Дарынды балалармен жүргізілетін жұмыстың түрлері
Мақсаты
Табиғи дарындылығы мен қабілеті бар оқушыларды анықтау; олардың бейімі мен қызығушылығына сай білім, білік, дағдыларын жетілдіру; шығармашылық әлеуетін дамытып, шыңдау; ғылым жолына бағыт-бағдар беру және жеке потенциалын толық іске асыруына жүйелі қолдау көрсету.
Міндеттері
- 1 Дарынды балалармен жұмыс жүргізетін педагогтерді нормативтік-құқықтық құжаттармен қамтамасыз ету.
- 2 Мектеп оқушылары арасынан табиғи қабілеті бар оқушыларды анықтап, олардың ішінен дарынды оқушыларды айқындау.
- 3 Мектептің білім беру ортасында дарынды және қабілетті балалардың дамуына қолайлы жағдай жасау.
- 4 Дарынды балаларды дамыту және қолдау көрсету: білімін көрсетуі үшін пән олимпиадаларына, ғылыми жоба қорғау сайыстарына, интеллектуалдық және шығармашылық байқауларға қатыстыру.
- 5 Оқушылардың өзіндік ойлауын, шығармашылығын, белсенділігін дамыту және ынтасын арттыру мақсатында оқыту мен оқудағы жаңа әдіс-тәсілдер мен инновациялық технологияларды жүйелі қолдану.
Негізгі қағидалары
Даму мүмкіндіктерін кеңейту
- Жеке тұлғаның дамуына әртүрлі мүмкіндік беру.
- Оза және дамыта оқыту қағидаларын ұстану.
- Жекелей және саралап оқыту принциптерін қолдану.
Қауіпсіз және қолайлы орта
- Кез келген жағдайда оқушының өзін еркін әрі жайлы сезінуіне жағдай жасау.
- Оқушылардың бірлесе жұмыс істеуіне мүмкіндік беру.
- Төзімділік пен құрметке негізделген қарым-қатынас мәдениетін қалыптастыру.
Таңдау еркіндігі
- Қызығушылығы мен бейіміне қарай қосымша курстарды таңдау құқығын беру.
- Сыныптан тыс әрекеттің рөлін арттыру.
Ынтымақтастық нәтижелілігі
- Оқушы мен мұғалім арасындағы ынтымақтастыққа негізделген жұмыстың тиімділігін арттыру.
Дарындылық бағыттары және дамыту жолдары
1) Жалпы интеллектуалдық дарындылық
Ғылыми қоғам бағыттары: «Дарын» (8–11 сыныптар), «Зерде» (1–7 сыныптар).
- Пәндік олимпиадалар мен жарыстарға қатыстыру.
- Қашықтан оқыту олимпиадаларына қатыстыру.
- Интеллектуалдық және шығармашылық байқауларға қатыстыру.
- Мектепішілік оқушылардың ғылыми қоғамына мүшелікке тарту.
2) Көркемдік-шығармашылық дарындылық
- Қызығушылықтарына сай үйірмелерге тарту және түрлі конкурстарға қатыстыру.
- Концерттерге, фестивальдерге, көрмелерге қатысуын ұйымдастыру.
3) Спорттық дарындылық
- Спорт секцияларына жүйелі қатысуын қамтамасыз ету.
- Жарыстарға, оқу-жаттығу жиындарына қатыстыру.
Жұмыс түрлері
Оқыту форматы
- Дарынды оқушылармен топтық және жеке жұмыс жүргізу.
- Мектеп компоненті есебінен факультатив сабақтар ұйымдастыру.
- Оқушы компоненті бойынша әртүрлі пәндерден таңдау курстарын өткізу.
Сыныптан тыс қолдау
- Қызығушылығына қарай үйірмелер мен спорт секцияларына қатыстыру.
- Интеллектуалдық, шығармашылық және спорттық сайыстар өткізу (тақырыптық сурет көрмелері, мәнерлеп оқу сайыстары, «Жобалар апталығы», «Алтын оймақ» және т.б.).
- Ғылыми-практикалық конференциялар мен зерттеу-шығармашылық байқаулар ұйымдастыру.