Алтын қақпа Білім еліне саяхат Ақын - жазушылар ауылы
Сабақ: «Жақсы ай мен күндей» тарауын қорытындылау
Бұл сабақ «Жақсы ай мен күндей» атты үлкен тарауды аяқтауға арналған. Оқушылар тарау бойынша алған білімін толықтырып, жүйелеп, өз ойларын еркін әрі дәл жеткізуге дағдыланады. Сабақ форматы — «Білім еліне саяхат» түріндегі қайталау сабағы.
Сабақтың түрі
Қайталау сабағы
Көрнекіліктер
Компьютер, интерактивті тақта
Әдіс-тәсілдер
- СТО (сын тұрғысынан ойлау)
- Көрнекілік және сөздік әдістер
- Кесте, сұрақ-жауап
- Шығармашылық тапсырмалар
Сабақтың мақсаттары
1) Танымдық және рухани бағыт
Оқушылардың әдебиетке қызығушылығын арттыру; тарау бойынша алған білімін өз сөздерімен қорытындылап, жан-жақты жеткізуге үйрету. Халқымыздың рухани байлығын бойына сіңіріп, ұлттық дәстүрден үлгі алуға баулу.
2) Ойлау мен шығармашылық
Ойлау дағдысын дамыту, шығармашылық қабілетін шыңдау, сөйлеу шеберлігін жетілдіру.
3) Тұлғалық тәрбие
Адамгершілік қасиеттерді қалыптастырып, ХХІ ғасырдың саналы, ізетті, көпқырлы әрі мәдениетті азаматы ретінде тәрбиелеу.
Сабақтың құрылымы: «Білім еліне саяхат»
Саяхатымызды бастау үшін «Алтын қақпадан» өтуіміз керек. Ол үшін үй тапсырмасы тексеріліп, тарауда нені үйренгеніміз және алдағы уақытта нені білгіміз келетіні туралы ой бөлісеміз.
І. Ұйымдастыру
Сабаққа дайындық, мақсатпен таныстыру, топқа бөліну.
ІІ. Үй тапсырмасын тексеру («Алтын қақпа»)
Осы бөлімде нені үйрендім?
Нені оқып, білгім келеді?
ІІІ. «Ақын-жазушылар ауылы»
Осы тарауда өткен ақын-жазушылар туралы білімімізді ортаға саламыз. Топ басшылары рефераттар мен слайдтар бойынша қорғайды.
- Абай Құнанбаев
- Ыбырай Алтынсарин
- Шоқан Уәлиханов
IV. «Оқырмандар ауылы»
І топ
Сауалнама сұрақтарына жауап береді.
ІІ топ
Тірек сызба бойынша сұрақтарға жауап береді.
V. «Шешендер ауылы»
І топ
«Мың бір мақал» ойынын ойнайды.
ІІ топ
Тараудағы жаңа сөздерді қайталайды.
Сөздікпен жұмыс
- Риторика
- Шешендік өнер.
- Алаша
- Қой жүнінен тоқылған төсеніш.
- Шалғын
- Шөп шабатын жер.
- Аптап
- Ыстық, шақырайған ыстық ауа райы.
- Ділдә
- Алтын ақша.
VI. «Әншілер, күйшілер, сазгерлер ауылы»
- Құрманғазы Сағырбаевтың «Сарыарқа» күйін тыңдау.
- «Шал мен бала» мәтінінен үзінді сахналау.
- Шәмші Қалдаяқовтың әндерін үнтаспадан тыңдау.
VII. «Билер ауылы»
Билер — әділ, тапқыр, ақылды, шешен тұлғалар. Олар ел ішіндегі дау-дамайды дұрыс шешіп, халық бірлігін сақтауға қызмет еткен. Бұл бөлімде екі топ пікірталас өткізеді.
І топтың ұстанымы
«Жақсылыққа — жақсылық бар»
ІІ топтың ұстанымы
«Жамандыққа — жақсылық бар»
VIII. «Білгірлер ауылы» (Кубизм әдісі)
Кубизм әдісі арқылы тарауды жинақтап, негізгі ойды жүйелейміз.
- Біз қандай тарауды аяқтадық?
- Қандай ақын-жазушылардың өмірінен үзінділер оқыдық?
- Қандай әнші, күйші, сазгерлермен таныстық?
- Осы бөлімде ақын-жазушылар мен ағартушылардың өнегелі өмірінен үлгі алдық. Болашақта қандай тұлға болғымыз келеді?
IX. Үй тапсырмасы
Оқып келу:
Ыбырай Алтынсариннің еңбек туралы жазған әңгімелері.