Қазақша рефераттар

Сиырдың пайдасы

Ақтөбе облысы, Ақтөбе қаласы

«Сымбат» жеке мектебі

Мұғалім

Макуова Нуршат Аманқосовна

Бастауыш сынып мұғалімі

Сабақ тақырыбы

Жаттығу жұмысы: 30–31. «Сиыр»

Сабақ түрі

Аралас сабақ

Пән аралық байланыс

Математика

Көрнекіліктер

  • Қадыр Мырза Әлидің суреті
  • Сиыр бейнесі
  • Телефон
  • Мүйіз

Сабақтың мақсаты

Негізгі мақсат

Жуан дыбыстар туралы білімін жетілдіру.

Білімділік

  • «Сиыр» өлеңінің мазмұнымен таныстыру.
  • Сиыр малы туралы түсінігін кеңейту.
  • Сиырдың ерекше қасиеттері мен пайдасын айту.
  • Жаңылтпаш, мақал-мәтелдер, ырым-тыйымдарды айту және мағынасын ашу.

Дамытушылық және тәрбиелік

  • Өлеңді мәнерлеп оқуға, мазмұнын айтуға төселдіру.
  • Сөздік қорын және танымдық қабілетін дамыту.
  • Малды сүюге, малға қамқорлық жасауға тәрбиелеу.
  • Әдемі, таза, сауатты жазуға баулу.

Әдіс-тәсілдер

Түсіндіру, сұрақ-жауап, топтастыру.

Сабақтың барысы

I. Ұйымдастыру кезеңі

Оқушыларға бүгінгі сабақтың ерекше екенін және сабаққа қонақ ұстаздардың қатысып отырғанын айту.

Психологиялық дайындық

Қане, алға қарайық, Сабаққа зер салайық. Жақсы оқып сабақты, Бүгін 5-тік алайық!

Ойын: «Сиқырлы телефон»

3-ті қосу және 3-ті азайтуға байланысты есептер шығару.

  • 3 + 3 = 6
  • 4 + 3 = 7
  • 7 − 3 = 4
  • 5 − 3 = 2

Телефонға жазылған сандар

6 7 4 2

Мағынасын ашу: «сиыр».

II. Жаңа сабақ

Бүгінгі сабақтың тақырыбы: Жаттығу жұмысы: «Сиыр».

Сұрақ-жауап

  • Сиыр туралы не білеміз?
  • Сиырдың қандай пайдасы бар?

Сиырдың пайдасы

еті сүті айраны қаймағы майы құрты

Сиырдың терісінен ат әбзелдерін жасаған, жүн сабауға тулақ ретінде пайдаланған. Ал мүйізінен тісі жиі тарақтар жасаған.

III. Оқулықпен жұмыс

Автормен таныстыру

Қадыр Мырза Әли — қазақтың көрнекті ақындарының бірі.

Өлеңмен жұмыс

  • Өлеңді оқу, мағынасын ашу.
  • Өлеңді оқыту: хормен және жеке.

Сөздік жұмыс

Шүйгін — құнарлы, отты, шөбі көп жер.

IV. Үлестірмелі карточкалармен жұмыс

  1. Сиырды қалай шақырады?
  2. Сиырдың төлін ата.
  3. Сиырдың атасын ата.
  4. Сиыр туралы әңгіме құра.

V. Сергіту сәті

Қимыл-қозғалыс

Оң қолыңды дөңгелет.

Жаңылтпаш

  • Оқушыларға жаңылтпашты оқыту (сурет бойынша мағынасын түсіндіру).
  • Оқыту түрлері: хормен және жеке.
  • Жаңылтпашты жатқа айтқызу.

I қатар

Мақал-мәтелдер айту.

II қатар

Ырымдар айту.

III қатар

Тыйым сөздер айту.

VI. Дәптермен жұмыс

31-жаттығу (жазбаша)

Жоғалған әріпті тап.

Жұмбақ

Қ....яды екен әр шаруа, Қазығ...на құт байлап, Қанша қ. ...йып алсаң да, Сарқылм. ...йды сүт, қаймақ.

Жауабы: сиыр.

VII. Шығармашылық жұмыс

Буын ұйқасы

Дауыстылар: а, о, ұ, ы.

Ақ, ақ, ақ, Қандай тәтті балмұздақ.

Жуан дауысты дыбыстарды табу

«Бал-мұз-дақ» сөзіндегі жуан дауысты дыбыстарды анықтау.

Сөйлем құрастыру

Тақтада сөйлем құрату.

Мысал: Мен балмұздақ жедім.

1 сөйлем, 3 сөз.

VIII. Қорытынды

  • Бүгінгі сабақта қандай өлеңмен таныстық?
  • Өлең не туралы?
  • Сиырдың қандай пайдасы бар?
  • Жуан дауыстыларды атаңдар.
  • Барлығы нешеу?

IX. Үй тапсырмасы

  1. «Сиыр» өлеңін жаттау.
  2. 30-жаттығуды көшіріп жазу.
  3. Жуан дауысты дыбыстардың астын сызу.

X. Бағалау

Оқушылардың жұмысына сәйкес тиісті бағаларын қою.