Қазақша рефераттар

Кім тез

«Менің Отаным – Қазақстан» тарихи-танымдық ойын

Тақырыбы

Отаным менің – Қазақстан

Мақсаты

  • Білімділік: Қазақстан тарихы пәнінен алған білімдерін толықтыру, танымдық белсенділігін арттыру.
  • Дамытушылық: пәнге қызығушылығын күшейту, логикалық ойлау қабілетін дамыту.
  • Тәрбиелік: ел тарихын құрметтеуге тәрбиелеу, оқушылардың бойында патриоттық сезімді ояту.

Ойын форматы

Интеллектуалды сайыс, 6 кезеңнен тұрады.

Бағалау

Әр дұрыс жауап 1 ұпаймен бағаланады.

Ойын барысы

Жүргізушінің кіріспе сөзі

Қайырлы күн, ұстаздар мен оқушылар! «Отаным менің – Қазақстан» интеллектуалды ойынына қош келдіңіздер! Алдымен ойын шарттарымен таныстырайын: ойын 6 кезеңнен тұрады.

Кезеңдер тізімі

  1. 1 «Жүзден жүйрік, мыңнан тұлпар»
  2. 2 «Самғау» (шарықтау)
  3. 3 «Тұлғаны таны»
  4. 4 «Тарихи криптограмма»
  5. 5 «Кім тез?»
  6. 6 Пікірталас

I кезең: «Жүзден жүйрік, мыңнан тұлпар»

Бірінші кезеңде үш топқа сұрақтар қойылады. Әр дұрыс жауап 1 ұпай.

Ескерту

Төменде I кезеңге арналған сұрақтар мен жауап нұсқалары берілген.

I кезең сұрақтары (3 бағыт)

I топ: Алғашқы адамдар

Тақырып: Қазақстандағы алғашқы қауым және тас дәуірі

1) Қазақстанда алғашқы адамдар қашан пайда болды?
Жауабы: шамамен 1 млн жыл бұрын.
2) Алғашқы адамдар өмір сүрген кезеңдегі қоғамдық құрылыс қалай аталады?
Жауабы: алғашқы қауымдық құрылыс.
3) Тарих ғылымында ежелгі тас ғасыры қалай аталады?
Жауабы: палеолит.
4) Қазіргі адамдарға ұқсас адамдар қалай аталды?
Жауабы: саналы адам (кроманьондық).
5) Алғашқы адамдар табиғаттың дайын өнімдерін теріп, азық етті. Бұл кәсіп қалай аталды?
Жауабы: терімшілік.
6) Алғашқы адамдардың даму сатыларын ата.
Жауабы: епті адам, тік жүретін адам, саналы адам.
7) Еңбек құралдарының үлгілерін ата (мысалы).
Жауабы: үшкір таяқ, тас кескіш, қырғыш, шапқы және т.б.
8) Тарихта қай дәуір ең ұзаққа созылды?
Жауабы: тас дәуірі.

II топ: Қазақ хандығы

Тақырып: Мемлекеттік құрылым, дәстүр, заң

1) Қазақ хандығы қашан құрылды?
Жауабы: 1465–1466 жж.
2) Қазақ хандығының мемлекеттік құрылымын ата.
Жауабы: ауыл – ата – аймақ – ру – арыс – ұлыс – жүз – хандық.
3) «Ханталапай» қандай дәстүр?
Жауабы: хан сайлау кезінде малын бөліп алу дәстүрі.
4) «Жеті жарғы» заңдар жинағы қай ханның тұсында жасалды?
Жауабы: Тәуке хан.
5) Жоңғарларға соққы беріп, олардың мемлекет ретінде тарих сахнасынан жойылуына үлес қосқан хан кім?
Жауабы: Абылай хан.
6) Хан болып сайлану талаптарын ата.
Жауабы: Шыңғыс хан ұрпақтары (сұлтандар, шонжарлар әулеті).
7) Қай ханның тұсында қазақ жері кеңейіп, қазақ мемлекеті өрледі?
Жауабы: Қасым хан.
8) XVI–XVII ғасырларда Қазақ хандығында мал бағудың қандай жүйесі қолданылды?
Жауабы: қыстау, күздеу, жайлау, көктеу.

III топ: Ұлы Отан соғысы

Тақырып: Майдан, тыл, қаһармандар

1) Фашистік Германияның КСРО-ға шабуыл жасау мақсаты қандай болды?
Жауабы: КСРО-ны бөлшектеп, өзіне бағындыру.
2) Фашистер жоспары бойынша Қазақстан қандай отар бірлестіктің құрамына кіруге тиіс болды?
Жауабы: «Үлкен Түркістан».
3) Ж. Жабаев Ленинградтықтарға арнап қандай жыр жазды? Қай жылы?
Жауабы: «Ленинградтық өренім», 1941 ж.
4) Ұлы Отан соғысына қанша қазақстандық аттанды?
Жауабы: 1 млн 200 мың.
5) Днепр үшін ұрыстарда 18 жасында Кеңес Одағының Батыры атанған ең жас қазақстандық кім?
Жауабы: Ж. Елеусізов.
6) Каспий өңіріне соғыс жағдайы қай жылы енгізілді?
Жауабы: 1942 ж.
7) «Ресей кең-байтақ, бірақ шегінерге жер жоқ, артымызда Мәскеу!» деген сөзді айтқан саяси жетекші кім?
Жауабы: Клочков.
8) Ленинград үшін шайқаста кеудесін оққа тосқан қазақстандық батыр кім?
Жауабы: С. Баймағамбетов.
9) Неміс фашистері КСРО-ға неше бағытта шабуыл жасады?
Жауабы: 3 бағытта.
10) Мәлік Ғабдуллин қай шайқасқа қатысқаны үшін Кеңес Одағының Батыры атағын алды?
Жауабы: Мәскеу үшін шайқас.

Қорытынды

Бұл тарихи-танымдық ойын оқушылардың Қазақстан тарихы бойынша білімін жүйелеуге, ойлау дағдыларын дамытуға және отансүйгіштік құндылықтарды нығайтуға бағытталған.