Есептеу дағдысын дамыту
ШҚО, Үржар ауданы, Қызылту ауылы
«Кішкенетау орта мектебі» КММ, бастауыш сынып мұғалімі — Шакенова Мансия Ораловна
Сабақтың тақырыбы
4 санын қосу және азайту (4 + 4; 8 − 4)
Негізгі мысал
4 + 4 = 8
Кері амал
8 − 4 = 4
Сабақтың мақсаты
-
1
4 санын қосу және азайту туралы түсінік қалыптастыру, жаттықтыру. Қосынды мен айырманың мәндерін табуда 4 + 4 жағдайын қолдану білігін бекіту.
Оқушылардың математикалық ойлауын дәлелді түрде дамытуға бағыттау.
-
2
Есептеу дағдыларын дамыту.
-
3
Ұқыптылыққа баулу.
Көрнекіліктер мен ресурстар
- Натурал сандар қатары.
- Балалар доминосы.
- Оқулық және дәптер.
Сабақтың барысы
I. Ұйымдастыру кезеңі
- Көңіл күй ахуалын қалыптастыру, ынталандыру.
- Оқушыларды түгендеу.
- Зейінді сабаққа шоғырландыру.
II. Мақсат қою
Сабақтың тақырыбы мен мақсатын хабарлау: бүгін 4 санын қосу және азайту тәсілдерін үйренеміз, мысалдар мен есептер шығарамыз, бір-бірімізді үйретеміз.
III. Білімді еске түсіру
Ойын элементі
«Кел, ойнайық!»: балықтарды аквариумға орналастыру, №4 тапсырмасының дұрыстығын тексеру.
Жылдамдыққа тапсырма
«Кім жылдам?»: сандар құрамын бекітуге арналған ауызша есептеу (қалдырып кеткен сандарды қою, «үйлерге» орналастыру, гүл жапырақшаларын бояу және т.б.).
Ауызша сұрақтар
- 1) Жағдаяты, шарты, сұрағы, шешуі және жауабы бар мәтін қалай аталады? Есеп
- 2) 3-тен 1-ді кеміт.
- 3) 6 шығу үшін 5-ке қаншаны қосу керек?
- 4) Өрнектегі * орнына қандай белгі қою керек: 5 + 3 * 8?
Соңында 4 санының құрамын қайталау.
IV. Жаңа сабақ
Негізгі идея
4-ті қосу үшін сан сызығында 4 қадам алға жылжимыз (қосамыз), ал азайту үшін 4 қадам артқа жылжимыз (азайтамыз).
Қосу үлгілері
- 4 + 4= 8
- 5 + 4= 9
- 6 + 4= 10
Азайту үлгілері
- 8 − 4= 4
- 9 − 4= 5
- 10 − 4= 6
Мәселе қою
Бүгін мысалдар мен есептер шығарамыз. 4 санын қосу және азайту тәсілдерімен танысып, өз бетімізше қолданып көреміз және бір-бірімізге көмектесеміз.
Көрнекі жағдаят арқылы түсіндіру
1-қорап
2 доп және 2 қуыршақ.
2-қорап
3 қуыршақ және 1 доп.
Құрастыру
4 = 2 + 2
Құрастыру
4 = 3 + 1
Осыған ұқсас азайту өрнектерін құру: 4 − 2, 4 − 3, 4 − 1.
Оқулықпен жұмыс
№1 тапсырма
Алдыңғы сабақтарда 3 санын қосу және азайту тәсілдері туралы алған білімді жаңа жағдайға көшіру. Домино және сандар қатары арқылы есептеу тәсілдерін негіздеу.
№3 тапсырма
Берілген ұзындық бойынша кесінді сызудың практикалық білігін бекіту.
№5 тапсырма
Жұппен жұмыс. Орындағаннан кейін өзара тексеру жүргізіледі.
Сергіту/ойын
«Батпырауыққа кім бұрын жетсе, сол иеленеді»: жұппен жарысу, бір-бірін бақылау, ойын ережесін сақтау.
Дәптермен жұмыс
Цифрларды жазу дағдысын қалыптастыру, ұқыпты жазуға назар аудару.
№2 тапсырма
Домино мен сандар қатарын пайдаланып, 4 санын қосу және азайту. 4 + 4 жағдайына машықтану.
№4 тапсырма
Берілген ұзындық бойынша кесінді сызу. Қызыл және көк кесінділер ұзындықтарының қосындысын жасыл кесіндінің ұзындығымен салыстыру.
№5 тапсырма — есептің шешуін жазу
Өрік — 3 түп
Шие — 4 түп
Өрнек
3 + 4 = 7
Жауабы: 7 түп ағаш.
Шығармашылық тапсырма орындалады.
VII. Сабақты қорытындылау
Рефлексия сұрағы: «Біз бүгін не істеуді үйрендік?»