Қазақша рефераттар

Шылаудың түрлерін қайталау

Павлодар қаласы, №19 жалпы орта білім беру мектебі • Қазақ тілі пәні мұғалімі: Каденова Ж. Ж. • 6-сынып

Сабақтың тақырыбы

Шылаудың түрлерін қайталау.

Сабақтың мақсаты

Шылаудың түрлерін қайталау және тақырыпты тереңдетіп пысықтау.

Күтілетін нәтиже

  • Шылау тақырыбы бойынша алған білімдерін қайталайды, пысықтайды, дамытады.
  • ҰОС батырларын және олардың ерлік қасиеттерін еске түсіреді.

I. Бағдарлау–мотивациялық кезең

Ұйымдастыру, психологиялық даярлық және сабаққа ынталандыру жұмыстары жүргізіледі.

Ұйымдастыру және топқа бөлу

  • Сыныпты жұлдызшалардың түрлеріне қарай 4 топқа бөлу.
  • Психотренинг: шеңбер жасап, топтар әр тілде амандасады.
  • Жеңіс күніне арналған бейнеклип көрсету.

Үй тапсырмасын тексеру

Тақырыбы: «Жеңіс күні» (эссе).

Сабаққа кіріспе ой

«Білген сайын келеді біле бергім… Сондықтан да бүгінгі сабақта білгенімізді пысықтап, тағы да бір сатыға жоғарылайық», — деген мазмұндағы оймен оқушыларды белсенділікке бағыттау.

(А. Тоқмағанбетовтің өлең жолдары негізінде)

II. Операциялық–орындаушылық кезең

Негізгі бөлім: «Зерделі сұрақ — дәлелді жауап!» қағидасымен жеке және топтық жұмыстар орындалады.

Сергіту сәті: «Бұл қай батыр?»

Әріптерді дұрыс ретке келтіріп, батырлардың атын табыңдар:

  1. 1 а, л, т, ғ, а, т
  2. 2 м, к, л, і, ә
  3. 3 и, я, л, ә
  4. 4 б, у, ж, а, а, н, ы, р
  5. 5 ә, м, н, ш, к, ү

Сұрақ қою дағдысы

  • Жоғары дәрежелі және төмен дәрежелі сұрақтар құрастыру.
  • «Қар кескіні» стратегиясы арқылы ойды дәлелмен толықтыру.
  • АКТ қолдану (ізденіс, тексеру, таныстырылым).

«Майданнан хат» тапсырмалары

Жеке және топтық жұмыс • Деңгейлік тапсырмалар

I топ

«Шылау» тақырыбы бойынша кластер құрастырыңдар.

II топ

Сурет бойынша шылауларды қатыстырып сөйлемдер құраңдар.

III топ

I деңгей

Төмендегі сөйлемдерді көшіріп жазып, шылауларды табыңдар. Тыныс белгілеріне назар аударыңдар.

  • Ыстықта мал да жайыла алмады.
  • Ауылға барғанда суға түстің бе?
  • Жандосқа бұл жөнінде айтылды ма?

II деңгей

Ма(ме), па(пе), ба(бе) шылауларын қатыстырып сөйлемдер құрап жазыңдар.

III деңгей

Шылаулар қатысқан мақал-мәтелдер тауып жазыңдар («Мақал — сөз мәйегі»).

IV топ

  1. Баяндаңыз: шылау туралы түсіндіріңіз.
  2. Қолданыңыз: шылауларды қатыстырып сөйлем құраңыз.
  3. Салыстырыңыз: басқа сөз таптарымен салыстырыңыз.
  4. Топтастырыңыз: шылаудың негізгі белгілерін жинақтаңыз.
  5. Зерттеңіз: ғаламтор арқылы шылаулар туралы еңбектерді анықтаңыз.
  6. Қорытынды жасаңыз: шылаудың түрлерін атап, мысалмен дәлелдеңіз.

Ескерту

СТО элементтері қолданылып, шамамен 15 минут көлемінде талқылау ұйымдастырылады. Жас ерекшеліктері, дарынды және талантты оқушылармен жұмыс ескеріледі.

«Ойлан тап»: ҰБТ форматындағы тапсырмалар

Тест сұрақтары • «Қар кескіні» әдісі

1) Көп нүктенің орнына тиісті шылауларды қойыңдар

  1. Отан … отқа түс — күймейсің.
  2. Мен әкеммен бірге кешке … жұмыс істедім.
  3. Қыста … көктемде күн суық болады.
  4. Оның ойлағаны болды, … мәселенің басы шешіле қоймады.
  5. Көктемде біресе жаңбыр жауады, … күн ысып кетеді.

2) Семантикалық карта

Шылауларды түріне қарай ажыратып, кестеге түсіру тапсырмасы (жалғаулық, септеулік, демеулік).

Бұл бөлімде мұғалім ұсынған сөздер/сөйлемдер негізінде карта толтырылады.