Қазақ тілі 6 сынып
Бұл сабақ жоспары 6-сынып оқушыларына арналған. Негізгі бағыт — мәтінмен жұмыс арқылы сөйлеу дағдысын дамыту және үстеу тақырыбын (әсіресе мезгіл үстеуін) түсіндіру, бекіту.
Сабақтың мақсаты
Білімділік
- Тақырып бойынша мәлімет беру.
- Оқу техникасын жетілдіру, аударма жұмыстарына назар аударту.
- Жүйелі сөйлеуге және тақырыпты ретімен баяндауға үйрету.
Дамытушылық
- Жазбаша тапсырмалар арқылы ойлау қабілетін дамыту.
- Тіл белсенділігін және жазу мәдениетін қалыптастыру.
- Ой-өрісін, есте сақтау қабілетін дамыту.
- Сөздік қорды байыту, тіл байлығын арттыру.
Тәрбиелік
- Тазалыққа, ұқыптылыққа баулу.
Сабақ туралы мәлімет
- Сабақтың түрі
- Дәстүрлі сабақ.
- Әдіс-тәсілдер
- Түсіндіру, сұрақ-жауап, әңгімелесу, тіл дамыту.
- Көрнекілік
- Оқулық, суреттер, грамматикалық кесте.
- Пәнаралық байланыс
- Орыс тілі, қазақ әдебиеті.
Сабақтың барысы
I. Ұйымдастыру кезеңі
- Сәлемдесу.
- Оқушыларды түгендеу, келмеу себебін анықтау.
- Оқушылардың назарын сабаққа бағыттау.
II. Өткен сабақты қайталау, пысықтау
- Мәтіннің мазмұнын сұрау.
- Кеспе қағаздарын тарату, қысқа тапсырмалар орындату.
III. Жаңа түсінікті қалыптастыру
- Кіріспе сөз.
- Сөздікпен жұмыс.
- Диалогті досыңмен бірге оқу.
- Жазылым тапсырмасы.
Жазылым (толықтыру)
Қыс — жылдың ________.
Мен қыс мезгілін өте жақсы ________.
Қыста менің туған күнім ________.
Қыста әсем қаламыз Астанада ________.
Біз шанамен, конькимен ________.
Қарағай мен қайың ақ кимешек ________.
Қыс — ең тамаша ________.
Жаңа сабақты бекіту: Үстеу
Анықтама
Үстеу — қимылдың, іс-әрекеттің жай-күйін, мекенін, мезгілін, мөлшерін, мақсатын білдіретін сөз табы.
Мысал: Ертең ауылға барамын.
Лексика-грамматикалық белгілері
- Үстеу қимылдың түрлі белгілерін анықтайды.
- Үстеу сөздер түрленбейді.
- Сөйлемде көбіне пысықтауыш қызметін атқарады.
Үстеудің жасалу жолдары
-ша, -ше
бала-ша, ауыз-ша
-лай, -лей, -дай, -дей, -тай, -тей
жастай, қыстай, жібектей
-дайын, -дейін
түлкідейін
-лап, -леп, -дап, -деп, -тап, -теп
жаяулап, темірлеп
Сабақты қорытындылау
А) Үстеуді табу
Төмендегі сөйлемдерден үстеуді тауып, астын сызыңдар:
- Ол түнде кеш келді.
- Кеше қар жауды.
- Бағана бізге қоңырау шалды.
- Жаздыгүні әжеммен Астанаға барамын.
- Күзде Асқар 2-сыныпқа барады.
- Қазір қазақ тілі сабағы.
Ә) Үстеулерді тұлғасына қарай жіктеу
Мына үстеулерді тұлғасына қарай жіктеңдер:
Үй тапсырмасы
106-бет, 2-тапсырма: мәтінді мазмұндап жазу.
Ескерту
Жазылымда үстеулерді орынды қолдануға және сөйлемнің жүйелілігіне мән беріңдер.