмалар орындатып, жаңа білімді меңгерту.

  • 2

    Анықталған интегралды есептеу дағдыларын қалыптастырып, ойлау және есте сақтау қабілеттерін дамыту.

  • 3

    Топпен жұмыс істеуге, ұйымшылдыққа және іскерлікке тәрбиелеу.

Сабақтың барысы

  1. 1-кезең

    Ұйымдастыру

    Оқушылардың сабаққа даярлығын және құрал-жабдықтарының толық болуын қадағалау.

  2. 2-кезең

    Қайталау — білімнің негізі (үй тапсырмасын тексеру)

    Өткен сабаққа шолу

    а) Сұрақ-жауап

    1. 1) Алғашқы функцияның анықтамасын айтыңыз.
    2. 2) Алғашқы функцияның негізгі қасиетін тұжырымдаңыз.
    3. 3) Алғашқы функцияны табудың үш ережесін тұжырымдаңыз.
    4. 4) Қисық сызықты трапецияның анықтамасын айтыңыз.
    5. 5) Қисық сызықты трапецияның ауданын қалай табамыз?

    ә) Кестені толтыру

    Оқушылар берілген кестені толтырады.

  3. 3-кезең

    Ой қозғау (жаңа тақырыпты түсіндіру)

    Анықталған интеграл ұғымы енгізіліп, Ньютон–Лейбниц формуласының мағынасы мен қолданылуы түсіндіріледі.

  4. 4-кезең

    Ой толғаныс (бекіту)

    Жаңа тақырып бойынша деңгейлік тапсырмалар орындалып, түсінік нығайтылады.

  5. 5-кезең

    «Білгенге маржан» (қатемен жұмыс)

    Жиі жіберілетін қателер талданып, түзету жұмысы жүргізіледі.

  6. 6-кезең

    Ой түйіні (тест тапсырмасы)

    Тақырып бойынша қорытындылау мақсатында тест тапсырмалары орындалады.