Қазақша рефераттар

Аяқты бүгіп ұзындыққа секіру техникасын үйрету

Мақсаты мен міндеттері

Оқу міндеттері

  • 1 Аяқты бүгіп ұзындыққа секіру техникасын үйрету.
  • 2 150 г кіші допты лақтыру техникасын жетілдіру.
  • 3 60 метрге жүгіруді қайталау және уақытқа жүгіру.

Дамытушылық міндет

Аяқ және қол бұлшықеттерін дамыту.

Тәрбиелік міндет

Адамгершілік қасиеттерді қалыптастыру, бір-бірін құрметтеуге тәрбиелеу.

Сабақ барысы

Дайындық бөлімі: 12 минут

1) Ұйымдастыру

  • Сапқа тұрғызу, рапорт беру, сәлемдесу 1 мин 30 сек

    Сабақтың мақсатымен таныстыру. Оқушылардың сыртқы келбетіне назар аудару.

2) Саптағы жаттығулар

  • Солға, оңға, кері айналу (30 сек)
  • Жаттығуларды 1–2 есеппен орындау

3) Қозғалысқа көшу: жүріс және жүгіру

Алға адымдап басу

Ара қашықтық — 1 метр. (30 сек)

Спорттық жүріс

Жеңіл жүріспен қозғалу, қол шынтақтан бүгулі. (30 сек)

Жүгіру

Бір қалыппен, сапты бұзбай жүгіру. (2 мин)

Спорттық жүріске көшу

Қашықтық — 30 м. Қол дене қапталында.

Жай жүріс

Қашықтық — 30 м. Ара қашықтықты сақтап жүру.

4) Тыныс алу жаттығулары

1–2 — қолды екі қапталмен көтеру.
3–4 — қолды түсіру.

Қашықтық — 25 м. Қолды көтергенде — демді ішке тарту, түсіргенде — демді шығару. Соңында тоқтап, 1–2–3 санау.

5) Орнында тұрып қыздыру жаттығулары

1. Бас жаттығулары

Бастапқы тұрыс: аяқ иық деңгейінде, қол белде. 1 — басты алға еңкейту; 2 — бастапқы тұрыс; 3 — басты артқа еңкейту; 4 — бастапқы тұрыс;
5 — солға еңкейту; 6 — бастапқы тұрыс; 7 — оңға еңкейту; 8 — бастапқы тұрыс.

4 рет. Арқаны тік ұстау, иықты көтермеу.

2. Қол буындарын айналдыру

Бастапқы тұрыс: аяқ иық деңгейінде, қол қапталда. 1–4 — білекті айналдыру;
5–8 — шынтақтан айналдыру;
9–12 — иықтан айналдыру.

2 рет алға. Бір қалыпты орындау.

3. Қолды сермеу

Бастапқы тұрыс: аяқ иық деңгейінде, қол кеуде деңгейінде. Артқа сермегенде жауырын бір-біріне тиюі керек. 1–2 — бүгулі қолды артқа серпу;
3–4 — жазулы қолды артқа серпу.

5–6 рет. Оң және сол қапталға бұрыла орындау.

4. Еңкею жаттығуы

Бастапқы тұрыс: аяқ иық деңгейінде, қол иықта. 1 — оң аяққа еңкею; 2 — ортаға; 3 — сол аяққа еңкею; 4 — бастапқы тұрыс.

7–8 рет. Тереңірек еңкею, аяқ бүгілмейді.

5. Аяқты қайшылап көтеру

Бастапқы тұрыс: аяқ иық деңгейінде, қол алда жоғары. 1 — қайшылап сол аяқты оң қолға көтеру; 2 — бастапқы тұрыс;
3 — қайшылап оң аяқты сол қолға көтеру; 4 — бастапқы тұрыс.

5–6 рет. Тізені бүкпеу, аяқты биігірек көтеру, денені бүкпеу.

6. Жартылай отырып серпілу

Бастапқы тұрыс: сол аяқ алда, тізе бүгулі, қол тізеде, жартылай отыру. 1–2 — серпіле отырып сол аяққа;
3–4 — серпіле отырып оң аяққа.

5–6 рет. Тереңірек отыру.

7. Бір аяқпен секіру

Бастапқы тұрыс: аяқ иық деңгейінде, қол артта. 1–4 — оң аяқпен сол бағытта секіру;
5–8 — сол аяқпен оң бағытта секіру.

4–5 рет. Арқаны тік ұстау.