Әуенді тап

Құрметті ұстаздар, оқушылар, ата-аналар! Бүгін мектебімізде өтетін «Класс жетекші және оқушы» сайысына қош келдіңіздер.

Ұстазға тағзым

Ұстазым өркендеткен ой-өлкемді,

Өзіңнен арман-тұлпар өршеленді.

Елімнің азаматы, ардақтысы

Боп жүрсем, өзіңменен өлшенеді.

Ақылдың, адамдықтың асыл кенін,

Ұқтырған өмір сырын, ғасыр демін.

Ұстазым, құзырыңа бас иемін,

Қаншаға келсе-дағы жасым менің.

Енді бүгінгі кешіміздің шарттарымен таныстырып өтейік. Қатысушылар өздерін сазды әуен немесе сахналандырылған қойылым арқылы таныстырады.

Үміткерлер сынып мүшелері туралы мәлімет беретін көрме ұйымдастырып, оны таныстырады.

Қатысушылар өз өнерлерін көрсетеді. (Класс жетекшісі мен оқушы бірігіп өнер көрсетеді.)

Берілген жағдай бойынша жылдам әрі нақты шешім ұсыну, ой ұшқырлығын көрсету.

Әр сыныпқа 15 сұрақ қойылады. Жауапты мүмкіндігінше тез беру қажет.

Әуенді тыңдап, оның атауын немесе мазмұнын табу арқылы зейін мен есту қабілетін сынау.

Әр топ өздері алдын ала дайындап әкелген тағамдарын таныстырып, әңгіме айта жүріп, салат әзірлейді. Салат түрін топ мүшелері өздері таңдайды.

Көзінде жылылық бар, сөзінде ұлылық бар. Мінезін осы бастан-ақ ұғынып қал.

Орынсыз күлме. «Ойлана біл» дегенді ұмытпа. Сыйламай, ренжітіп жүрме.

Ұялтып, терлеткенде бетіне жел боп келме. Адамға мейіріммен қара.

Ержеткенде сағынып еске алатындай ізгілік қалдыр.

Сайысымыз білім мен өнерді ұштастырып, ұстаз бен оқушының бірлігін айқындайтын тағылымды кеш болсын!

Қатысушыларға сәттілік, көрерменге көтеріңкі көңіл күй тілейміз.