Топтастыру аппликация

Сабақтың тақырыбы: Аппликация
Сабақтың мақсаты:
Білімділігі: Оқушылардың бейнелеу өнері бойынша білімдерін тереңдету. Аппликация түрлерімен таныстыру. Олардың жасалу жолдарын үйрету.
Дамытушылығы: Оқушылардың бейнелеу өнеріне деген қызығушылығын арттыру. Қабілетті және дарынды балаларды анықтау.
Тәрбиелігі: Оқушыларды әсемдікті сезіне білуге, ұйымшылдықпен жұмыс жасауға тәрбиелеу.
Сабақтың көрнекілігі: бүктеме, қанатты сөздер, сызбалар, сөзжұмбақ
Сабақтың әдісі: с. т. о. технологиясының стратегиялары, сұрақ - жауап, түсіндіру
Сабақтың түрі: аралас сабақ
Пәнаралық байланысы: еңбекке баулу, ана тілі, дүниетану
Қажетті құралдар: түрлі түсті қағаз, желім қайшы

Сабақтың жүру барысы
1. Ұйымдастыру бөлімі
Психологиялық дайындық
Үлкенге де сіз
Кішіге де сіз
Сәлем бердік сіздерге
Құрметпенен біз.

2. Үй тапсырмасы
Табиғат көрінісінің суретін салу

3.. Өткен сабақты бекіту
Блиц - турнир
1. Бейнелеу өнер дегеніміз не?
2. Тастан қашалып жасалған өнер түрі - (мүсін)
3. Қазақтың тұңғыш суретшісі - (Ә. Қастеев)
4. Құрылыстар салу өнері – (архитектура)
5. Ісмер деп кімді айтамыз? (Ұлттық киімдерді тігетін, қолынан іс келетін адамдар)
6. Суретшінің өзін бейнелейтін шығармасы – (автопортрет)
7. Жануарлар суретін салу жанры (анималистік)
8. Табиғат көрінісін бейнелеу (пейзаж)
9. Адамның кеудеден жоғары бөлігін мүсіндеу (бюст)
10. Қағаз немесе картон бетіне қарындаш, қылқалам немесе басқа құралдармен орындалған сурет - ( Графика)

Жаңа сабақтың жүру барысы
1. Қызығушылықты ояту
2. Мағынаны тану
3. Дәптермен жұмыс
4. Ой қозғау
5.. Б. Ү. Ү стратегиясы
5. Бекіту Бес жолды өлең стратегиясы
6. Қорытындылау
І. Қызығушылықты ояту
Оқушыларға жапсырмалап жасалған суреттер көрсету арқылы оқушылардың жауабы тыңдалады.

ІІ. Мағынаны тану
Аппликация түрлерін сызба арқылы көрсетіледі.

1. Қағаздан жасалатын аппликациялар - ашық хат, аппликацияланған шеберлердің жұмыстары көрсетіліп, жасалу жолдарымен таныстырып өтемін.
Сәндік аппликациямен қабырға газеттерін, альбом, папкаларды да безендіруге болады. Сәндік өрнектік аппликацияны төртбұрыш, үшбұрыш, шеңбер ішінде үйлестіріп орындауға болады.
2. Киізге өрнектелген оюлары түрлі - түсті боялған жүннен немесе мата қалдықтарынан сырылып жасалады. Бұл да аппликациялау өнеріне жатады.
3. Табиғи материалдардың ішінен шиді пайдалана отырып, жүннен немесе түрлі жіппен орап, шидің бетіне өрнек түсіруге болады. Әр түсті жіппен немесе түрлі түске боялған жүннен жасалған ши түрі шым ши деп аталады.

Сергіту сәті
Ұсталардай тарсылдатып,
Шегені де қағамыз ( шегені қаққандай қимыл жасайды)
Әшекейлеп, әдемілеп,
Қағазды да қиямыз.( саусақтарымен қайшы етіп, қағаз қиған қимыл жасайды)

ІІІ. Сурет дәптеріне жұмыс
Оқушыларға Жайлауда суретін аппликациялау арқылы альбом бетіне орындайды.

IV. Ой қозғау.
Сөзжұмбақ Орама ши
1. Шидегі өрнек ( ою)
2. Киізден жасалған бұйым ( сырмақ)
3. Ши тоқуға арналған ауыр зат ( тас)
4. Тастан қашалып жасалатын өнер түрі ( мүсін)
5. Киіз үйдің тіреуіші ( бақан)
6. Төсеніш түрі ( алаша)
7. Іс тігетін құрал ( ине)

V. Мағынаны тану. БҮҮ стратегиясы
VI. Жаңа сабақты бекіту.
Бес жолды өлең стратегиясы
1. Не? ши
2. Қандай? әдемі, өрнектелген
3. Не істейді? Тоқиды, тұтады, жинайды
4. Мағыналы бір сөйлем. Киіз үйге әдемі шиді тұтады.
5. Синоним. Орама ши

VII. Сабақты қорытындылау. Топтастыру аппликация
VIII. Үйге тапсырма: аппликация жұмысын аяқтау
Бағалау.