Қазақша рефераттар

Мамандықтарды ата

Кім болғым келеді?

Бұл сабақта оқушылар мамандықтардың атауларын үйреніп, олар туралы әңгімелейді, сұрақ қойып, жауап береді, «кім болғым келеді?» тақырыбында өз ойын айтады. Сонымен қатар фонетикалық талдау жасап, топпен жұмыс істеу дағдыларын дамытады.

Сабақтың мақсаты

Оқушылар меңгереді

  • Мамандықтардың атауларын біледі.
  • Фонетикалық талдау жасай алады.
  • Сұрақ қояды және жауап береді.
  • Мамандықтар туралы еркін сөйлей алады.
  • Топпен жұмыс істейді.

Сабақ соңында

Оқушылар еңбек пен мамандықтың маңызын түсініп, мамандық атауларының жасалу жолдарын (жұрнақтар арқылы) ажыратады және өз таңдауы туралы қысқаша пікір білдіре алады.

Негізгі сұрақ

«Кім болғым келеді және не үшін?»

Сабақтың барысы

1) Психологиялық дайындық

Шаттық шеңбері

Сәлем бердім досыма,

Кел менің құшағыма.

Қалың қалай? Жақсы ма?

Жақсы болса — жасырма!

Назарды шоғырландыру

  • Көз мұқият қарайды және бәрін көреді.
  • Құлақ мұқият тыңдайды және бәрін естиді.
  • Бас ойлайды.

2) Амандасу және ұйымдастыру

Мұғалім оқушылармен, қонақтармен және әріптестермен амандасып, оқушыларды орындарына отырғызады.

3) Тақырыпты анықтау: мақал-мәтелдер арқылы

Қазақша

  • Адамды еңбек көркейтеді.
  • Бақыт кілті — еңбекте.
  • Шеберлікке шек жоқ.
  • Еңбек ет те, міндет ет.

Орысша аудармасы

  • Человека труд красит.
  • Ключ к счастью — в труде.
  • Мастерству нет предела.
  • Сперва потрудись, потом возгордись.

Талқылауға арналған сұрақтар

  • Бұл мақал-мәтелдер не туралы айтады?
  • Бүгін сабақта қандай тақырыпты қайталаймыз?
  • Біз не істейміз және не туралы сөйлесеміз?
  • Сабақ соңында нені білеміз?

Мұғалім оқушыларға сәттілік тілейді және бүгін әркім өз жұмысына да, жолдасының жұмысына да баға беретінін ескертеді.

Өзін-өзі және өзара бағалау

Оқушыларда бағалау парақтары болады: «Менің бағам», «Досымның бағасы», «Мұғалімнің бағасы».

«Бағдаршам» әдісі

  • Тапсырманы түсіндім — жасыл түсті көтеремін.
  • Толық түсінбедім — сары түсті көтеремін (қайта түсіндіру қажет).
  • Түсінбедім — қызыл түсті көтеремін.

4) Деңгейлік сұрақтар (жұлдыздар)

Тақтадағы жұлдыздар сұрақтың деңгейін білдіреді: сары — жеңіл, көк — орташа, қызыл — күрделі.

Жеңіл деңгей

  1. Сен қандай мамандықтарды білесің?
  2. Мамандықтарды ата.

Орташа деңгей

  1. Құрылысшылар не салады?
  2. Мамандық атауы жасалу үшін қандай жұрнақтар керек?

Ескерту: -шы, -ші жұрнақтары мамандық атауларын жасауға қолданылады.

Күрделі деңгей

Неге наубайшы мамандығы адамдарға қажет?

Өйткені бұл өте маңызды мамандық. Наубайшы нан пісіреді, ал нан адамдарға күнделікті қажет.

Неге аспаз мамандығы адамдарға қажет?

Өйткені аспаз адамдарға тамақ дайындайды. Дәмді әрі пайдалы ас — әр адамның қажеттілігі.