Қазақша рефераттар

Даналық ағашы

Сабақ туралы

Тақырыбы

Сандардың арифметикалық ортасы, өзгеріс ауқымы және мода тақырыптары бойынша есептер шығару.

Мақсаты

  • Өткен тақырыптар бойынша алған білімді жинақтау және тиянақтау.
  • Оқушыны мұқият тыңдауға, сұрақтарға нақты жауап беруге және өз білімін көрсетуге үйрету.
  • Ойлау және еңбек ету қабілеттерін дамыту, ұқыптылық пен жинақтылыққа тәрбиелеу.

Өту әдістері

Сұрақ-жауап Топтық жұмыс Практикалық Проблемалық Іздену Ой қозғау

Түрі және көрнекілігі

Сабақтың түрі: қайталау сабағы.

Көрнекіліктер: нақыл сөздер, «даналық ағашы», үлестірме материалдар.

Сабақтың барысы

I. Ұйымдастыру

Оқушылар екі топқа бөлінеді. Мақсат — назарын сабаққа шоғырландыру және жұмыс ырғағын қалыптастыру.

II. Үй тапсырмасын тексеру

№1269 (1,2) тапсырмалары тексеріледі. Есептеу мен түрлендірудің дұрыс орындалуына назар аударылады.

1-есеп

1) (11,8 − y) · 2,9 = 18,473
11,8 − y = 18,473 : 2,9
11,8 − y = 6,37
y = 11,8 − 6,37
y = 5,43

Тексеру: (11,8 − 5,43) · 2,9 = 18,473

2-есеп

2) (3,2y − 13,78) · 6,8 = 187
3,2y − 13,78 = 187 : 6,8
3,2y − 13,78 = 27,5
3,2y = 27,5 + 13,78
3,2y = 41,28
y = 12,9

Тексеру: (3,2 · 12,9 − 13,78) · 6,8 = 187

«Даналық ағашы» сұрақтары

  • Санның арифметикалық ортасы дегеніміз не?
  • Өзгеріс ауқымы дегеніміз не?
  • Берілген сандар қатарындағы жиілігі ең көп сан қалай аталады?
  • Мына сандардың модасын табыңдар: 1,3; 0,4; 5; 3; 0,4; 2; 5.
  • 10 және 12 сандарының арифметикалық ортасын табыңдар.

III. Негізгі бөлім: «Бақытты сәт»

I кезең: Бой сергіту

Әр топқа 10 сұрақтан қойылады. Жауап қысқа, нақты және дәл болуы тиіс.

1-топ сұрақтары

  1. Құрамында әріптері бар өрнек қалай аталады?
  2. Тік төртбұрыштың ауданы неге тең?
  3. Шаршы дегеніміз не?
  4. 2-ге қандай сандар бөлінеді?
  5. Жай сандар дегеніміз не?
  6. Радиус дегеніміз не?
  7. Алымы бөлімінен кіші бөлшек қалай аталады?
  8. Аликвоттық бөлшектер дегеніміз не?
  9. Бөлімдері бірдей бөлшектердің қайсысы үлкен?
  10. 10 дм-де қанша мм бар?

2-топ сұрақтары

  1. Теңдеу дегеніміз не?
  2. Тік төртбұрыштың периметрі неге тең?
  3. Үшбұрыш дегеніміз не?
  4. 9-ға қандай сандар бөлінеді?
  5. Құрама сандар дегеніміз не?
  6. Диаметр дегеніміз не?
  7. Бөлшектің алымы мен бөлімін 1-ден өзге ортақ бөлгішке бөлу қалай аталады?
  8. Бұрыс бөлшек дегеніміз не?
  9. Алымдары бірдей екі бөлшектің қайсысы үлкен?
  10. 10 см-де қанша мм бар?

II кезең: «Бөшкеден шыққан бас қатырғылар»

  1. Әлібек бір сан ойлады. Сол санды 2,5 есе кемітіп, нәтижесінен 18,25 санын азайтқанда 13,95 шықты. Әлібек қандай сан ойлады?
  2. Данияр аулаған балықтарын жеке-жеке өлшеді: 1,2 кг; 3,24 кг; 1,9 кг; 2,16 кг; 2 кг. Бір балықтың орташа массасы қанша килограмм?
  3. Машина бір күнде 8,5 га жерге картоп отырғызды. 102 га жерге неше күнде картоп отырғызады?
  4. 6,4 пен 2,9 санының көбейтіндісін 4,8 бен 1,6 санының айырмасына бөліңдер.
  5. Ұзындығы 3,2 см, ені 1,7 см тік төртбұрыштың ауданы неге тең?
  6. 6,3; 0,6; 7; 15,9 сандарының өзгеріс ауқымы неге тең?
  7. 2,1; 3,5; 4,6; 2,1; 0,3; 2,1 сандарының модасы неге тең?
  8. Есептеңіз: 7,389 : 0,01.

III кезең: «Жұмбақ тас» (логикалық есептер)

Топтық тапсырмалар (нұсқа 1)

  1. 5 пен 7 сандарының арифметикалық ортасы неге тең?
  2. Төртбұрыштың бір бұрышын кесіп тастаса, қанша бұрыш қалады?
  3. Қандай бөшкеге су құюға болмайды?

Топтық тапсырмалар (нұсқа 2)

  1. Қосындысы 12-ге, ал көбейтіндісі 35-ке тең өзара жай сандарды атаңдар.
  2. Қатар тұрған натурал үш санның қосындысы және көбейтіндісі 6-ға тең. Бұл қандай сандар?
  3. Бөлмеде 4 мысық бар. Әр мысықтың алдында 3 мысықтан. Бөлмеде барлығы қанша мысық бар?

IV кезең: «Сен — маған, мен — саған»

Әр топ үйден дайындап келген тапсырмаларын (сөзжұмбақ немесе ребус) бір-бірімен алмасып шешеді. Көп тапсырма шешкен топ 1 ұпайға ие болады.

V кезең: «Көсемдікке ұмтылу»

Тапқырлық пен логиканы талап ететін шапшаң сұрақтар.

  1. Үш түйеқұс ұшып келе жатты. Аңшы олардың біреуін атып алды. Қаншасы қалды?
  2. 0,1,2,3,4,5,6,7,8,9 сандарының қосындысы көп пе, әлде көбейтіндісі көп пе?
  3. Төрт қайың қатар өсіп тұр. Әрқайсысында 4 бұтақтан. Әр бұтақта 4 алмадан. Барлығы қанша алма?
  4. Екі бестің арасына қандай таңба қойғанда 5-тен үлкен, 6-дан кіші сан шығады?
  5. Ағаш үстінде 100 торғай отыр. Аңшы біреуін атып алды. Қанша торғай қалады?
  6. Ол нәрсе сенікі, бірақ оны сенен гөрі басқалар көбірек қолданады. Ол не?
  7. 86 санын ештеңе жазбай 12-ге арттыр. Қалай?
  8. Электр пойызы батыстан шығысқа қарай жүріп келеді, оған қарсы бағытта жел соғып тұр. Жел пойыздың түтінін қай жаққа айдайды?
  9. Ұшақ Зайсаннан Алматыға дейін 1 сағат 20 минут ұшады, ал кері қарай 80 минут ұшады. Мұны қалай түсінуге болады?
  10. Бір жұмыртқа 3 минутта піседі. Ал 4 жұмыртқа қанша минутта піседі?
  11. Егер тырна бір аяғымен тұрса 3 кг болса, екі аяғымен тұрса қанша кг болады?
  12. Қосындысы 651-ге тең болатын қатар тұрған екі натурал санды атаңдар.

IV. Қорытынды

Бағалау

Үй тапсырмасы түсіндіріліп, сабаққа белсенді қатысып, есептер шығарған оқушылар бағаланады.

V. Үй тапсырмасы

Үй тапсырмасы мұғалім тарапынан түсіндіріліп беріледі.

Ескерту: Тапсырманың нақты нөмірі мен талаптары сынып деңгейіне қарай белгіленеді.