Қазақша рефераттар

Өнерлі қыз

Тәрбие сағатының мақсаты

Балаларды мейірімділікке тәрбиелеу, аналардың өлшеусіз еңбегін қадірлеуге баулу, сүйіспеншілікті арттыру, үлкенге ізет, кішіге үлгі бола білуге үйрету.

Бала бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыру.

Кіріспе сөз

Жүргізуші

Аналар, арулар, балабақша қызметкерлері! Бүгін 8 наурыз мерекесіне қош келдіңіздер! Ортамызға «Жауқазын» тобының бүлдіршіндерін шақырамыз.

«Бүгін наурыздың сегізі — сұлулықтың негізі. Әдемі сөз адамның анаға айтар лебізі». Осы орайда сөз кезегін балабақша меңгерушісі Б. Тойынбетқызына береміз.

Құттықтау өлеңі

Армысың, әжелерім, аналарым,

Мейірбан, аппақ көңіл даналарым.

Гүл көктемнің алғашқы мейрамымен

Құттықтайды сіздерді балаларың.

Балалардың аналарға арналған лебізі

  1. 1 Ринат: Ана — ең жақын әрі ең ыстық адам.
  2. 2 Раушан: Ана — ең аяулы жан.
  3. 3 Нұрасыл: Ана деген — өмірдің бәйтерегі.
  4. 4 Кәдөк: Ана деген — көңілдің қуанышы.
  5. 5 Әсет: Ана деген — әр үйдің жылуы.
  6. 6 Досбол: Ана деген — асыл жан, болаттай берік.
  7. 7 Ә. Нұрислам: Ана деген — бұлақтай мөлдір жан.
  8. 8 Ерхан: Ана — біздің елде ардақты адам.
  9. 9 Кәусар: Ана — өмір шуағы.

Аналарға құрмет

Дәйексөз

Елбасы Н. Ә. Назарбаев: «Шығыс халықтарының арасында, жалпы мұсылман әлемінде әйел затын ерекше бағалайтын, қарындасты қадірлейтін халықтың бірі де, бірегейі де — біздің қазақ», — деп аналарға деген құрметін білдірген.

Ізгі тілек

Құрметті аналар, әжелер, қадірлі қонақтар, қыздар және балабақша ұжымының апайлары! Сіздерді Халықаралық әйелдер күнімен құттықтаймыз.

  • Отбасыларыңызға бақыт, дендеріңізге саулық тілейміз.
  • Жүздеріңізден қуаныш пен шаттық кетпесін.
  • Бұл мереке тек игі жаңалықтар әкелсін.

«Жауқазын аруы» сайысы

Бүгін сіздерге арналған «Жауқазын аруы» атты сайысымызды тамашалаңыздар. Әділқазы алқасымен таныс болайық:

Әділқазы алқасы

  1. 1 Аты-жөні көрсетілмеген
  2. 2 Аты-жөні көрсетілмеген
  3. 3 Аты-жөні көрсетілмеген

Жүргізуші

Уа, халайық, халайық, мұнда назар салайық.

Мерекесі халықтың — ана тойын бастайық.

Осы тойға арналған «Жауқазын аруы» сайысын бастайық.

Аруларды таныстыру

Қайыргелді Ханшайым

Сөзі салмақты, ісі тиянақты, сымбатты қызымыз.

Қоянбаева Меруерт

Баппен сөйлеп, биязы күліп, жүзі жылы; өзі ұяң, тәтті мінезді нәзік қызымыз.

Жұмабек Аяулым

Сөзі өткір, өзі пысық, келбетті қызымыз.

Қоянбаева Сымбат

Әдепті, сұңғақ бойлы, терең ойлы қызымыз.

Сайыс шарттары

Кезеңдер

  1. 1 Сәлемдесу
  2. 2 Өз өнері
  3. 3 Тапқырлар, білгірлер
  4. 4 Жарнама
  5. 5 Сән үлгісі

Жүргізуші сөзі

Ал кімнің өнері бар қаншалықты,

Таныстырып өздерін ән салыпты.

Бүгінгі сайысымызда бәйге алуға,

Арулар аянбай-ақ жан салыпты.

Сәлемдесу (өзімен таныстыру)

Қайыргелді Ханшайым

Халқымның өнері мол, даласы кең.

«Алтынның сынығы да қымбат» деген.

Қорғауға қыз намысын белді буған,

Қазақтың бұл жердегі еркесі мен.

Қайыргелді Ханшайым — мен боламын!

Қоянбаева Меруерт

Елігім-ең — еркін жүрген кең даланың,

Өнерге қанатымды кең қағамын.

Намысын арулардың қорғай білер,

Орақ қызы Меруерт — мен боламын!

Жұмабек Аяулым

Өнерге жасымнан-ақ ғашық едім,

Думанды орталарға асық едім.

Ізетпен алдарыңа сәлем берген,

Жұмабек Аяулым — мен едім!

Қоянбаева Сымбат

Армысың, ана, әже, бауырларым,

Өнер сүйер үлкен-кіші қауымдарым.

Көктемде қырда өскен қызыл гүлмін,

Қол соғып, құшақ жайып қабылдағын.

Жеңіспен бас бәйгені алар кімің?

Алдыңда Орақ қызы Сымбат келді!

Жауқазын гүліндей боп жайқаламын.

Көрініс: «Үш ана»

Сахналық нұсқау

Ортаға үстел және 3 орындық қойылады. Бір орындықтың шет жағында, үстелдің астында қуыршақ жатады.

Кәусар — қыздың киімін киген бүлдіршін. Ана — қызметкер ана бейнесінде. Әже — мейірімді әже бейнесі.

Идея

Көрініс арқылы ананың еңбегі мен мейірімін, сондай-ақ ата-әженің жанашырлығын таныту.

Жүргізуші

Ойыннан келген Кәусарым қуыршағын іздейді.

Үстелдің астынан тапты да, хал сұрауды көздейді.

Кәусар

Қызым менің, қалайсың? Томсырайып қарайсың.

Қарның ашып отырма-ай, егер тамақ ішпесең, қу сүйек боп қаларсың.

Отыр қане қасыма, тамақтанып аларсың.

Қуыршағын алдына алып отырады.

Жүргізуші

Кәусардың осы сәтінде анасы үйге кіреді.

Тағат таппай қызының халін сұрап біледі.

Ана

Кәусаржан, бүгін сен тамақ ішіп көрдің бе?

Қызықтап ойынға, кешке дейін жүрдің бе?

«Тамағыңды іш» деймін — тыңдамайсың қырсығып. Осы сені не істеймін?

(Отырады.)

Жүргізуші

Анасының артынан апығып әже кіреді.

Ол да өз қызының халін сұрап біледі.

Әже

Айналайын алтыным, шаршадың ба, жарқыным?

Ішпедің-ау тамақты — жайың ойлап жалпының.

Қарашығым, қарағым, түсіңкі ғой қабағың.

Соткамен тұрып жұмыста, болмай қалды-ау тамағың.

Қорытынды

Аналардың елжіреп, ет бауыры езіледі.

Әрқайсысы сұрақтап, өз қыздарына қарайды.

Үш ана қосылып:

Қандай қиын, қараңдаршы, қырсық мінез бала болу.

Бәрінен де оңай емес, білсеңдер, ана болу.

2-кезең: «Өз өнері»

Қайыргелді Ханшайым

Өнер көрсету (мәтінде нақты көрсетілмеген).

Қоянбаева Меруерт

«Аққу биі».

Жұмабек Аяулым

Қазақша би.

Қоянбаева Сымбат

Испан биі.

Ойын: «Даусынан таны»

Ойын бөлімі (ережесі мәтінде толық берілмеген).

3-кезең: «Тапқырлар, білгірлер»

Тапсырма

Арулар гүлді таңдап, гүлдің ішіндегі сұрақтарға жауап береді.

Сұрақтар

  1. Сен ең бірінші кімді жақсы көресің?
  2. Анаңды қалай қуантқың келеді?
  3. Үйде анаңа қалай көмектесесің?
  4. Анаң сені қалай еркелетеді?
  5. Сен анаңды қалай атайсың?

Балалардың өлеңі

Келесі кезеңге дайындық кезінде балалар өлең шумақтарын оқиды: Раушан, Кәдөк, Нұрасыл.

4-кезең: «Жарнама»

Қайыргелді Ханшайым

«Сұйық сабын» жарнамасы.

Қоянбаева Меруерт

«Әтір» жарнамасы.

Жұмабек Аяулым

«Шырын» жарнамасы.

Қоянбаева Сымбат

«Балапан» балабақшасының жарнамасы.

Би бөлімі

«Жігіттер биін билеген, ұлдарды кім сүймеген…» — деп, бағдарламаны жігіттер биімен жалғастырамыз.

5-кезең: «Сән үлгісі»

Аруларымызды қол соғып қошеметтеп ортаға шақырамыз.

Жүргізуші

Әсем әнім сырнайды-ай, әлем сүйіп тыңдайды-ай.

Тамылжытып ән салмай, күнде думан болмайды-ай.

Ән

«Әрқашан күн сөнбесін».

Марапаттау

Әділқазылар шешімі

Келесі сөз кезегін әділқазы алқасына береміз.

Номинациялар

  1. Бас жүлде иегері: «Жауқазын аруы»
  2. Көрермен көзайымы
  3. Өнерлі қыз
  4. Мың бұралған биші

Қорытынды сөз

Ата-аналарға сөз

Келесі сөз кезегін ата-аналарымызға береміз.

Жүргізуші

Аналар, қалқып бақыт аралында,

Лайым мұң қонбасын жанарыңа.

Осымен сайысымызды аяқтайық,

Гүл бітсін бәріңіздің қадамыңызға.

Ардақты аналар, мерекелеріңіз құтты болсын!