Жер бетінде елінің тәуелсіздігін, халқының бостандығын ойламайтын жұрт жоқ шығар

Ж. Аймауытовтан

«Елі сүйген, елін сүйген Елбасы Президент дегеніміз – өз елінің тәрбиелі тұтқасы».

Тәуелсіздікке жеткізген жол

Бұдан жиырма жыл бұрын егемендігімізді жариялап, тәуелсіздікке қол жеткіздік. Бұл — ғасырлар бойы қазақ халқы аңсаған арман еді. Менің Отаным осы күнге жеткенше үш жүз жылға жуық бодандықтың бұғауында, жетпіс жылдан аса кеңестік кезеңнің шырмауында болды.

Жер бетінде елінің тәуелсіздігін, халқының бостандығын ойламайтын жұрт жоқ шығар. Тәуелсіздік — біз үшін бағы бар, тағын тапқан ұлы құндылық. Алайда бақытты бағалайтын халыққа елді ұйыстыратын, жауапкершілігі зор көшбасшы да қажет. Бұл — ежелден келе жатқан өмір заңы.

Тарихтағы бірлік пен көшбасшылық

Ата тарихты ақтарсақ, ел басқарған ер жүрек батыр бабаларымызды, ұлы хандарды жиі кездестіреміз. Күллі қазақты өз туының астына жинап, үш жүздің басын қосқан Абылай хан, елінің азаттығы үшін қан мен тер төккен Кенесары хан — соның айқын дәлелі.

Тәуелсіздік кезеңіндегі жауапкершілік

Тәуелсіздігімізді алғаннан кейін халықтың басын біріктіріп, іргелі ел ету жолында Нұрсұлтан Әбішұлы Назарбаев қазақ халқының тұңғыш Елбасы болды. Оның бастауымен Отаным әлемге танылды: еліміз елдігін көрсетті, ерлігін танытты.

Кейбір жандар егемендікке қол жеткізген сәтте өз алдымызға дербес ел бола алатынымызға күмән келтіргені де рас. Алайда ар-намысты ту еткен көшбасшылық пен мемлекет ісіне белсене араласқан азаматтардың тынымсыз еңбегі бізді бүгінгі нұрлы күндерге жеткізді.

Қиын кезеңдерден өткен халық

Тәуелсіз күндер бізге оңай келген жоқ. Қазақ халқы аштықты да, қызыл қырғынды да, сталиндік репрессияны да бастан өткерді. Сонда да еңсесін түсірмей, қазақтығын да, елдігін де сақтап қалды. Қарсы келген дұшпанға қайсарлық танытып, ар-намысын таптатпады.

Міне, осындай қысталаң кезеңдерден өтіп, азаттықтың ақ таңы атқан күндерге жеттік.

Өсиет сөз және елге үндеу