Жабайы жануарлардың кейбір ерекшеліктерін салыстыру

Сабақтың мақсаты

Балалардың үй жануарлары мен жабайы аңдар туралы түсініктерін тереңдету; олардың түрлерін бір-бірінен ажыратуға, әңгімені мұқият әрі зейін қоя тыңдауға үйрету.

Үй жануарларының адамға тигізер пайдасын түсіндіру, оларды күтіп-баптауға, қорғап-қамқорлық жасауға тәрбиелеу. Үй жануарларына байланысты тақпақтар мен мақал-мәтелдерді қайталау, сұрақ-жауап арқылы тіл байлығын дамыту.

Жабайы жануарлардың кейбір ерекшеліктерін салыстыру; олардың мекені мен қоректенуі туралы түсінік беру, неліктен «жабайы» деп аталатынын түсіндіру. Аңдардың мінез-құлқын бейнелейтін әңгімелер арқылы балаларды анық сөйлеуге үйрету.

Әдіс-тәсілдер

Түсіндіру
Әңгімелеу
Ойын
Сұрақ-жауап
Сахналау

Сабақтың барысы

Кіріспе сұрақтар

Балалар, қазір жылдың қай мезгілі? Қыс мезгілінде неше ай бар? Ай аттарын атайық. Қыста не жауады? Қардан не жасап ойнаймыз?

Бүгінгі жаңа тақырыбымыз: «Жануарлар туралы жалпы ұғым».

Жануарларды білесіңдер ме? Олардың қандай түрлерін атай аласыңдар?

Жануарлар екіге бөлінеді

Үй жануарлары — адамның қасында тіршілік ететін, пайдасы бар жануарлар.

Мысалы: сиыр, қой, жылқы, түйе, ешкі және т.б.

Жабайы жануарлар — өздігінен табиғатта тіршілік ететін жануарлар. Олардың мекені мен қоректенуі табиғи ортаға байланысты.

Үй жануарлары: сұрақ-жауап және тақпақтар

Суретпен жұмыс

Сиыр

Негізгі сұрақтар

Сиырдың адамдарға пайдасы бар ма?: Бар.
Қандай пайдасы бар?: Сүтін ішеміз, етін жейміз.
Сүтінен не жасалады?: Айран, құрт, ірімшік жасалады.
Сиыр қандай дыбыс шығарады?: «Мө, мө, мө» деп мөңірейді.
Сиырдың төлі қалай аталады?: Бұзау.

Тақпақ

Әукім, әукім, әукешім,
Қасиыншы әукесін.
Енең әне келеді,
Ақ мамасын береді.

Суретпен жұмыс

Қой

Негізгі сұрақтар

Қойдың адамға пайдасы бар ма?: Етін жейміз, сүтін ішеміз, жүнінен түрлі киім тоқуға болады.
Жүнінен нелер жасауға болады?: Шұлық, қолғап, шарф, жемпір және т.б.
Қой қандай дыбыс шығарады?: «Мә, мә, мә» деп маңырайды.
Қойдың төлі қалай аталады?: Қозы.

Тақпақ

Өзгеше өңде, тау қырат,
Сылқ-сылқ күлген бал-бұлақ.
Жаңа туған ақ қозым,
Көзін ашты маужырап.

Суретпен жұмыс

Түйе

Негізгі сұрақтар

Түйенің қандай пайдасы бар?: Етін жейміз, сүтін ішеміз, жүнінен көрпе жасалады.
Түйе жүнінен жасалған көрпе қандай болады?: Өте жеңіл әрі жылы болады.
Түйенің сүті қалай аталады?: Шұбат.
Шұбаттың пайдасы қандай?: Адам денсаулығына өте пайдалы.
Түйе қандай дыбыс шығарады?: «Бәә, бәә, бәә» деп боздайды.
Түйенің төлі қалай аталады?: Бота.

Тақпақ

Қара көзің мөлдіреп,
Қызықтырмай қоймайды.
Жібек жүнің үлбіреп,
Қарасам, көз тоймайды.