Диагоналдары өзара тең

Сабақтың тақырыбы: шеберхана сабақ Төртбұрыш

Мақсаты: оқушының білімді меңгеруі, тақырыпты жан - жақты ойлау, сөйлеу, есте сақтау, көру жүйесін кеңейту, өзара қарым - қатынас мәдениетін дамыта отырып, математикаға соның ішінде геометрияға қызығушылығын арттыру.
Сабақтың түрі: шеберхана сабақ. Класы: 8 класс
Көрнекілігі: түрлі - түсті картон, қағаз, қайшы, сызғыш, қарындаш, жауап парағы, қисық бет.
Методы: А. Окуневтің методикасымен құрылған. Бұл оқушы жұмысын ұйымдастырудағы жаңа метод. Бұл сабақтағы тапсырмалар оқушыны қажетті бағытқа жетелейді. Мұғалім тек тыңдаушы, оқушылар бәрін өздері жасайды.
Барысы: а) ұйымдастыру: класты 3 топқа 3 бөлек столдарға отырғызып, қажетті құралдарды даярлау.
б ) тақырыппен жұмыс:

І тапсырма. Өзіңді мұғалімнің орнындамын деп ойла. Оқушылар Төртбұрыштар тақырыбын қалай меңгергенін тексеру үшін қандай сұрақтар қояр едің? Ойыңды жазып, әр топтан бір оқушының жауап парағы тақтаға ілінеді.

ІІ тапсырма. Тақтадағы жазылған қасиеттердің қайсысы параллелограмға, тікбұрышқа, ромбыға, квадратқа тән?
Қасиеттер:
1. Диагоналдары өзара перпендикуляр және бұрыштарын қаққа бөледі.
2. Төртбұрыш.
3. Диагоналдары қиылысып, қиылысу нүктесінде қаққа бөлінеді.
4. Диагоналдары өзара тең.
5. Қарама - қарсы жақтары қос - қостан параллель.
6. Параллелограмм.
7. Қарама - қарсы жақтары мен қарама - қарсы бұрыштары өзара тең.
8. Барлық бұрыштары тік.
9. Барлық қабырғалары тең.