Қазақша рефераттар

Сөйлемді реттік сан есімдермен толықтыр

Сабақ туралы мәлімет

Пән
Қазақ тілі (7-сынып)
Сабақтың тақырыбы
«Тоғызқұмалақ — ақылдылар ойыны»
Сабақтың түрі
Бақылау сабақ
Әдіс-тәсілдер
Түсіндіру, сұрақ-жауап, әңгімелесу, тіл дамыту
Көрнекіліктер
Оқулық, суреттер, грамматикалық кесте
Пәнаралық байланыс
Орыс тілі, қазақ әдебиеті

Сабақтың мақсаты

Білімділік

  • Тақырып бойынша мәлімет беру.
  • Оқу техникасын жетілдіру, аударма жұмысына көңіл бөлу.
  • Жүйелі сөйлеуге және тақырыпты ретімен баяндауға үйрету.

Дамытушылық

  • Тапсырмалар арқылы ойлау қабілетін дамыту.
  • Тіл белсенділігін және жазу мәдениетін қалыптастыру.
  • Ой-өрісін, есте сақтау қабілетін жетілдіру.
  • Сөздік қорын байытып, тіл байлығын арттыру.

Тәрбиелік

  • Тазалыққа және ұқыптылыққа баулу.

Сабақтың барысы

I. Ұйымдастыру кезеңі

  1. Сәлемдесу.
  2. Оқушыларды түгендеу, келмеу себебін анықтау.
  3. Оқушылардың назарын сабаққа аудару.

II. Өткен сабақты қайталау

Алдыңғы тақырып бойынша қысқаша сұрақ-жауап жүргізіп, негізгі ережелерді пысықтау.

III. Жаңа түсінікті қалыптастыру

  1. Кіріспе сөз.
  2. Мәтінді екі рет оқып, аударып, мазмұнын түсіндіру.
  3. Тақтаға қиын сөздерді жазу:
    түрлерінің дөңгелете орналастырылған үйретуге өткізіліп тұрады
  4. Үшінші рет оқығанда, оқушылар мәтінді жазып отырады.

Мәтін: «Тоғызқұмалақ — ақылдылар ойыны»

Тоғызқұмалақ — қазақ халқының ұлттық ойындарының ішіндегі ең күрделі әрі қызықты ойындардың бірі. Ғалымдардың айтуынша, бұл ойынды қойшылар ойлап тапқан.

Мал бағып жүрген қойшылар жерге дөңгелете сызық сызып, шұңқырлар қазған да, оларға қойдың құмалақтарын теңдей бөліп орналастырған. Әр ұяшыққа тоғыз құмалақтан салынып, барлығы сексен бір құмалақ тең бөлінген.

Тоғызқұмалақ баланың логикасын дамытуға және есептеуге үйретуге үлкен әсер етеді. Қазіргі таңда Қазақстан Ұлттық Тоғызқұмалақ федерациясы құрылып, жыл сайын спартакиадалар ұйымдастырылып келеді.

IV. Жаңа сабақты бекіту

  • Сынып оқушыларының нұсқаларын анықтап, бағыт беру.
  • Парақшаларды тарату.
  • Грамматикалық тапсырмалардың орындалуын қадағалау және тексеру.

І нұсқа

1-тапсырма

Сөйлемді реттік сан есімдермен толықтыр: «Қазақстан командасы Лондон олимпиадасында ауыр атлетикадан … орынды, бокстан … орынды иеленді.»

2-тапсырма

Берілген сөйлемдегі етістікті ортақ етіс формасына айналдырып, сөйлемді қайта жаз:

Үлгі

«Әсет пен Сапар үй тапсырмасын орындады.» — «Әсет Сапарға үй тапсырмасын орындауға көмектесті.»

Сөйлем: «Бағлан мен Әлия дүкеннен азық-түлік әкелді.»

ІІ нұсқа

1-тапсырма

Сөйлемді реттік сан есімдермен толықтыр: «Лондон олимпиадасы … жылы болып, онда Қазақстан командалық есепте … орын иеленді.»

2-тапсырма

Берілген сөйлемдегі етістікті ортақ етіс формасына айналдырып, сөйлемді қайта жаз:

Үлгі

«Әсет пен Сапар үй тапсырмасын орындады.» — «Әсет Сапарға үй тапсырмасын орындауға көмектесті.»

Сөйлем: «Салтанат пен Гүлім үй тазалады.»

V. Сабақты қорыту

Реттік сан есімнің жұрнақтарын жалғап жазу:

2010 145 65 851 104 364 78

VI. Үй тапсырмасы

Қайталау.

VII. Бағалау

Оқушылардың тапсырмаларды орындауына және сабақтағы белсенділігіне қарай бағалау. Қажет болған жағдайда сабақ жоспарының толық нұсқасын қарау.