Біздің пайдалы кеңесімізге назар аударғаныңызға рахмет


Ұқыпсыз үй бикесінің 9 түрлі белгісі

Біз бүгінгі мақалада үйдің ішін артық заттардан арылтып жинақы қалыпқа келтіру туралы айтамыз. Үйге келген қонақ сіздің асыңызды ішпей - ақ үй ішіне бір көз жүгіртеді де, қандай үй бикесі екеніңізді байқап қояды. Қалай дейсіз бе? Тіпті, ең стильді жиһаздар қойылып әдемі безендірілсе де, үйдің іші дұрыс реттелмегенін кейбір детальдар арқылы байқауға болады.
Мен мұнда үйіліп тұрған қоқыс, шашылып жатқан заттар туралы айтайын деп тұрғам жоқ. Мәселен, қандай нәрселерден құтылу керек? Әр заттың өз орнын тауып орналастыру туралы айтайын деп отырмын.
1. Тұрмыстық қоқыр - соқыр
Үйдің ішін сыпырып жуатын тұрмыстық заттарды көзден таса орынға орналастырыңыз. (швабра, сыпырғы, шаңсорғыш, шаң сүртуге арналған шүберектер, шелек, шылапшын т. б.). Ас үйдегі және ваннада сүлгілерді ауыстыруды ұмытпаңыз. Жалбырап ілініп тұрған майлықтар немесе алжапқыш асүйдің стильді интерьерін бұзып тұрмас үшін көрінбейтін арнайы орынға жайғастырыңыз.
2. Стильдік үйлеспеушілік
Үйдің кең немесе шағын болуына қарай жөндеу жұмысын жүргізген жөн. Бір бөлмелі пәтерде богемиялық сәнділік, алтын мен көне заттардың көптігі орынды болмайды. Аумағы 40 - 50 шаршы метр алаңда тым қымбат жөндеу жұмыстарын жүргізу қажет емес, ол сәнді көрінбейді керісінше күлкілі көрінеді. Шағын пәтерге бірнеше стильді біріктіруге болмайды, мұндай жабайы қиялға жол бермеңіз.
3. Әженің үйі
Сөрелерін шаң басқан ескі шкафтар мұндай жиһаздар сәннен баяғыда қалған. Мұндай жиһаздарды шығарып тастау қажет немесе заманауи нәрсеге жаңартқан дұрыс. Сіз әжеңіздің ескі шыны бокалдарын әлі де мұқият сақтайсыз ба? Шаң басқан қоқыс заттармен интерьерді бұзбаңыз, лақтырып жіберіңіз.
4. Қағаз жинау
Үстел үстінде жиналып қалған газет - журналдар. Бір керегіме жарайды-ау деп шкаф ішіне жинап қойған тағы тұр. Сонша уақыттан бері бір керегіңе жарамай тұрған мұндай қоқыстан арылған дұрыс.
5. Ескі заттар
Тесілген дастархан, түсі оңып кеткен диван қаптағыш, түгі тапталып қалған ескі кілем үйдің сәнін кетіреді. Ең кішкентай деталдарға назар аударыңыз. Терезе көзіне тұтылған пердені өзгертіңіз. Жиһаздарды кірден, шаңнан тазартыңыз.
6. Пайдасыз нәрселер
Әдемі сувенирлер мен естелік мүсіндер шаң жинайды. Оларды қаптатып қоймаңыз, ең құнды үлгілерін ғана қалдырсаңыз жетеді. Бос аумақ көбейген сайын демалу жеңіл.
7. Қобыраған сымдар
Ашық қобырап жатқан сымдар көзге жағымсыз көрінеді. Қазіргі кезде интерьердің сәнін келтіріп тұру үшін бұндай мәселені шешудің көптеген жолдары ұсынылады.
8. Солып немесе қурап қалған гүлдер
Қазіргі заманғы интерьерді үй гүлдерінсіз елестету мүмкін емес, бұл тек көзді қуантып қана қоймайды, сонымен қатар ауаны тазартады. Үй өсімдеріне қамқорлық жасауды ұмытпаңыз: оларға су құйып, жапырақтарын шаңнан тазартып сүртіңіз. Солып, қураған гүлдерді тастаңыз.
9. Ескі музыкалық аспап
Үйдегі пайдаланбайтын кез келген музыкалық аспапты сақтамаңыз (пианино, гитара т. б.). Оны керек еткен жанға сатып жіберіңіз. Оның шаң басып босқа тұрғаны кімге қажет? Бұл кеңестер әсіресе шағын пәтерде тұратын адамдар үшін өте қажет деп ойлаймын. Біздің пайдалы кеңесімізге назар аударғаныңызға рахмет! Бұл кеңестердің ұстансаңыз сізді ешкім ұқыпсыз салақ адам деп айтпайтын болады.
Дереккөзі: Әлеуметтік желіден алынды
Дайындаған: Жайна


Ұқсас жұмыстар
Ауыл шаруашылығы өнімдерін өңдейтін кәсіпорынның пайдалылығын арттыру жолдары
Нұрсұлтан Әбішұлы Назарбаев еңбектері тәуелсіз Қазақстан мемлекеттігі тарихының дерек көзі (1990-2006 жж.)
Елбасы Нұрсұлтан Назарбаев “Болашақта еңбек етіп, өмір сүретіндер
Н. Ә. Назарбаев
ҚАЗАҚСТАНДАҒЫ ПАЙДАЛЫ ҚАЗБАЛАР
Хақназар хан
Ел назарында - «Қилы заман»
Біздің әжелеріміз, аталарымыз - қаһармандар
Қазақстан Республикасының Елбасы Н. Назарбаев Қазақстан жолы - 2050: бір мақсат, бір мүдде, бір болашақ атты Жолдауында
Бәкеңе шын жүректен Мәшекең үшін атқарған ізгілікті ісіңізге рахмет


Көмек