Қазақша рефераттар

Оқушылардың назарын сабаққа аудару. Сабақтың мақсатымен таныстыру

Сабақ туралы мәлімет

Бұл жоспар өткен материалды пысықтауға және есептің жанама түрін бекітуге бағытталған.

Тақырыбы

Өткенді пысықтау. Есептің жанама түрі.

Мақсаты

  • 11 санының құрамы туралы білімдерін жүйелеу, жинақтау және бекіту.
  • Жазбаша және ауызша есептеу дағдыларын дамыту, логикалық ойлау қабілетін жетілдіру.
  • Математикалық мәдениетке, сауаттылыққа, ұқыптылыққа және ізденімпаздыққа тәрбиелеу.

Сабақтың типі

Білімді бекіту сабағы.

Сабақтың түрі

Аралас сабақ.

Көрнекілігі

  • Интербелсенді тақта
  • Маркерлі тақта

Әдіс-тәсілдері

  • Сұрақ-жауап
  • Ақпараттық әдіс
  • Жеке жұмыс
  • Топтық жұмыс

Қолданылатын технология

Дамыта оқыту технологиясы.

Сабақтың барысы

I. Ұйымдастыру кезеңі

  • Оқушыларды түгендеу.
  • Сабақтың мақсатымен таныстыру.
  • Оқушылардың назарын сабаққа аудару.

II. Психологиялық ахуал

Қуанамын мен де

Қуанасың сен де

Қуанамыз бәріміз

Арайлап атқан күнге

Математикалық диктант

Төмендегі өрнектерді оқып, нәтижесін табыңдар:

  1. Он мен үштің қосындысы.
  2. Жиырма төрт пен төрттің айырмасы.
  3. Отыз бен бестің қосындысы.
  4. Он тоғыз бен тоғыздың айырмасы.
  5. Алты мен бестің қосындысы.
  6. Он бес пен бестің айырмасы.

III. Проблемалық жағдаят

  • Өткен сабақта қандай санның құрамымен таныстыңдар?
  • Бүгінгі сабақтың мақсаты қандай?

IV. Бекіту жұмыстары

№1. Интербелсенді тақтамен жұмыс

Сәйкес санды таңда.

№2. Тақтамен жұмыс

А) Есеп

Айнұр 8 тәрелке, ал Нұрбол 3 тәрелке жуды. Балалар барлығы неше тәрелке жуды?

Айнұр

8 тәрелке

Нұрбол

3 тәрелке

Барлығы

?

Шешуі

8 + 3 = 11

Ә) Кері есеп

Кері есеп құрастыр және шығар: Айнұр 8 тәрелке жуды, барлығы 11 тәрелке. Нұрбол неше тәрелке жуды?

Айнұр

8 тәрелке

Нұрбол

?

Барлығы

11 тәрелке

Шешуі

11 − 8 = 3

№3. Интербелсенді тақтамен жұмыс

А) Есеп

Айгүл 11 есеп шығарды, ал Серік одан 3 есепке кем шығарды. Серік неше есеп шығарды?