Мамандық туралы кіріспе сөз

Тақырыбы: Мамандық таңдаудың 7 қадамы
Мақсаты: білімділік - оқушыларға мамандық туралы түсінік беру, мамандық түрлерімен және маман иелерімен таныстыра отырып, оларға қолдау көрсету, жоспарларын анықтау, мамандық таңдаудың қыр - сырларын меңгерту, кәсіптік бағдар беру.
дамытушылық - өз қалаулары бойынша мамандықты дұрыс таңдай білуге баулу, мақсат қоя білуге, икемділіктерін қалыптастыру.
тәрбиелік - тұлғалық өсудің алғы шарттарын қалыптастыра отырып, елімізге өз үлесін қоса білетін адал маман иесі болуға тәрбиелеу.
Көрнекілік: қанатты сөздер, слайд, буклет, тірек - сызбалар
Әдіс - тәсілі: түсіндіру, сұрау, тыңдау, талдау, ой бөлісу, кездесу.

Жоспары: 1. Мамандық туралы кіріспе сөз.
2. Білімдарлыққа жаттығулар:
а)"Мен кіммін, қандаймын?"
ә) Біз екеуміз ұқсаспыз, әртүрліміз"
б)"Менің күн бетіндегі бейнем"
3."Қалай біз көздеген мақсатқа жетеміз?"
4. Шақырылған қонақтарға сөз.
5."Менің әлемім"жаттығу.
6."Қазіргі заманның табысты мамандықтары".
7. ҰБТ - дағы пәнге байланысты мамандықтар туралы.
8."Ситуациялық жағдаят"
9."Бұл кім?" кәсіби бағдар ойыны.
10. Қорытындылау.

Барысы:
Мамандық туралы кіріспе сөз:(сынып жетекшісі) Адам өз өмірінің негізгі бөлігін кәсіптік қызметпен айналысуға жұмсайды. Адамның тағдыры оның қандай мамандықты таңдағанына тікелей байланысты.
Мамандық таңдау - қиын міндет. Технология пәні мамандық таңдауда көптеген мүмкіндіктер береді. Олар - ауылшаруашылығы өндірісі бойынша, киім тігу, тағам әзірлеу, тоқыма тоқу, сондай - ақ мамандық таңдауға көмегі тиетін үйірмелер.
Көптеген мамандықтар ашық аспан астында, суық ғимаратта немесе ыстық цехтарда, шу мен тербеліс көп ортада ұзақ уақыт болуды талап етеді. Қазіргі жасөспірімдердің ағзасы сыртқы ортаның әсеріне өте сезімтал болып келеді. Сондықтан өзі таңдаған мамандығына қойылатын талаптарға шыдамай жұмысын атқара алмайды.