Қазақша рефераттар

Қазақ тілінің лексикасы

5-сыныпқа арналған сабақ жоспары

Бұл сабақ жоспары 5-сынып оқушыларына қазақ тіліндегі сөздердің қолданылу өрісіне байланысты түрлерін түсіндіруге арналған.

Сабақтың тақырыбы

Сөздердің қолданылу өрісіне байланысты түрлері

Сабақтың түрі мен типі

  • Түрі: аралас сабақ
  • Типі: жаңа білімді меңгерту

Сабақтың мақсаты

  • а Оқушылардың лексика тарауы бойынша алған білімдерін жинақтап, сөздердің қолданылу өрісіне қарай түрленуін түсіндіру.
  • ә Ойлау қабілетін және сөйлеу мәдениетін дамыту; өз ойын еркін жеткізуге, жылдам жауап беруге дағдыландыру; тіл байлығын және сөздік қорын арттыру.
  • б Адамгершілік қасиеттерге баулу, ұлттық құндылықтарды қастерлеуге, ана тілін және Отанды сүюге тәрбиелеу.

Әдістері мен ресурстары

Сабақтың әдісі

  • Сұрақ–жауап
  • Түсіндіру
  • Деңгейлік тапсырмалар
  • Тіл дамыту әдістері

Көрнекілігі

  • Үлестірмелі кеспе қағаздар
  • Интербелсенді тақта

Пәнаралық байланыс

Әдебиет

Сабақтың барысы

I. Ұйымдастыру кезеңі

  1. 1 Оқушылармен амандасу.
  2. 2 Оқушыларды түгендеу.
  3. 3 Оқушылардың зейінін сабаққа аудару.

II. Үй тапсырмасын пысықтау

Үй тапсырмасы бойынша оқушылардың жауабы тыңдалып, негізгі қателер түзетіледі және маңызды ұғымдар қайталанады.

III. Өткен сабақты бекіту: «Шашу» әдісі

Кәмпит қағазына оралған сұрақтар шашылады. Оқушылар кәмпитті таңдап, ішіндегі сұраққа жауап береді. Әдіс оқушылардың жылдам ойлауын, белсенді қатысуын және ауызша сөйлеу дағдысын дамытуға көмектеседі.

IV. Жаңа сабақ

Назар аударту

Интербелсенді тақтаға назар аударып, жаңа тақырыптың негізгі ұғымдары талқыланады.

Түсіндіру

Қазақ тіліндегі сөздер қолданылу өрісі жағынан әртүрлі болады. Қазақ тілінің лексикасы қолданылу өрісіне қарай екіге бөлінеді:

  • 1 Жалпылама лексика — күнделікті қарым-қатынаста жиі қолданылатын сөздер.
  • 2 Қолданылу өрісі тар лексика — белгілі бір ортада, салада немесе жағдайларда қолданылатын сөздер.

Деңгейлік тапсырмалар

I деңгей тапсырмасы

Семантикалық картаны толтыр.