Есепті теңдеу құру арқылы шығару

Сабақтың тақырыбы

Есепті теңдеу құру арқылы шығару.

Сабақтың мақсаты

«Есепті теңдеу құру арқылы шығару» тақырыбы бойынша алған білімді пысықтау және бекіту.

Дамытушылығы

Тапсырмалар арқылы оқушылардың сын тұрғысынан ойлауын, дербес жұмыс істеуін және алған білімін тәжірибеде қолдана білуін дамыту.

Тәрбиелік мәні

Тапқырлыққа, шығармашылықпен жұмыс жасауға, ізденімпаздыққа және тәуелсіз елімізді қадірлеуге тәрбиелеу.

Көрнекілігі

«Ғажайып алаң» ойыны.

Сабақтың барысы

I. Ұйымдастыру кезеңі

Бүгінгі сабақтың мақсаты түсіндіріледі: сабақ ерекше форматта өтеді. Сын тұрғысынан ойлау әдістері арқылы жұмбақтар шешіп, алған білімімізді көрсетеміз және толықтырамыз.

«Ғажайып алаң» ойыны арқылы сандарға байланысты тапсырмаларға толық жауап береміз. Сабақ 9 бөлімнен тұрады. «Ғажайып алаң» айналдырылады.

II. Үй тапсырмасын тексеру

Әр қатардан бір оқушы үй тапсырмасын оқиды.

Мысал сандары

158 040 238 049 4680 12091 82 527 190 424 8016 176

«Ғажайып алаң» айналдырылады.

Ойлан, тап! (жұмбақ өлең)

Келеді ұшып екі қарға, Топ достарын ертіп талға. Болды елу әлгі жиын, Санағанда демей қиын. Болмаңыздар әбігер, Табылар емі бәрібір. Айтар есеп шартын кім, Теңдеу құру тәртібін?

Жауабы (теңдеу)

2 + x = 50

x = 50 − 2

x = 48

Тексеру

2 + 48 = 50

50 = 50

Осылайша, өткен тақырыпта алған білімімізді әрі қарай пысықтаймыз. «Ғажайып алаң» қайта айналдырылады.

Оқулықпен жұмыс (1–2-тапсырмалар)

1-тапсырма (периметр)

Бір оқушы тапсырманы дауыстап оқиды. Периметрді өрнек түрінде жазу талданады.

P = 2(x + 7 см)

P = x + 7 + 7 + x

P = 2x + 14

2-тапсырма (теңдеу арқылы)

Тапсырма оқылып, бірге талданады.

x + 6 = 28

x = 28 − 6

x = 22

Тексеру: 22 + 6 = 28

Есепті шығарудың тәсілдері салыстырылады.

Оқулықтағы тапсырмалар (3–5)

3-тапсырма (теңдеу)

Тапсырма оқылады. Теңдеу тақтаға жазылып, кезең-кезеңімен шығарылады.

3x = 12 : 2

3x = 6

x = 6 : 3

x = 2

4-тапсырма (өзіндік жұмыс)

Оқушылар тапсырманы дәптерлеріне орындайды. Бір оқушы шешу жолын оқиды, қалғандары дәлелдеп түсіндіреді.

«Ғажайып алаң» айналдырылады.

Кім тапқыр? (жұмбақ есеп)

Екі бала бір-біріне қарама-қарсы 5 м/с жылдамдықпен жүгірді. Егер арақашықтық 100 м болса, олар неше секундтан кейін кездеседі? Теңдеу құрастыр.

Бағыт

Қарама-қарсы қозғалыста жақындасу жылдамдығы қосылады: 5 + 5. Оқушылар теңдеу құрып, шешімін дәлелдейді.

«Ғажайып алаң» айналдырылады.

Оқулықтағы тапсырмалар (7–8)

Кесте бойынша есептер құрастырылады. Жылдамдық, уақыт және қашықтықты табу ережелері еске түсіріледі.

8-тапсырма (ауызша)

a) Көбейтінді туралы

Екі санның көбейтіндісі 7005-ке тең. Көбейткіштердің біреуін 5 есе арттырса, көбейтіндінің мәні қалай өзгереді? 5 есе кемітсе ше?

b) Қосынды туралы

Екі санның қосындысы 7005-ке тең. Қосылғыштардың біреуін 5-ке арттырса, қосынды қалай өзгереді? 5-ке кемітсе ше?

«Ғажайып алаң» айналдырылады.

Логикалық есеп: белгісіз санды тап

Шешуі

x + 5 = 2004 − 13

x + 5 = 1991

x = 1991 − 5

x = 1986

Жылдар тізбегі

1986 ж. → 1991 ж. → 2004 ж. 15 жыл

Мұғалім сұрақ қояды: бұл сандар нені білдіреді? Оқушылар әр жылдың ерекшелігін, сол жылдардағы өзгерістер мен оқиғаларды айтады.

Тәрбиелік байланыс

Тәуелсіз, егемен еліміздің 15 жылдық белесін әңгімелеу.
Тәуелсіздік туралы білетін өлеңдерді айтқызу.

«Ғажайып алаң» айналдырылады.

Қорытынды

«Не үйрендік, нені білдік?» стратегиясы бойынша оқушылар сабақтың қорытындысын жасайды. Бүгін біз периметрді табудың әртүрлі тәсілдерін өрнек түрінде жазуды, есепті теңдеу құру арқылы шығаруды, сондай-ақ аудан, жылдамдық, уақыт және қашықтықты табуды қайталадық. Жұмбақ есептерді шешіп, ойлау дағдыларын дамыттық.

Бағалау

Сабаққа белсенді қатысқан оқушылар бағаланып, мадақталады.

Үй тапсырмасы

9-тапсырма.

Сабақ аяқталды.