Қазақша рефераттар

Тақтамен тексеру

Сабақ туралы қысқаша мәлімет

Пәні мен сыныбы

Қазақ тілі, 4-сынып

Тақырып

Сан есім туралы бұрынғы білімді еске түсіру және бекіту

Әдіс-тәсілдер

Талдау–жинақтау, көрнекілік, СТО, АКТ

Ресурстар

А3 қағаз, маркер, желім, қима суреттер, ЦОР

Сабақтың мақсаттары

1) Білімді тереңдету

Оқушылардың 2-сыныпта алған сан есім туралы білімін жүйелеп, әрі қарай тереңдетуге жағдай жасау.

2) Ойлау мен сөйлеуді дамыту

Өз бетімен жұмыс арқылы теориялық ойлауды, дәлелдеп сөйлеуді және тіл мәдениетін дамыту.

3) Тәрбиелік бағыт

Ұйымшылдыққа, достыққа және адамгершілікке тәрбиелеу.

Өзін-өзі бағалау критерийлері

  • Жауаптың толық әрі дұрыс болуы
  • Сыныптың «Алтын ережесінің» сақталуы

Сабақтың құрылымы

I. Ұйымдастыру кезеңі

  • Оқушыларды топқа бөлу.
  • «Алтын ережені» еске түсіру.
  • Сабаққа сәттілік тілеу.
  • Сабақтың тақырыбы мен мақсаттарын таныстыру.

II. Ой шақыру

Талқылау сұрақтары

  • Сан есім туралы не білеміз?
  • Түрлері, анықтамасы, мысалдар.
  • Сан есімнің басқа сөздермен байланысын анықтау.

Шығармашылық тапсырмалар

  • Әр қатар жұмбақ, мақал-мәтел, жаңылтпаш айтып, талдау жасау.

III. Білімді тексеру және бекіту (жұптық жұмыс)

1-тапсырма

Бағалау: 3 ұпай (қате болса — 2 ұпай)

Оқулықтағы 2-жаттығуды оқу. Барлығы орындап болған соң талдау жасалады, дұрыстығы тақта арқылы тексеріледі және ұпай белгіленеді.

Мәтін: уақыт өлшемі

Бір жылда он екі ай бар. Бір айда отыз күн, төрт апта болады. Әр аптада жеті тәулік бар. Әр тәулікте жиырма төрт сағат, бір сағатта алпыс минут бар.

2-тапсырма

Бағалау: 4 ұпай (қате болса — 3 ұпай)

Оқулықтағы 3-жаттығу бойынша бір оқушы тақтада орындайды. Сан есімді тауып, сұрақ қою арқылы байланысқан сөзін анықтап, сөз тіркестерін жазу. Тақтадағы жұмыс тексеріліп, ұпай қойылады.

Үлгілер

  • төрт мың шақырым
  • он екі сағат
  • сегіз сағат
  • жүз сексен жолаушы
  • үш жүз жолаушы
  • үш-төрт сағатта

Негізгі қорытынды

Сан есім көбіне зат есіммен байланысады, өйткені ол заттың санын білдіреді.

3-тапсырма

Бағалау: 3 ұпай (қате болса — 2 ұпай)

Мақал-мәтелдерді оқып, мағынасын түсіндіру. Құрамындағы сан есімді сөзбен жазып, көшіріп жазу. Тақтамен тексеру және ұпай белгілеу.

Мақал-мәтелдер

  • Мыңның жүзін білгенше, бірдің атын біл.
  • Тоқсан сөздің тобықтай түйіні бар.
  • Отыз тістен шыққан сөз, отыз руға тарайды.

Өзіндік талдау

  • Жалпы ұпай санын шығару.
  • «Қанша ұпай жинадың? Қай жерде қателестің? Қатеңді түсіндің бе?» сұрақтары бойынша кері байланыс алу.

IV. Сергіту сәті

Ойын: «Бір әріптен басталатын сөйлем». 1-ден 10-ға дейінгі сандарға сәйкес, сол санның атауының алғашқы әрпінен басталатын сөздермен сөйлем құрап айту.

Мысалдар

  • 2 — Екі егінші егін екті.
  • 1, 3, 4 — оқушылар өз нұсқаларын құрастырады.

Тәртіпке шақыру

Қол шапалақтау арқылы сыныпты тыныштыққа шақыру және келесі тапсырмаға назар аударту.

V. Рефлексия

Кері байланыс тапсырмасы

Бүгінгі сабақтан алған әсерлеріңді, тілектеріңді және не ұнағанын қысқаша жазып, тақтаға ілу.

Үй тапсырмасы

Әркім өз пәтеріндегі жиһаздардың және адамдардың санын анықтап, сан есім қатысқан сөз тіркестерін жазып келу.