Ономастикалық жұмыс және талдау бөлімі туралы ереже

Жалпы ережелер
1.Бөлім “Шығыс Қазақстан облысының тілдерді дамыту жөніндегі” мемлекеттік мекеменің құрылымдық бөлімшесі болып табылады, тікелей басқарма бастығына бағынады.
2. Өзінің қызметінде Қазақстан Республикасының Конституциясын, Бюджеттік Кодексті,Қазақстан республикасының заңдарын, Қазақстан Республикасы Президенті және Үкіметінің, облыс әкімі мен әкімдіктің нормативтік – құқықтық актілерін, сонымен қоса осы ережені басшылыққа алады.
2. Бөлімнің негізгі масаттары мен қызметтері және құқықтары
3. Бөлімнің негізгі мақсат:
a. тілдерді қолдану мен дамытудың Мемлекеттік бағдарламасын іске асыру, облыстағы тілдік ахуалдың жағдайы және дамуына талдау жасау, Қазақстан Республикасындағы мемлекеттік ономастикалық жұмыс тұжырымдамасынан туындайтын міндеттерді іске асыру.
4. Бөлім өзіне жүктелген міндеттерге сәйкес келесі қызметтерді атқарады:
Қазақстан Республикасы “ҚР тіл туралы” Заңының орындалуын ұйымдастыру және бақылау жасауды қамтамасыз етеді, ономастикалық комиссиялардың жұмысын үйлестіреді, мемлекеттік ономастикалық жұмыс бағдарламасының орындалуына бақылау жасайды;
1) Облыстық ономастика комиссия қызметін үйлестіруді қамтамасыз етеді, қалалық, аудандық ономастика комиссияларымен байланыс орнатады;
2) облыстық ономастика комиссиясына келіп түскен материалдардың уақытында қаралуын, олар жөнінде негізделген қорытындылар қабылдануын, осы материалдарды Қазақстан Республикасы Үкіметінің жанындағы мемлекеттік ономастика комиссиясына одан ары қаралуына және қорытынды шешім қабылдауына жіберуді қамтамасыз етеді;
3) Бөлім қарауына келіп түскен өтініш берушілердің хаттарымен жұмыс және оларға жазбаша жауап беру;
4) Облыстағы тіл ахуалының жағдайына және дамуына мониторинг жасау, социологиялық зерттеу базасы негізінде талдау материалдарын дайындау, ономастикалық жұмыстың жағдайы мен дамуы туралы мәліметтерді қоса отырып облыстағы тілдік ахуалды зерттеу бойынша деректер базасын құру;
6) тілдерді дамыту саласында іс-шараларды іске асыруды қамтамасыз ету, тілдерді дамыту және ономастикалық жұмыс мәселелері бойынша қоғамдық пікірді зерделейді;
7). Ғалымдармен, ғылыми орталықтармен, жоғарғы оқу орындармен қарым – қатынас орнату, ізденіс және ғылыми жұмысты іске асыру, географиялық, әкімшілік – аумақтық нысандардың атауларының өзгергені жөнінде мәліметтерді табу мен тіркеу;
8) Облыстың ғылыми орталықтары мен бірге түбі қазақша топонимдердің есебі мен жүйеленуін жүргізу;
9) Ежелгі халықтық және тарихи қалыптасқан атауларға тұрғындардың құрметпен қарау қатынасын қалыптастыру мақсатында ономастика мәселелері жөнінде мерзімді баспада материалдар жариялау;
10) Нысандарды, сыртқы ақпараттық жарнамаларды, маңдайшаларды көркем безендіру барысында тіл мәдениетін жетілдіру жөнінде ұсыныстар әзірлеуді жүргізеді;
11) Жоғары тұрған ұйымдардың ономастика мәселелері жөніндегі бақылауда тұрған құжаттары бойынша ақпараттық материалдарды уақытында дайындауды қамтамасыз етеді.
5. Негізгі міндеттерді және өзінің қызметін іске асыру үшін бөлімнің:
1) өзінің құзіреті шеңберінде жұмыс істеу үшін заңды тұлғалардан қажетті мәліметтерді сұрауға;
2) бөлімнің қызметіне байланысты басқарма бастығының бұйрықтар жобасымен танысуға;
3) қаржы бөлімінің қызметіне байланысты құжаттар жобасын дайындауға қатысуға;
4) осы ережеде қарастырылған міндеттерге байланысты, жұмысты жетілдіру жөнінде, басшылықтың қарауына ұсыныстар енгізуге;
5) бөлімнің құзырына кіретін мәселелер бойынша басқарма бастығынан ақпараттар мен құжаттарды алуға құқығы бар.
Тілдерді дамыту және үйлестіру жұмыстары бөлімі туралы жалпы ережелер
1. Бөлім “Шығыс Қазақстан облысының тілдерді дамыту жөніндегі басқармасы” мемлекеттік мекемесінің құрылымдық бөлімшесі болып табылады және тікелей басқарма бастығына бағынады.
Өз қызметінде Қазақстан Республикасының заңдарын, Қазақстан Республикасы Президенті мен Үкіметінің актілерін, әкімдіктің қаулылары мен облыс әкімінің шешімдерін және осы ережені басшылыққа алады.