Қазақша рефераттар

Тіскебасарлар дайындау

Сабақтың тақырыбы

Салқын тағамдар мен басытқылар

Бұл ашық сабақ зертханалық жұмыс форматында өтеді және студенттерді салқын тағамдар мен басытқыларды дайындаудың технологиясымен таныстыруға бағытталған.

Сабақтың мақсаты

Білімділік

Болашақ мамандарды зертханалық жұмыс арқылы салқын тағамдар мен басытқылардың дайындалу технологиясымен таныстыру.

Дамытушылық

Шығармашылық біліктілікті, ойлау қабілетін дамыту және тағам дайындауға қызығушылықты арттыру.

Тәрбиелік

Еңбекқор, тапқыр, білікті маман тәрбиелеу; эстетикалық талғамды қалыптастыру және өзін-өзі ұстау мәдениетін дамыту.

Кіріспе: салқын тағамдар мен басытқылардың маңызы

Салқын тағамдар мен басытқылар тәбетті ашатын тағамдар қатарына жатады. Оларды көбіне негізгі ас берілердің алдында ұсынады, кей жағдайда ыстық тағамдардың арасында да беріледі.

Бұл тағамдар дәрумендер мен минералды тұздардың құнды көзі болып саналады. Сондықтан оларды дайындауда тек дәміне ғана емес, тағамның сыртқы көрінісіне де ерекше мән беріледі.

  • Сыртқы түрі нәзік әрі тәбет ашатындай болуы керек.
  • Шикізаттар түсі мен формасы бойынша үйлесімді таңдалады.
  • Ұсыну ыдысы тағам түріне сәйкес болуы тиіс.

Сабақтың құрылымы

I. Ұйымдастыру кезеңі

Сәлемдесу, оқу құралдарын даярлау, назарды сабаққа аудару.

2 мин

II. Өткен тақырыпты қайталау

Негізгі ұғымдар мен түрлерді сұрақтар арқылы пысықтау.

3 мин

III. 1-кезең — Таныстыру

Әр топ өзін таныстырады.

3 мин

IV. 2-кезең — «Кім шебер?» (салқын тағам)

18 минутта салқын тағам дайындау. Бағалау: сыртқы түрі, үйлесімі, сапасы.

18 мин

V. 3-кезең — «Көкпар» (сұрақ-жауап)

Әр топқа 3 сұрақ. Барлығы белсенді қатысады, әр жауап бағаланады.

4 мин

VI. 4-кезең — «Дәмді және тез» (тіскебасар)

18 минутта тіскебасар дайындау. Бағалау: сыртқы түрі, үйлесімі, сапасы.

18 мин

VII. Қорытынды

Ұпайларды есептеу, бағалау, сабақ нәтижесін түйіндеу.

2 мин

II. Қайталау сұрақтары

  1. Салқын тағамдар дегеніміз не?
  2. Тіскебасарлардың неше түрі бар?
  3. Салқын ашық тіскебасарларды атаңыз.
  4. Салқын жабық тіскебасарларды атаңыз.
  5. Ыстық тіскебасарларды атаңыз.

III. 1-кезең — Таныстыру

Әр топ өз құрамы мен жұмыс бағытын қысқаша таныстырады. Мақсат — жұмыс жоспарын нақтылау және рөлдерді бөлу.

IV. 2-кезең — «Кім шебер?» (салқын тағамдар дайындау)

Тапсырма: әр топ алдарындағы шикізаттарды пайдаланып, салқын тағамды 18 минут ішінде дайындайды. Бағалау өлшемдері: сыртқы түрі, үйлесімділігі, сапасы.

1-топ

Балықтан жасалған салқын тағамдар

2-топ

Еттен жасалған салқын тағамдар

3-топ

Салат-коктейль

V. 3-кезең — «Көкпар» (сұрақ-жауап)

Бұл кезеңде әр топқа 3 сұрақтан қойылады. Әрбір жауап бағаланады, сондықтан мұқият әрі белсенді қатысу маңызды.

1-топ сұрақтары

  1. Тіскебасарға арналған нанның қалыңдығы және кесу формасы қандай? (Тілімше, 1–1,5 см)
  2. Ашық тіскебасарлардың жабық тіскебасарлардан айырмашылығы неде? (Ашықта — 1 тілім нан, жабықта — 2 тілім нан)
  3. Майшабақ (селедка) және балық гастрономиясына қандай ыдыс қолданылады?

2-топ сұрақтары

  1. Майлы және иісі мен дәмі өткір шикізаттарға нанның қай түрі лайық? (Қара бидай наны)
  2. Дайындау технологиясын қысқаша түсіндіріңіз. (Жібітілген сары майға туралған ақжелкен мен лимон шырынын қосып араластыру)
  3. Лимон мен көк шөпке қандай ыдыс қолданылады?

3-топ сұрақтары

  1. Ені 4–5 см, қалыңдығы 0,5 см, биіктігі 2–4 см етіп туралатын тіскебасар қалай аталады? (Канапе)
  2. Ащы басытқылық қоспалар мен уылдырыққа қандай ыдыс қолданылады?
  3. Қай тіскебасар түрін 3–4 сағатқа тоңазытқышқа қояды? (Орама тіскебасар)

VI. 4-кезең — «Дәмді және тез» (тіскебасарлар дайындау)

Тапсырма: әр топ алдарындағы шикізаттардан тіскебасарларды 18 минут ішінде дайындайды. Бағалау өлшемдері: сыртқы түрі, үйлесімділігі, сапасы.

1-топ

Салқын ашық тіскебасарлар

2-топ

Салқын жабық тіскебасарлар

3-топ

Ыстық тіскебасарлар

VII. Қорытынды

Сабақ өз мәресіне жетті. Бүгінгі сабақта алға қойылған мақсаттарға қол жеткізілді.

Әр кезеңде жинаған ұпайлар есептеліп, студенттердің жұмысы қорытынды бағаланады. Қатысқандарыңызға көп рақмет.

СӨЖ тапсырмасы

Тақырып: салқын тағамдар мен басытқыларды дайындау кезінде шикізаттарды бір-біріне алмастыру нормасы.

Тапсырма

Шикізаттардың бір-біріне алмастырылуын есептеп шығарыңыз:

  1. 0,42 кг тұздалған қиярды консервіленген қиярмен алмастыру.
  2. 0,15 кг балғын саңырауқұлақты балғын шампиньонмен алмастыру.
  3. 0,31 кг балғын қызанақты консервіленген қызанақпен алмастыру.