Одағайға байланысты қойылатын үтір
Қазақ тілі (9-сынып)
Сабақтың тақырыбы
Одағайға байланысты қойылатын үтір.
Сабақтың мақсаты
Білімділік
- Одағай сөздің мағынасын және қолданылу себептерін түсіндіру.
- Одағайдың басты белгілерін таныту.
- Сөйлемдегі орналасу ретіне қарай одағайдың үтір арқылы қалай ажыратылатынын меңгерту.
Дамытушылық
- Үтірдің қай орындарда және не үшін қойылатынын түсіндіру.
- Үтір қою үшін қандай тілдік белгілерді білу қажеттігін нақтылау.
- Проблемалық жағдайларда және күрделілігі артқан тапсырмаларды шешуде дербес ойлану қабілетін дамыту.
Тәрбиелік
- Арнайы тапсырмалар арқылы тілге деген сүйіспеншілікті арттыру.
- Тыныс белгілерін орынды қолдануға дағдыландыру.
- Тиянақтылық пен жауапкершілікке тәрбиелеу.
Сабақ сипаттамасы
Сабақтың типі
Жаңа білімді меңгерту сабағы.
Сабақтың түрі
Аралас сабақ.
Сабақтың әдістері
Баяндау, сұрақ-жауап, талдау, іздендіру.
Көрнекіліктер
- Электрондық оқулық
- Кестелер
- Слайдтар
- Семантикалық кесте
- «Инсерт» кестесі
Сабақтың барысы
I. Ұйымдастыру кезеңі
- Оқушыларды түгендеу.
- Сабаққа дайындықтарын бақылау.
II. Үй тапсырмасын тексеру
Үйге берілген 178-жаттығу тексеріледі.
Үй тапсырмасын бекітуге арналған сұрақтар
- Пунктуация дегеніміз не?
- Тыныс белгілері болмаса немесе дұрыс қойылмаса, мәтіндегі ойды дұрыс оқу және түсіну мүмкін бе?
- Ой жеткізудегі бет-әлпет құбылыстарын, қол қимылдарын және дауыс ырғағын қағаз бетіне түсіре аламыз ба?
- Оларды қандай белгілер алмастыра алады?
- Сөйлем ішінде қойылатын тыныс белгілерін ата.
- Үтір қайда қойылады?
Практикалық жұмыс
Семантикалық кестені толтыру.