Жоғалған сандарды тап

Сабақтың тақырыбы: 7 саны (шебер класс)

Сабақтың мақсаты

Балаларды 7 санының құрамымен таныстыру.
Қосу мен азайту амалдарын қолдана отырып, тура және кері санауға жаттықтыру.
Логикалық ойлау қабілеттерін дамыту.

Кіріспе: ертегі әлемінен бастаймыз

Балалар ертегі тыңдағанды жақсы көреді. Біз көп ертегілермен таныспыз. Суреттер арқылы қандай ертегілерді тануға болады?

Ертегілер

Мақта қыз бен мысық
Бауырсақ
Маша мен аю
Алтын сақа
Жеті лақ

«Жеті лақ» кейіпкерлері

Қасқыр, ешкі және жеті лақ.

Оқиға желісі

Ешкі лақтарымен орманда серуендеп жүргенде, лақтары көбелек қуып ойнап жүріп анасынан адасып қалады. Біздің міндетіміз — тапсырмаларды орындап, лақтарды табуға көмектесу.

Тапсырмалар жүйесі: 7 лақты табуға арналған қадамдар

1-тапсырма: Сандарды сана

Санау

Тура және кері санау.
Көзбен санау.
Сандарды қазақша, орысша, ағылшынша айту.

Орындаған балаға боялмаған лақтың суреті беріледі. Ермексазды жіңішке, ұзынша етіп шиыршықтау тапсырылады.

2-тапсырма: Жоғалған сандарды тап

Зейін

Орындаған балаға сұйық ермексаз арқылы боялмаған лақтың суретін бояу ұсынылады.

3-тапсырма: Логикалық есептер

Логика

Есеп 1

Орманда аңдар арасында жүгіруден жарыс өткізілді. Жүгіруге қоян, балық, түлкі дайындалыпты. Осы жарыста балық нешінші болып келеді? (Балық жүгіре алмайды.)

Есеп 2

Бес қонжық орманға бара жатты қорбаңдап. Бірі олардың шаршады, әрі қарай бармады. Қанша қонжық кетті алда? (4)

Есеп 3

Ұлпа жүнін қыздырып, күн шуақта бір күшік отыр еді. Маңына келді тағы төрт күшік. Нешеу болды, сана. (5)

Есеп 4

Ұяға құс тез ұшып келе ме, әлде жұлдызқұрт па? (Құс)

Орындаған балаға боялмаған лақтың суреті беріліп, желім арқылы жіппен орындалатын жұмыс тапсырылады.

4-тапсырма: Көршілес сандарды тап

Сандар

Орындаған балаға мақтамен жұмыс ұсынылады: боялмаған лақты мақтамен желім арқылы жапсыру.

5-тапсырма: Сөздік ойын

Тіл дамыту

Екі бірден көп, ал бір — ...
Сен аяғыңмен жүресің, ал затты немен ұстайсың? — ...
Тышқан мысықтан кіші болса, онда мысық тышқаннан — ...
Егер үстел орындықтан биік болса, орындық үстелден — ...
Тас мақтадан ауыр болса, мақта тастан — ...
Кітап қалың болса, ал дәптер — ...

Орындаған балаға «жасанды қармен» жапсыру жұмысы беріледі: шпагат жіпті ұсақтап қиып, желім арқылы жапсыру.

6-тапсырма: Қандай пішіндерге ұқсайды?

Пішін

Орындаған балаға фольга қағазымен жұмыс тапсырылады.

7-тапсырма: Сандарды салыстыру

Салыстыру

Орындаған балаға ұсақ қиылған қағаздармен (салфетка) лақты жіп пен желім арқылы жапсыру ұсынылады.

Нәтиже

Осылайша біз ешкінің жеті лағын түгел таптық. Енді лақтарды тура және кері санап шығамыз.

7 саны: мағынасы, қолданысы, құрамы

Киелі ұғым

Қазақ халқында 7 саны киелі сан ретінде танылады және күнделікті өмірде жиі қолданылады:

Жеті қазына
Жеті нан
Жеті ата
Жеті апта

7 санының құрамы

7 санының құрамын табу, қарапайым есептер шығару арқылы бекітіледі.

1 + 6

2 + 5

3 + 4

4 + 3

5 + 2

6 + 1

7 саны неге ұқсайды?

Балалардың жауаптары арқылы ұқсастық табу: шалғыға, туфлиге, шұлыққа.

Тәуелсіздік мерекесіне байланысты шығармашылық жұмыс

Сұрақ-жауап

Біз қандай мерекені атап өтеміз? — Қазақстан Республикасының тәуелсіздігіне 25 жыл.
«Қазақстан Республикасы» дегенде көз алдымызға не елестейді? — Көк аспанда желбіреген көк ту.

Туды бояу әдісі

Ақ бетке тудың боялмаған суретін дайындау.
Суреті бар ақ бетті файлдың ішіне салу.
Файлдың сыртына көк және сары түсті сұйық бояуды жағып, туды бояу.
Бояу сұйық болғандықтан 3–4 сағат кептіру.
Кепкен соң суретті файл бетінен құрғақтай алып, таза ақ бетке орналастыру.

Нәтижесінде тудың бейнесі анық әрі әдемі шығады.

Қорытынды ой

Балалар 7 санын шалғыға, туфлиге, шұлыққа ұқсатты. Ал көк ту да біз үшін қастерлі. Көк аспанда желбіреген көк туымызды мен киелі 7 санына ұқсатамын — бұл ұқсастық балалардың ойлауын тереңдетеді.

Қорытынды

Балалар, тәуелсіздік мерекелеріңмен құттықтаймын! Бүгін сендер 7 санының құрамын қайталап, тура және кері санауды орындап, логикалық тапсырмалар арқылы тапқырлықтарыңды көрсеттіңдер. Рахмет!

Ендеше бір-бірімізге қол соғып, еңбегімізді бағалайық.

Автор туралы

Ақтөбе облысы, Шалқар ауданы, №12 бөбекжай-бақшасы тәрбиешісі, I санатты тәрбиеші — Аманғожина Халима Әлжанқызы.

Материалдар

«7 саны (шебер класс)» материалы
«7 саны (шебер класс)» слайдтары