Қазақша рефераттар

Компьютермен жұмыс істеу

Сабақ барысы

Бұл жоспар Paint графикалық редакторында үзінділерді (фрагменттерді) белгілеу, көшіру, қою және айна бейнесін жасау сияқты негізгі әрекеттерді тәжірибе арқылы меңгертуге бағытталған.

I. Ұйымдастыру кезеңі

  • Сәлемдесу.
  • Оқушыларды түгендеу.
  • Сабақтың мақсаты мен күтілетін нәтижелерін хабарлау.

II. Үй тапсырмасын тексеру

Тест сұрақтары

  1. 1) Paint графикалық редакторын іске қосудың дұрыс реті қайсы?

    • Пуск → Программы → Стандартные → Paint
    • Пуск → Стандартные → Paint
    • Пуск → Программы → Paint

  2. 2) Мәтін енгізу үшін қай құрал қолданылады?

    • Бүріккіш (распылитель)
    • Жазу (надпись)
    • Қылқалам (кисть)

  3. 3) Тік төртбұрыш салу үшін қандай құралды пайдаланамыз?

    • Түзу сызық
    • Қисық сызық
    • Тік төртбұрыш

  4. 4) Суретті бояу үшін қандай құрал қолданылады?

    • Құю
    • Бүріккіш
    • Қылқалам

  5. 5) Қисық сызықтар сызу үшін пайдаланылатын құрал:

    Жауапты толықтырыңдар.

  6. 6) Қалып-күй жолағында (status bar) не көрсетіледі?

    • Инструменттер
    • Ағымдағы жұмыс туралы ақпарат
    • Файлдың аты

  7. 7) Көпбұрыш құралын қолданып шеңбер салуға бола ма?

    • Салуға болады
    • Болмайды
    • Тек Shift пернесін басып тұрғанда ғана

  8. 8) Қисық сызық салғанда неше бүгіліс (иілу) санын көрсету керек?

    Жауапты толықтырыңдар.

  9. 9) Дұрыс фигура салу үшін қай пернені жібермей ұстап тұру керек?

    • Alt
    • Ctrl
    • Shift

  10. 10) Өшіргіштің қандай режимдері болады?

    • Қарапайым және түрлі түсті
    • Қарапайым және күрделі
    • Жұмсақ және қатты

III. Сергіту сәті

Интерактивті тақтадан көрсетілген бейнеролик бойынша қысқа жаттығулар орындалады.

IV. Жаңа сабақ: үзінділермен жұмыс

Суретті өзгерту үшін алдымен оны толықтай немесе қажетті бөлігін — фрагментті — белгілеп алу керек. Белгілеу үшін Ерекшелеу (Select) сайманы қолданылады. Бүгінгі тәжірибелік жұмыста осы құралды пайдаланып көбелек суретін құрастырамыз.

Компьютермен жұмыс

  • Компьютерді іске қосыңдар.
  • Paint бағдарламасын ашыңдар.
  1. 1-қадам

    6 шеңбер салыңдар

    Жұмыс аймағында 6 түрлі шеңбер сызыңдар. Дөңгелек шығуы үшін Shift пернесін басып тұрыңдар.

  2. 2-қадам

    Шеңберлерді реттеңдер

    Тік сызық жүргізіп, шеңберлерді бірінің ішіне бірін жинаңдар да сол жақ шетін беттестіріңдер. Бұл үшін Белгілеу құралын қолданыңдар.

  3. 3-қадам

    Түстермен бояңдар және элементтерді толықтырыңдар

    Барлық шеңберлерді түрлі түске бояңдар. Қарындаш құралымен қанаттың қалған элементтерін салыңдар және бір түспен бояңдар (үлгі суретке сүйеніңдер).

  4. 4-қадам

    Фрагментті көшіру және қою

    Суретті белгілеп, көшірмесін жасаыңдар: Правка → Копировать, кейін Правка → Вставить.

  5. 5-қадам

    Айна бейнесін жасау

    Рисунок → Отразить/Повернуть… → Отразить слева направо командасын орындап, ОК батырмасын басыңдар.

  6. 6-қадам

    Үзінділерді біріктіру

    Дайын фрагменттерді бір композицияға келтіріп, өзара үйлестіріңдер.

  7. 7-қадам

    Көбелектің денесін құрастыру

    Көбелектің денесін салыңдар, бояңдар және қанаттарымен біріктіріңдер.

  8. 8-қадам

    Соңғы өңдеу

    Суретті жинақтап, көздері мен мұртын салыңдар.

V. Сабақты бекіту

Интерактивті тақтада жаңа сабақта қолданылған құралдар мен командаларды пайдаланып сурет салынады.

  • Оқушыларға сурет үлгілері беріледі; олар оны компьютерде орындайды.
  • Бір оқушы тақтаға шығып, өз еркімен сурет салады.
  • «Аю» суретін бөліктерге бөліп, әр оқушы бір элементін толықтырып, ортақ жұмыс жасайды.

VI. Қорытынды, рефлексия және бағалау

Қорытынды сұрақтар

Бүгінгі сабақта нені үйрендіңдер? Қандай құралдар мен командаларды қолдандыңдар?

Рефлексия

Тақтадағы кестеге өз көңіл-күйіне сәйкес смайликті жабыстырады.

Бағалау

Сабақ барысында орындалған тапсырмалар мен белсенділікке қарай бағаланады.

VII. Үй тапсырмасы

§17-ні оқып, параграф соңындағы тест сұрақтарына жауап беріңдер.