Жүректен жыр, көзден тамшы боталап, Тау тағдырымның төсінеЖыласам ба екен жата қап

Жүректен жыр, көзден тамшы боталап,
Тау тағдырымның төсіне
Жыласам ба екен жата қап?!
Бір сорлының күлкісіне қаталап,
Қаңғып жүрмін қайыр сұрап
Шаһарында Музаның
Сол үшін де үстем болсын мерейің
Жоғары мәртебелі, Махаббат!

Қанымды іштің, қысылмағын, қанып іш
Тау қозғалтатын мінезіңмен
Қолыңыздан келеді бұл алып іс.
Кеудеме кеп жасай бермей жарылыс
Бұл сезімді менен аулақ алып ұш.
Қаңғып жүрмін қайыр сұрап
Өң мен түстің ішінде
Сол үшін де үстем болсын мерейің
Жоғары мәртебелі, Сағыныш!

Он ғасырға жасайтындай секіріс
Тауы шағылмас жүрекпен,
Өлмейтұғын оқырманға жазып кетем өтініш.
Қирап жатыр үмітімнен тұрғызылған бекініс,
Кезіп жүрмін қайыр сұрап
Өмір, өлім арасын
Сол үшін де мейіріңіз үстем болсын
Жоғары мәртебелі, Өкініш!!!

Авторы: Танакөз Толқынқызы



Ұқсас жұмыстар

Айбек Қалмағамбетов. Жоғалған қыз туралы аңыз
Бір көзімен немересін күзетіп, Бір көзімен жұртты аңдиды сұр кемпір
Аш бөрі
Қазіргі қазақ поэзиясындағы формалық ізденістер
Озат педагогикалық тәжірибе мен инновация
Қара жаудың сұқтанған көзін жасқап, Естілуде әлемге сөзім асқақ
Характер мен жағдайдың байланысы
Қазақ поэзиясының ұлттық сипаты
Мұқағали Мақатаев лирикасының өміршеңдігі
Жұматай Жақыпбаев шығармашылығының көркемдік ерекшеліктері
ҚАРАШАҰЛЫ БӘЙДІБЕК
ҚР «Халық Банкі» АҚ құрылымы
Диалектика — даму мен ең жалпы байланыс жөніндегі ілім
Төлем көзінен салық салынбайтын табыстар
Батыс Еуропа елдері экономикалық интеграциясының ерекшеліктері
Қазақстан Республикасының заңдарын сақтауын тексерулерді ұйымдастыру мен жүргiзу ережесi
Агробизнес және агроөнеркәсіп интеграциясының арасындағы байланыс
Балқаштың экологиялық ахуалы
Екінші деңгейлі банктеріндегі валюталық операциялар