Оқушы меңгерукерек

Қайталау Жеке практикум Қорытынды сабақ

Құрама, шартты, таңдау және цикл операторларын бағдарлама құруда қолдану

Бұл сабақта Delphi бағдарламалау тілінде құрама, шартты, таңдау және цикл операторларын пайдаланып нақты бағдарламалар құру жолдары жүйеленеді. Негізгі мақсат — өткен материалды қорытындылап, практика арқылы бекіту.

Сабақтың мақсаты

Білімділік: берілген операторларды қолдана отырып бағдарламалар құру жолдарын көрсету; Delphi тілінде нақты есептерге бағдарлама жазу.
Дамытушылық: жан-жақты ойлау қабілетін дамыту, өз бетімен жұмыс істеуге дағдыландыру.
Тәрбиелік: жеке және топпен жұмыс істеу дағдыларын қалыптастыру; ақпараттық құралдарды мақсатқа сай, мәдениетті қолдануға тәрбиелеу.

Күтілетін нәтижелер

Оқушы білуі қажет

Құрама, шартты, таңдау және цикл операторларының мәнін және қолданылу аймағын.

Оқушы меңгеруі керек

Осы операторлар бойынша берілген есептерге Delphi тілінде бағдарлама жазуды.

Сабақтың түрі

Пысықтау, жеке практикум, қорытынды сабақ.

Педагогикалық технология

Компьютерлік оқыту технологиясы (КОТ).

Әдіс-тәсілдер

Көрнекілік және иллюстрациялық әдіс
Сұрақ-жауап
Миға шабуыл
Проблемалық жағдай туғызу
Ой қорыту, тұжырым жасау, дәлелдеу

Қолданылатын құралдар мен көрнекіліктер

Техникалық құралдар

Интерактивті тақта, компьютерлер, проектор.

Оқу материалдары

Электрондық оқулықтар, слайдтар, тақта, кітаптар, таратпа материалдар.

Сабақтың барысы

I. Ұйымдастыру кезеңі

Сәлемдесу, сыныптың тазалығын тексеру, қауіпсіздік ережесіне сай сыртқы келбеті мен жеке заттарының реттелуін қадағалау.
Оқушыларды түгендеу және журналға белгі қою.
Оқушылардың назарын сабаққа аударып, сабақ жоспары мен кезеңдерін таныстыру.

II. Қызығушылықты ояту: өткен материалды шолу

Төмендегі сұрақтар арқылы негізгі ұғымдар еске түсіріледі және талқыланады:

Шартты оператор дегеніміз не?
Шартты операторларда қандай кілттік сөздер қолданылады?
If дегеніміз не?
Then дегеніміз не?
Таңдау операторы дегеніміз не?
Таңдау операторында қандай кілттік сөздер қолданылады?
Select Case жазылу тәртібі қандай?
Қайталау операторының түрлерін атаңыз.
Цикл дегеніміз не?
For параметрлі цикл операторы қай жағдайда қолданылады? Жазылу форматын көрсетіңіз.

III. Пысықтау: жеке практикум

Тапсырма

Button1 батырмасын басқанда, Edit1 өрісіндегі сан Edit2 өрісіндегі санға қосылып, нәтиже Label1 жазуына шығарылсын.

Шешімі (Delphi)

procedure TForm1.Button1Click(Sender: TObject);
var
  a, b, s: Integer;
begin
  a := StrToInt(Edit1.Text);
  b := StrToInt(Edit2.Text);
  s := a + b;
  Label1.Caption := IntToStr(s);
end;

Бұл мысалда StrToInt мәтінді санға түрлендіреді, ал IntToStr нәтиженi қайтадан мәтін түріне келтіріп, Label1.Caption арқылы экранға шығарады.