Түсінік хатАдамзат дамуының жаңа сатысы - ақпаратты қоғамға өтумен сипатталады

Түсінік хат
Адамзат дамуының жаңа сатысы - ақпаратты қоғамға өтумен сипатталады. Қазіргі уақытта адам іс - әрекетінің барлық салаларына компьютерлік технология кеңінен қолданылатын болды және оның маңыздылығы барған сайын арта түсіп отырған сайын жаңа программалардың тасқыны, көптеген адамдарға кәсіптік – ақпараттық технология құралдарын жоғары дәрежеде білу қажеттілігін көрсетеді. Бұл салаға мемлекеттік тұрғыдан да барынша көңіл бөлінуде. Осы орайда жоғарғы және орта кәсіптік мамандар үшін информатика және компьютерлік техника пәнінің ана тілімізде оқытылуы, қазақ тілінде компьютер программаларының жасалуы бүгінгі өмірдің өзекті қажеттілігіне, сұранымына айналды.

Жас ұрпаққа білім беру жолында ақпараттық технологияны оқу үрдісінде оңтайландыру мен тиімділігін арттырудың маңызы зор. Интернет желісінде жұмыс істеу де оқушыларымызға әлемдік білім мен ғылым жетістігінен хабардар болып, оны игеруіне шексіз мүмкіндіктер береді. Жаңа коммуникациялық технологияларды пайдаланудың басты мақсаты - оқушылардың оқу материалдарын толық меңгеруі үшін оқу материалдарының практикалық жағынан тиімді ұсынылуына мүмкіндік беру.

Тез дамып келе жатқан қоғамның қай саласына болмасын, нәтижелі жұмыс көрсете алатын, жаңа типті маман керек. Қазіргі заман талабы мамандарға
нарық еңбегін құрайды. Болашақ маманның құндылығы – оның өз бетінше
дұрыс жауапты шешім қабылдауға қабілетті, бірігіп бір топта жұмыс істеуі,
алдына қойған мақсатының нәтижелі жетістіктерін көру, қолайсыз жағдайларда әрекет ете білуі, білім шыңын игеруге талаптануы.

Бүгінгі таңда компьютерлік дизайн, жүйелік программалаушы, администратор т. б. мамандардың қажет екендігін түрлі жарнамалық газеттерден, бұқаралық ақпарат құралдарынан да көруге болады. Аталған мамандықтарды қалай дайындап, оларға қандай программалық құралдарды үйрету арқылы жетілдіруге болатыны таңдау курсының өзекті мәселелерінің бірі болып отыр. Бүгінгі таңда уақыт талабына сәйкес білім беруді одан әрі жетілдіру оқу - тәрбие процесіне озық тәжірибені, ғылыми жетістіктерді енгізуді талап етеді. Белгілі педагог Ш. Амонашвили: “Оқушылардың білімін арттыру, пәнге қызықтыру үшін, оқытуда, жалпы алғанда ең бірінші оқушылардың неге қызығатынын анықтап алып, содан соң содан бастау керек” дейді.

Ұқсас жұмыстар

С С графиктік мүмкіндіктері

Қоғам және мәдениет

Өндіріс факторлары туралы

Жасөспірімдердің үйлесімді әлеуметтенуінің психологиялық ерекшеліктері

Әлеуметтану бойынша сұрақтар

ҚАЗАҚСТАН ЭКОНОМИКАСЫНДАҒЫ ШАҒЫН ЖӘНЕ ОРТА КӘСІПОРЫНДАРДЫҢ ЖАҒДАЙЫ

Қазіргі ғылым философиясының ұғымы

Мектеп ақпараттық жүйесін құру

Мәліметтер базасының обьектілері

Грек мифологиясы

ҚР қоғамдық жаңа даму кезеңінде жоғары білім беру