Үлкен көлемде жасалған Әліппе және Ана тілі мұқабасы, мақал - мәтелдер жасалған плакаттар

Тақырыбы: Ризамын, саған Әліппе!
Мақсаты: Оқушылардың ең алғаш сауат ашуын, сүйікті кітаптары әліппені қалай меңгергендіктерін, әріпті қалай танығандықтарын қорытындылау.
Көрнекілігі: Үлкен көлемде жасалған Әліппе және Ана тілі мұқабасы, мақал - мәтелдер жасалған плакаттар.

Жүру барысы:
Жүргізуші: Құрметті қонақтар, қымбатты ұстаздар, аяулы ата - аналар! Күні кеше ғана қыркүйек айында мектеп табалдырығын аттап, әліппені қолға алып едік. Бүгін міне хат танытып, сауатымды ашқан әліппені де бітірдік. Бар білімімнің бастауы қасиетті Әліппе оқулығымен қоштасқалы отыр. Ризамын, саған Әліппе! атты ертеңгілікке қош келіпсіздер. Құрметпенен оқушыларды қарсы алайық.
(Залға қолдарына шар, гүл ұстаған 1 - сынып оқушылары кіреді)
Енді сөзді оқушылардың өздеріне береміз.

1 - оқушы: Баршаңызға иіліп сәлем берем,
Мен қызымын Избасар Айгерім деген.
Оқуды да, жазуды да тез меңгердім.

2 - оқушы: Отбасының еркелеткен,
Жарқыраған жұлдызымын
Сабақты жақсы оқитын
Айсұлу деген бір қызыңмын.

3 - оқушы: Жақсы әдепті, жақсы істі
Бойыма әр кез термекпін
Қиын - ау деп қиыспайтын,
Ер мінезді Мұратпекпін.

4 - оқушы: Төреберген деген баламын
Таудай биік талабым
Жақсы оқып сабақты
Білімді адам боламын.

5 - оқушы: Ата - анамның ардақтаған
Асылбек атты ұлымын
Әжем мені еркелетіп
Дейді Алтын жүзігім

6 - оқушы: Ұстаз ұғар қашанда
Дамуын әр баланың
Жақсы оқитын сабақты
Әсет атты баламын

7 - оқушы: Жақсы оқитын мен үлгілі баламын,
Азамат боп мен де өсіп толамын.
Басам деймін даналардың тек ізін,
Мен Ділмухаммед балаңмын.

8 - оқушы: Қыздар деген бола алады қыр гүлі,
Қазақ қызы болу керек үлгілі
Жақсылыққа ұмтылатын әр қашан
Аяулыммын Бақытжанның бір гүлі.