Сындарлы оқыту - заман талабыҰстазы талантты болса, Шәкірті талапты болады
Сындарлы оқыту — заман талабы
«Ұстазы талантты болса, шәкірті талапты болады.» (Халық даналығы)
Егемен еліміздің алдыңғы қатарлы мемлекеттердің қатарына қосылуға бағытталған саясаты қоғамымыздың барлық саласында түбегейлі өзгерістер енгізіп, жаңа талаптар қоюда. Соның ішінде болашақ ұрпаққа әлемдік деңгейде білім беру мақсатына сай, білім мазмұнына жаңаша қарау — басты міндеттердің бірі.
Қазіргі педагогикадағы өзекті мәселелердің бірі — оқушылардың пәнге деген қызығушылығын арттыру. Жаңа технологиялар мен оқытудың әдіс-тәсілдері оқушылардың білімін толықтырып, оқу үдерісін жандандыруға көмектеседі.
Ұстаз шеберлігі неден көрінеді?
Озық тәжірибені және жаңа технологиялардың тиімді әдістерін таңдап, оларды үйлесімді, нәтижелі әрі шығармашылықпен қолдану — ұстаз шеберлігінің айқын белгісі.
Әр заманның өз талабы бар. Қалай болғанда да, заман ағымына ілесу — үлкен мұрат. Әрбір мемлекеттің өсіп-өркендеуінің және бәсекеге қабілетті болуының негізгі тірегі — ұстаз берген сапалы білім.
Сондықтан дамудың ең биік көкжиегін көздеген кез келген мемлекет ең алдымен білім беру саласын дұрыс жолға қойып, сапасын көтеруді мақсат етеді. Демек, бәсекеге қабілетті, рухы биік ұрпақ тәрбиелеу — жаңа формация мұғалімінің жауапкершілігі.
Инновация және сындарлы оқыту
-
Уақыт талабына сай білімнің дамуы инновациялық үдерістерді енгізумен айқындалады.
-
Дәстүрлі оқу әдістерін тиімді жаңа оқыту тәсілдерімен алмастыру оқушылардың білім, білік, дағдыларын арттырады.
-
Мектепте алған білімді әрі қарай дамытуға, өмірде өз біліміне сүйеніп жол табуға сындарлы оқыту технологиясы елеулі ықпал етеді.
Бүгінде білімнің құны артып, оқу-ағартудың, соның ішінде білімді адамның беделі өсіп келеді. Бұл — қоғамның сапалы білімге сұранысының күшейгенін көрсететін маңызды белгі.